ಜಗ್ಗೇಶ್ ಆಕ್ಷನ್ ಕಟ್ ನಲ್ಲಿ 'ಮೇಲುಕೋಟೆ ಮಂಜ'

ನವರಸನಾಯಕ ಜಗ್ಗೇಶ್ ಅವರು ತಮ್ಮ ಹೊಸ ಚಿತ್ರವನ್ನು ಪ್ರಕಟಿಸಿದ್ದಾರೆ. ಈ ಚಿತ್ರದಲ್ಲಿ ಅಭಿನಯಿಸುವುದರ ಜೊತೆಗೆ ಅವರು ಆಕ್ಷನ್ ಕಟ್ ಹೇಳುತ್ತಿರುರುವುದು ವಿಶೇಷ. ಚಿತ್ರದ ಹೆಸರು 'ಮೇಲುಕೋಟೆ ಮಂಜ'.

ಈ ಚಿತ್ರಕ್ಕಾಗಿ ಅವರು ಒಂದು ರೋಮ್ಯಾಂಟಿಕ್ ಹಾಡನ್ನೂ ಬರೆದಿದ್ದಾರೆ. ಅವರೇ ಹೇಳುವಂತೆ ದೆವ್ವ ಓಡಾಡುವ ಟೈಮಲ್ಲಿ ಈ ಹಾಡು ಅವರ ಲೇಖನಿಯಿಂದ ಹೊರಹೊಮ್ಮಿದೆ. ಈ ಚಿತ್ರಕ್ಕೆ ಐಂದ್ರಿತಾ ರೇ ಅವರನ್ನು ನಾಯಕಿಯನ್ನಾಗಿ ಆಯ್ಕೆ ಮಾಡಲಾಗಿದೆ. ['ಬಿಗ್ ಬಾಸ್' ಬಗ್ಗೆ ಮೌನ ಮುರಿದ ನವರಸನಾಯಕ]

ಈ ವರ್ಷ ತಮ್ಮ ನೆಚ್ಚಿನ ಅಭಿಮಾನಿ ಬಳಗವನ್ನು ನಕ್ಕು ನಲಿಸುವ ಭರವಸೆಯನ್ನು ಕೊಟ್ಟಿದ್ದಾರೆ ನವರಸನಾಯಕ. ಜಗ್ಗೇಶ್ ಅಭಿಮಾನಿಗಳು ಭರ್ಜರಿ ಕಾಮಿಡಿಯನ್ನು ನಿರೀಕ್ಷಿಸಬಹುದು. 'ವಾಸ್ತುಪ್ರಕಾರ' ಚಿತ್ರದಲ್ಲೂ ಜಗ್ಗೇಶ್ ಅವರು ಅಭಿನಯಿಸಿದ್ದು ಚಿತ್ರ ಸಂಪೂರ್ಣ ಮನರಂಜನೆ ನೀಡಲಿದೆ ಎಂಬ ವಿಶ್ವಾಸದಲ್ಲಿದೆ ಚಿತ್ರತಂಡ. (ಒನ್ಇಂಡಿಯಾ ಕನ್ನಡ)