ಶಿವಣ್ಣನ 'ಟಗರು' ಅಡ್ಡದ 'ಶೇರ್' ಹೇಗಿದ್ದಾನೆ ಅಂತ ನೀವೇ ನೋಡಿ...

ಶಿವಣ್ಣ ವರ್ಸಸ್ ಟಗರು

ಶಿವರಾಜ್ ಕುಮಾರ್ ಅಭಿನಯದ 'ಟಗರು' ಸಿನಿಮಾದಲ್ಲಿ ನಿಜವಾದ ಟಗರು ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದೆ. ಚಿತ್ರಕ್ಕಾಗಿಯೇ ಟಗರನ್ನ ತಯಾರು ಮಾಡಲಾಗಿದೆ. ಶರೀಫ್ ಅನ್ನೋರು ಈ ಟಗರನ್ನ ಸಾಕಿದ್ದು ಚಿತ್ರೀಕರಣಕ್ಕಾಗಿ ವಿಶೇಷ ತಾಲೀಮನ್ನೂ ಮಾಡಿಸಿದ್ದಾರೆ.

ಸೆಟ್ ನಲ್ಲಿ ಪ್ರೀತಿಯ ಶೇರ್

ಚಿತ್ರೀಕರಣಕ್ಕಾಗಿ ಟಗರನ್ನ ಕರೆತಂದ ದಿನದಿಂದ ಟಗರು ಎಲ್ಲರ ಪ್ರೀತಿಯನ್ನ ಗಳಿಸಿದೆ. ನಿರ್ದೇಶಕ ಸೂರಿ ಮತ್ತು ಶಿವಣ್ಣನಿಗಂತೂ ಟಗರು ಅಂದ್ರೆ ಬಹು ಅಚ್ಚುಮೆಚ್ಚು. ಶಿವರಾಜ್ ಕುಮಾರ್ ಶೇರ್ ಅಂತ ಟಗರಿಗೆ ನಾಮಕರಣ ಮಾಡಿದ್ದು, ಈಗ ಟಗರು ಚಿತ್ರದ ಶೇರ್ ಅಂತಾನೇ ಫೇಮಸ್ ಆಗಿದೆ.

ಹಾಲು ಕುಡಿಯುತ್ತಾನೆ ಶೇರ್

ಒಂದುವರೆ ವರ್ಷದ ವಯಸ್ಸಿನ ಈ ಶೇರ್ ಅನ್ನ ತುಂಬಾ ಕಾಳಜಿ ವಹಿಸಿ ಸಾಕುತಿದ್ದಾರೆ. ಪ್ರತಿನಿತ್ಯ ಮೂರು ಬಾರಿ ಹಾಲನ್ನ ಆಹಾರವಾಗಿ ನೀಡಲಾಗುತ್ತೆ. ಇದರ ಜೊತೆಗೆ ಬಾದಾಮಿ, ಪಿಸ್ತಾ ಕೂಡ ತಿನ್ನಿಸಲಾಗುತ್ತಂತೆ. ಬೆಳಗ್ಗೆ ತಿಂಡಿಗೆ ಗೋಧಿ ತಿನ್ನುವ ಶೇರ್ ನೋಡುವುದಕ್ಕೆ ಅಷ್ಟೇ ಅಲ್ಲದೆ ಸಖತ್ ಸ್ಟ್ರಾಂಗ್ ಆಗಿಯೂ ಇದ್ದಾನೆ.

ಟಗರು ಸಿನಿಮಾದಲ್ಲಿ ಮುಖ್ಯಪಾತ್ರ

ಬೆಂಗಳೂರಿನ ಮೈಸೂರು ರಸ್ತೆ ಬಳಿ ಇರುವ ಗೋರಿಪಾಳ್ಯದ ಶರೀಫ್ ಅನ್ನೋರಿಗೆ ಸೇರಿದ ಟಗರು ಈ ಶೇರ್. ಸಿನಿಮಗಾಗಿ ಟ್ರೈನಿಂಗ್ ನೀಡಲಾಗಿದ್ಯಂತೆ. ಶರೀಫ್ ಮಾತ್ರವಲ್ಲದೆ ಮನೆಯ ಮಂದಿಗೆಲ್ಲಾ ಶೇರ್ ಅಂದರೆ ತುಂಬಾ ಅಚ್ಚುಮೆಚ್ಚು. ಟಗರು ತೆರೆಗೆ ಬಂದ ನಂತರ ಮತ್ತಷ್ಟು ಸಿನಿಮಾಗಳಲ್ಲಿ ಶೇರ್ ಅಭಿನಯಿಸಲು ಸಿದ್ದನಾಗುತ್ತಿದ್ದಾನೆ.