ಸ್ಟಾರ್ ನಿರ್ದೇಶಕನ ವಿರುದ್ಧ ನಟಿ ಕಿಡಿ: ಅಸಭ್ಯ ರೀತಿ ನಿಂದನೆ

ಕಿಡಿ ಕಾರಿದ ನಟಿ ಶ್ರೀ ರೆಡ್ಡಿ

'ನೀನು ನನ್ನ ವಿರುದ್ಧ ಮಾಡಿರುವ ಕಮೆಂಟ್‌ಗಳನ್ನು ಯೂಟ್ಯೂಬ್‌ನಲ್ಲಿ ನೋಡಿದೆ, ನೀನು ನನ್ನ ಕೂದಲಿಗೆ ಸಮವಷ್ಟೆ, ರಾಮ್ ಗೋಪಾಲ್ ವರ್ಮಾ ಬಗ್ಗೆಯೂ ಮಾತನಾಡಿದ್ದೀಯ, ಆತನ ಚಪ್ಪಲಿಗೂ ನೀನು ಸಮವಲ್ಲ' ಎಂದು ಫೇಸ್‌ಬುಕ್ ವಿಡಿಯೋದಲ್ಲಿ ಹರಿಹಾಯ್ದಿದ್ದಾರೆ ನಟಿ ಶ್ರೀ ರೆಡ್ಡಿ.

'ನೀನು ನಟಿಯರನ್ನು ಹೊಡೆಯುತ್ತೀಯಾ ಎಂದು ಗೊತ್ತಾಯಿತು'

'ತೆಲುಗು ಚಿತ್ರರಂಗ ಏನು ನಿನ್ನದಾ? ನೀನು ಒಳ್ಳೆಯ ನಿರ್ದೇಶಕ ಎಂದುಕೊಂಡಿದ್ದೆ, ನಾನು ನಿನ್ನ ಅಭಿಮಾನಿ ಆಗಿದ್ದೆ. ಆದರೆ ನೀನು ನಟಿಯರನ್ನು ಹೊಡೆಯುತ್ತೀಯ, ಅವರನ್ನು ಟಾರ್ಚರ್ ಮಾಡುತ್ತೀಯ ಎಂದು ಗೊತ್ತಾದ ಮೇಲೆ ನಾನು ನಿನ್ನನ್ನು ದ್ವೇಷಿಸಲು ಪ್ರಾರಂಭಿಸಿದೆ' ಎಂದಿದ್ದಾರೆ ಶ್ರೀರೆಡ್ಡಿ.

ಯೂಟ್ಯೂಬ್ ಸಂದರ್ಶನದಲ್ಲಿ ಮಾತನಾಡಿದ್ದ ತೇಜ

ಯೂಟ್ಯೂಬ್ ಸಂದರ್ಶನವೊಂದರಲ್ಲಿ ಭಾಗವಹಿಸಿದ್ದ ತೇಜಾ ಗೆ 'ಶ್ರೀರೆಡ್ಡಿ, ರಾಮ್ ಗೋಪಾಲ್ ವರ್ಮಾ ಅವರುಗಳು ತೆಲುಗು ಇಂಡಸ್ಟ್ರಿಯನ್ನು ರಸ್ತೆಗೆ ಎಳೆದು ತಂದರು ಇದರ ಬಗ್ಗೆ ನಿಮ್ಮ ಅಭಿಪ್ರಾಯವೇನು?' ಎಂದು ಕೇಳುತ್ತಾರೆ. ಇದರಿಂದ ಕೆರಳುವ ತೇಜಾ, 'ವರ್ಮಾ ಅಂತಹಾ ಕೆಲವರು ಏನೋ ಹೇಳಿಬಿಟ್ಟ ಮಾತ್ರಕ್ಕೆ ಚಿತ್ರರಂಗದ ಕತೆ ಮುಗಿದಂತಲ್ಲ, ಈ ಚಿತ್ರರಂಗ ನಮ್ಮದು, ನಮ್ಮ ಹಾಗೂ ಪ್ರೇಕ್ಷಕನ ನಡುವಿನ ಬಂಧವನ್ನು ಯಾರೂ ಏನೂ ಮಾಡಲು ಆಗದು' ಎಂದಿದ್ದಾರೆ. ಇದು ಶ್ರೀರೆಡ್ಡಿಯನ್ನು ಕೆರಳಿಸಿದೆ.

ಶ್ರೀರೆಡ್ಡಿ ಪರ ಮನವಿ ಮಾಡಿದ್ದ ತೇಜ

ಶ್ರೀರೆಡ್ಡಿ ಅರೆಬೆತ್ತಲೆ ಪ್ರತಿಭಟನೆ ಮಾಡಿದಾಗ ಇದೇ ತೇಜಾ ಆಕೆಯನ್ನು ಕರೆಸಿ ಮಾತನಾಡಿ, ತನ್ನ ಎರಡು ಸಿನಿಮಾದಲ್ಲಿ ಆಕೆಗೆ ಅವಕಾಶ ಕೊಡುತ್ತೇನೆ ಎಂದು ಹೇಳಿದ್ದರು. ಸಿನಿಮಾ ರಂಗದ ಇತರ ನಿರ್ದೇಶಕರುಗಳು ಸಹ ಶ್ರೀ ರೆಡ್ಡಿಗೆ ಅವಕಾಶ ಕೊಡಿರೆಂದು ಮನವಿ ಮಾಡಿದ್ದರು. ಆದರೆ ಕೆಲವೇ ವರ್ಷಗಳಲ್ಲಿ ಇಬ್ಬರ ನಡುವೆ ಬಿರುಕು ಬಂದಿದೆ.