ಡ್ರಗ್ಸ್ ಪ್ರಕರಣದಲ್ಲಿ ಬರಿ ಹೆಣ್ಮಕ್ಳ ಹೆಸರು ಮಾತ್ರ ಯಾಕೆ ಬರ್ತಿದೆ?

ನಟಿಯರೇ ಏಕೆ ಟಾರ್ಗೆಟ್?

ಡ್ರಗ್ಸ್ ಜಾಲದಲ್ಲಿ ಉದ್ಯಮಿಗಳ ಪುತ್ರರು, ರಾಜಕಾರಣಿಗಳ ಮಕ್ಕಳು, ಖ್ಯಾತ ನಟರು, ಖ್ಯಾತ ನಟಿಯರು ಇದ್ದಾರೆ ಇಂದ್ರಜಿತ್ ಲಂಕೇಶ್ ಆರೋಪಿಸಿದ್ದರು. ಆದರೆ, ಇದುವರೆಗೂ ಇಬ್ಬರು ನಟಿಯರ ಹೆಸರು ಬಿಟ್ಟರೆ ಉದ್ಯಮಿ ಪುತ್ರರಾಗಲಿ ಅಥವಾ ರಾಜಕಾರಣಿಗಳ ಪುತ್ರರ ಹೆಸರುಗಳನ್ನಾಗಲಿ ಬಹಿರಂಗವಾಗಿಲ್ಲ. ಸಿಸಿಬಿ ನೋಟಿಸ್ ಸಹ ನೀಡಿಲ್ಲ.

ಮೂವರು ನಟಿಯರು ಅರೆಸ್ಟ್

ಡ್ರಗ್ಸ್ ಪ್ರಕರಣದಲ್ಲಿ ಕನ್ನಡದ ನಟಿಯರಾದ ರಾಗಿಣಿ ದ್ವಿವೇದಿ ಮತ್ತು ಸಂಜನಾ ಗಲ್ರಾನಿ ಅರೆಸ್ಟ್ ಆಗಿದ್ದಾರೆ. ಇನ್ನು ಬಾಲಿವುಡ್‌ನಲ್ಲಿ ಸುಶಾಂತ್ ಸಿಂಗ್ ಸಾವಿನ ಪ್ರಕರಣದಲ್ಲಿ ವಿಚಾರಣೆ ಎದುರಿಸುತ್ತಿರುವ ರಿಯಾ ಚಕ್ರವರ್ತಿಯನ್ನು ಎನ್‌ಸಿಬಿ ಅಧಿಕಾರಿಗಳು ಇಂದು ಬಂಧಿಸಿದ್ದಾರೆ.

ಪಾರೂಲ್ ಯಾದವ್ ಪ್ರಶ್ನೆ?

ಡ್ರಗ್ಸ್ ಪ್ರಕರಣದಲ್ಲಿ ಇದುವರೆಗೂ ಮೂವರು ಮಹಿಳೆಯರನ್ನು ಬಂಧಿಸಲಾಗಿದೆ. ಆದರೆ, ಕಾರ್ಪೊರೇಟ್ ವ್ಯಕ್ತಿಗಳು, ಉದ್ಯಮಿಗಳು, ಕ್ರೀಡಾಪಟುಗಳು ಅಥವಾ ನಟರು ಸಹ ಡ್ರಗ್ಸ್ ಸೇವಿಸುತ್ತಿಲ್ಲ ಮತ್ತು ಬಳಸುತ್ತಿಲ್ಲವೇ ಎಂದು ಪಾರೂಲ್ ಯಾದವ್ ಪ್ರಶ್ನಿಸಿದ್ದು, ಮೂವರು ನಟಿಯರು ಮಾತ್ರ ಏಕೆ ಬಲಿಪಶು ಎಂದು ಟೀಕಿಸಿದ್ದಾರೆ.

ತನಿಖೆ ಪ್ರಗತಿಯಲ್ಲಿದೆ.....

ಬಾಲಿವುಡ್ ಹಾಗೂ ಸ್ಯಾಂಡಲ್‌ವುಡ್ ಎರಡೂ ಕಡೆಯೂ ಡ್ರಗ್ ಪೆಡ್ಲರ್‌ಗಳು ಹಾಗೂ ಅವರ ಜೊತೆ ಆಪ್ತ ವಲಯದಲ್ಲಿ ಸಂಪರ್ಕದಲ್ಲಿದ್ದ ನಟಿಯರನ್ನು ಬಂಧಿಸಲಾಗಿದೆ. ಸದ್ಯದ ಪರಿಸ್ಥಿತಿ ಗಮನಿಸಿದರೆ ನಟಿಯರು ಮಾತ್ರ ಏಕೆ ಟಾರ್ಗೆಟ್ ಎಂಬ ಪ್ರಶ್ನೆ ಕಾಡಬಹುದು. ಆದರೆ, ತನಿಖೆ ಇನ್ನೂ ಪ್ರಗತಿಯಲ್ಲಿದೆ. ಇನ್ನೂ ಯಾವೆಲ್ಲ ಹೆಸರುಗಳು ಈ ಪ್ರಕರಣದಲ್ಲಿ ಹೊರಬೀಳಲಿದೆ ಎನ್ನುವುದು ಸದ್ಯಕ್ಕೆ ಗೊತ್ತಿಲ್ಲ.