ಸೌಂದರ್ಯ ವೃದ್ಧಿಗಾಗಿ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡ ನಟಿಯರ ಪಟ್ಟಿ ಇಲ್ಲಿದೆ.

ದಕ್ಷಿಣ ಚಿತ್ರರಂಗದಿಂದ ಪ್ರಸಿದ್ಢವಾದ ಶ್ರೀದೇವಿ, ನಂತರ ಬಾಲಿವುಡ್ ಚಿತ್ರರಂಗವನ್ನಾಳಿದರು. 90ರ ದಶಕದಲ್ಲಿ ಮೂಗಿನ ಸರ್ಜರಿಗೆ ಒಳಗಾಗಿದ್ದ ಶ್ರೀದೇವಿ ನಂತರ ಫೇಸ್ ಲಿಫ್ಟ್, ಬೋಟಾಕ್ಸ್ ಮುಂತಾದ ಕಾಸ್ಮೆಟಿಕ್ ಸರ್ಜರಿಗೆ ಒಳಗಾಗಿದ್ದರು. ನಿಧನರಾಗುವ ಕೆಲ ವರ್ಷಗಳ ಹಿಂದೆ ಲಿಪ್ ಎನ್‌ಹ್ಯಾನ್ಸಮೆಂಟ್ ಸರ್ಜರಿ ಮಾಡಿಸಿಕೊಂಡಿದ್ದರು.

ಮಾಜಿ ವಿಶ್ವ ಸುಂದರಿ ಐಶ್ವರ್ಯ ರೈ ಕೂಡ ಕತ್ತರಿ ಪ್ರಯೋಗಕ್ಕೆ ಒಳಗಾಗಿದ್ದಾರೆ. ಲಿಪ್ ಫಿಲ್ಲರ್ಸ್, ಫೇಶಿಯಲ್ ಫಿಲ್ಲರ್ಸ್, ನೋಸ್ ಜಾಬ್ ಮುಂತಾದ ಕಾಸ್ಮೆಟಿಕ್ ಸರ್ಜರಿಗೆ ಐಶ್ವರ್ಯಾ ಒಳಗಾಗಿದ್ದಾರೆ.

ಪ್ರಿಯಾಂಕ ಚೋಪ್ರಾ ಬಾಲಿವುಡ್ ಚಿತ್ರರಂಗದಲ್ಲಿ ಸಕ್ರಿಯವಾಗುವ ಮುನ್ನ ನೋಸ್ ಜಾಬ್ ಮತ್ತು ಲಿಪ್ ಸರ್ಜರಿ ಮಾಡಿಸಿಕೊಂಡಿದ್ದರು.

ಕರ್ನಾಟಕದಿಂದ ಹೋಗಿ ಬಾಲಿವುಡ್‌ನಲ್ಲಿ ನೆಲೆ ಕಂಡುಕೊಂಡ ಮಂಗಳೂರು ಬೆಡಗಿ ಶಿಲ್ಪಾ ಶೆಟ್ಟಿ, ಮೂಗಿನ ಸರ್ಜರಿ ಮಾಡಿಸಿಕೊಂಡು ತಮ್ಮ ಅಂದವನ್ನು ಹೆಚ್ಚಿಸಿಕೊಂಡರು. ಅವರು ಯಾವುದೇ ಮುಚ್ಚು ಮರೆಯಿಲ್ಲದೇ ಇದರ ಬಗ್ಗೆ ಹಲವು ಬಾರಿ ಹೇಳಿಕೊಂಡಿದ್ದಾರೆ. 

ನಯನತಾರ ತಮ್ಮ ತೂಕವನ್ನು ಇಳಿಸಿಕೊಂಡು ಅಂದವನ್ನು ಹೆಚ್ಚಿಸಿಕೊಳ್ಳಲು ಲಿಪೋಸಕ್ಷನ್ ಸರ್ಜರಿ ಮಾಡಿಸಿಕೊಂಡರು. ಇವರು ತಮ್ಮ ಆರೋಗ್ಯ ಮತ್ತು ಅಂದಕ್ಕಾಗಿ ಹೆಚ್ಚಾಗಿ ಆರ್ಯುವೇದಿಕ್  ವಿಧಾನವನ್ನು ಬಳಸುತ್ತಾರೆ. 

ಮೂಗು ಮತ್ತು ಲಿಪ್ ಸರ್ಜರಿ ಮಾಡಿಸಿಕೊಂಡ ಶೃತಿ ಹಾಸನ್, ಅದನ್ನು ಬಹಿರಂಗವಾಗಿಯೇ ಒಪ್ಪಿಕೊಳ್ಳುತ್ತಾರೆ. ಅವರು ಎರಡು ಸಲ ಬಿದ್ದಾಗ ಆದ ತೊಂದರೆಗಳಿಂದ ಮೂಗಿನ ಸರ್ಜರಿಯನ್ನು ಮತ್ತು ತಮ್ಮ ತೆಳುವಾದ ತುಟಿಗಳನ್ನು ದಪ್ಪ ಮಾಡಿಕೊಳ್ಳುವುದಕ್ಕಾಗಿ ಲಿಪ್ ಫಿಲ್ಲರ್ಸ್‌ಗಳನ್ನು ಬಳಿಸಿದೆ ಎಂದು ಶೃತಿ ಹಾಸನ್ ಹೇಳುತ್ತಾರೆ. 

ಟಾಲಿವುಡ್ ಬ್ಯೂಟಿ ಸಮಂತಾ ಕೂಡ ಸೌಂದರ್ಯ ವೃದ್ಧಿಗಾಗಿ ಪ್ಲಾಸ್ಟಿಕ್ ಸರ್ಜರಿ ಮೊರೆ ಹೋಗಿದ್ದರು. ಅವರು ನೋಸ್ ಜಾಬ್, ಚೀಕ್ ಮತ್ತು ಲಿಪ್ ಫಿಲ್ಲರ್ಸ್  ಬಳಿಸಿದ್ದಾರೆ. 

ದಕ್ಷಿಣ ಚಿತ್ರರಂಗದಲ್ಲಿ ಸಕ್ರಿಯವಾಗಿದ್ದ ರಂಭಾ ಕನ್ನಡದಲ್ಲಿ ಬಾವ ಬಾಮೈದ, ಓ ಪ್ರೇಮವೇ, ಸಾಹುಕಾರ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇವರು ಕೂಡ ತಮ್ಮ ಮೂಗು ಮತ್ತು ತುಟಿಗಳನ್ನು ಸರ್ಜರಿ ಮೂಲಕ ಸರಿ ಮಾಡಿಸಿಕೊಂಡಿದ್ದಾರೆ. 

ಕನ್ನಡ ಸೇರಿದಂತೆ ದಕ್ಷಿಣ ಚಿತ್ರರಂಗದಲ್ಲಿ ಹೆಸರು ಮಾಡಿರುವ ಬೆಂಗಳೂರು ಮೂಲದ ಪ್ರಿಯಾಮಣಿ, ಚೀಕ್ಸ್ ಮತ್ತು ಲಿಪ್ಸ್ ಪಿಲ್ಲರ್ಸ್‌ಗಳನ್ನು  ಬಳಸಿದ್ದಾರೆ. 

ಕಾಜಲ್ ಅಗರವಾಲ್ ಮಗಧೀರ ಚಿತ್ರದ ಮೂಲಕ ತೆಲಗು ಚಿತ್ರರಂಗದಲ್ಲಿ ನೆಲೆ ಕಂಡುಕೊಂಡು, ನಂತರ ಹಲವು ಚಿತ್ರಗಳಲ್ಲಿ ನಟಿಸಿ ಖ್ಯಾತರಾದರು. ಕೆಲ ಮೂಲಗಳ ಪ್ರಕಾರ ಕಾಜಲ್ ಅಗರವಾಲ್ ಅಮೆರಿಕಾದಲ್ಲಿ ಮೂಗಿನ ಶಸ್ತ್ರ ಚಿಕಿತ್ಸೆ ಮಾಡಿಕೊಂಡಿದ್ದಾರೆ.

ಬಾಲಿವುಡ್ ನಟಿ ಮತ್ತು ಕ್ರಿಕೆಟಿಗ ವಿರಾಟ್ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ತಮ್ಮ ಲಿಪ್ ಎನ್‌ಹ್ಯಾನ್ಸ್ಮೆಂಟ್ ಥೆರಪಿಯಿಂದ ಸಾಕಷ್ಟು ಸುದ್ಧಿಯಾಗಿದ್ದರು. ಅನುಷ್ಕಾ ಅವರ ಲಿಪ್ಸ್ ಹಲವು ದಿನಗಳ ಕಾಲ ಸೋಷಿಯಲ್ ಮೀಡಿಯಾದಲ್ಲಿನ ಟ್ರೋಲ್‌ಗಳಿಗೆ ಆಹಾರವಾಗಿತ್ತು. 

ಟಾಲಿವುಡ್ ಚಿತ್ರರಂಗದಲ್ಲಿ ಸ್ವೀಟಿ ಎಂದೇ ಕರೆಯಿಸಿಕೊಳ್ಳುವ ಅನುಷ್ಕಾ ಶೆಟ್ಟಿ, ತಮ್ಮ ಅತಿ ತೂಕವನ್ನು ಕಳೆದುಕೊಳ್ಳಲು ಲಿಪೋ ಸಕ್ಷನ್ ಸರ್ಜರಿ ಮಾಡಿಸಿಕೊಂಡರು ಮತ್ತು ಚೀಕ್ ಅಗುಮೆಂಟೇಶನ್ ಕೂಡ ಮಾಡಿಸಿಕೊಂಡರು. 

ಬಾಲಿವುಡ್ ನ ಬಬ್ಲಿ ಗರ್ಲ್ ಎಂದೇ ಖ್ಯಾತಿಯಾಗಿದ್ದ ಪ್ರೀತಿ ಜಿಂತಾ ಐ ಲಿಡ್ ಸರ್ಜರಿ, ಬೋಟಾಕ್ಸ್, ಬ್ರೆಸ್ಟ್ ಇಂಪ್ಲಾಂಟ್ಸ್ ಮತ್ತು ಚೀಕ್ ಫಿಲ್ಲರ್ಸ್ ಗಳನ್ನು ಬಳಸಿದ್ದಾರೆ. 

ಕಂಗನಾ ರಣೌತ್ ಕೂಡ ಮೂರು ಕಾಸ್ಮೆಟಿಕ್ ಸರ್ಜರಿಗೆ ಒಳಗಾಗಿದ್ದಾರೆ. ಬ್ರೆಸ್ಟ್ ಇಂಪ್ಲಾಂಟ್ಸ್ , ಲಿಪ್ ಮತ್ತು ಚೀಕ್ ಫಿಲ್ಲರ್ಸ್ ಗಳನ್ನು ಮಾಡಿಕೊಂಡಿದ್ದಾರೆ.