ರಾತ್ರಿ ಕರ್ಫ್ಯೂ: ಚಿತ್ರಮಂದಿರದ ಮಾಲೀಕರಿಗೆ ಹೆಚ್ಚಿದ ತಲೆ ಬಿಸಿ

ರಾತ್ರಿ ಪ್ರದರ್ಶನ ರದ್ದು

ಚಿತ್ರಮಂದಿರಗಳು ಪ್ರತಿನಿತ್ಯ ನಾಲ್ಕು ಅಥವಾ ಐದು ಶೋಗಳು ಪ್ರದರ್ಶನ ಮಾಡುತ್ತವೆ. ಬಹುತೇಕ ಚಿತ್ರಮಂದಿರಗಳಲ್ಲಿ ರಾತ್ರಿ 8 ಗಂಟೆಗೆ, ರಾತ್ರಿ 9 ಗಂಟೆಗೆ ಶೋ ಇರುತ್ತದೆ. ರಾಬರ್ಟ್ ಮತ್ತು ಯುವರತ್ನ ಚಿತ್ರಗಳು ಎರಡೂವರೆ ಗಂಟೆಗೂ ಅಧಿಕ ಕಾಲಾವಧಿ ಹೊಂದಿದೆ. 8 ಗಂಟೆ ಶೋ ಶುರು ಮಾಡಿದರೆ ಸಿನಿಮಾ ಮುಗಿಯುವಷ್ಟರಲ್ಲಿ 11 ಗಂಟೆ ಆಗುತ್ತದೆ. 9 ಗಂಟೆ ಶೋ ಅಂದ್ರೆ ರಾತ್ರಿ 12 ಗಂಟೆ ಆಗುತ್ತದೆ. 10 ಗಂಟೆ ಮೇಲೆ ಜನರು ಓಡಾಡಲು ನಿಷೇಧ ಇರುವುದರಿಂದ 9.30ರೊಳಗೆ ಶೋ ಮುಗಿಸಬೇಕಾದ ಅನಿವಾರ್ಯತೆ ಇದೆ. ಹಾಗಾಗಿ, ರಾತ್ರಿ ಶೋಗಳನ್ನು ಚಿತ್ರಮಂದಿರಗಳು ರದ್ದು ಮಾಡಿವೆ.

50 ಪರ್ಸೆಂಟ್ ಜೊತೆ ರಾತ್ರಿ ಶೋ ರದ್ದು

ಕೋವಿಡ್ ಹಿನ್ನೆಲೆ ಚಿತ್ರಮಂದಿರಗಳಲ್ಲಿ 50 ಪರ್ಸೆಂಟ್ ಆಸನ ಭರ್ತಿಗೆ ಮಾತ್ರ ಅವಕಾಶ ನೀಡಲಾಗಿದೆ. ಈಗ ಒಂದು ಶೋ ರದ್ದು ಮಾಡಬೇಕಾದ ಪರಿಸ್ಥಿತಿ. 50 ಪರ್ಸೆಂಟ್ ಇದ್ದರೂ ಹೆಚ್ಚುವರಿ ಶೋಗಳನ್ನು ನಡೆಸಬಹುದು ಎನ್ನುವ ಲೆಕ್ಕಾಚಾರದಲ್ಲಿ ಚಿತ್ರಮಂದಿರ ಮಾಲೀಕರಿಗೆ ಇದು ಆಘಾತ ತಂದಿದೆ.

ಥಿಯೇಟರ್ ಕಲೆಕ್ಷನ್ ಮೇಲೆ ಪ್ರಭಾವ

50 ಪರ್ಸೆಂಟ್ ಆದೇಶ ಮಾಡಿದಾಗಲೇ ಚಿತ್ರಮಂದಿರ ಮಾಲೀಕರು ಕಲೆಕ್ಷನ್ ಮೇಲೆ ಪ್ರಭಾವ ಬೀರಿದೆ. ಕೊರೊನಾ ಭೀತಿಯಿಂದ ಜನರು ಚಿತ್ರಮಂದಿರಕ್ಕೆ ಬರಲು ಹಿಂದೇಟು ಹಾಕಿದ್ದಾರೆ. ಈಗ ಒಂದು ಶೋ ರದ್ದು ಮಾಡಲಾಗಿದೆ. ಸಹಜವಾಗಿ ಕಲೆಕ್ಷನ್ ಕಡಿಮೆ ಆಗುತ್ತದೆ. ಚಿತ್ರಮಂದಿರ ಬಾಡಿಗೆ ಪದ್ದತಿಯಲ್ಲಿ ಸಿನಿಮಾ ಪ್ರದರ್ಶಿಸುತ್ತಿದ್ದರೆ ಇದರಿಂದ ಆರ್ಥಿಕ ಸಂಕಷ್ಟ ಎದುರಾಗಬಹುದು.

ಓಟಿಟಿಗಳ ಮೊರೆ ಹೋದ ಸ್ಟಾರ್ಸ್

ಚಿತ್ರಮಂದಿರಗಳಲ್ಲಿ 50 ಪರ್ಸೆಂಟ್ ಆದೇಶ ಹೊರಬೀಳುತ್ತಿದ್ದಂತೆ ಸ್ಟಾರ್ ನಟರ ಚಿತ್ರಗಳು ಓಟಿಟಿ ಕಡೆ ಮುಖ ಮಾಡಿದ್ದಾರೆ. ರಿಲೀಸ್ ಆದ 8 ದಿನದಲ್ಲೇ ಪುನೀತ್ ರಾಜ್ ಕುಮಾರ್ ನಟನೆಯ ಯುವರತ್ನ ಸಿನಿಮಾ ಅಮೇಜಾನ್ ಪ್ರೈಮ್‌ನಲ್ಲಿ ಪ್ರಸಾರವಾಗಿದೆ.