ಕರೋಡ್‌ಪತಿ ವಿನ್ನರ್‌ ಸುಶೀಲ್ ಕುಮಾರ್‌ಗೆ ಜೀವ ಬೆದರಿಕೆ

ಮುಂಬೈನಿಂದ ಈಗ ತನ್ನ ಹುಟ್ಟೂರು ಬಿಹಾರದ ಮೋತಿಹಾರಿಗೆ ಬರುತ್ತಿದ್ದಂತೆ ಬೆದರಿಕೆ ಕರೆಗಳ ಕಿರಿಕಿರಿ ಶುರುವಾಗಿದೆ. ನಿನ್ನನ್ನು ಕಿಡ್ನಾಪ್ ಮಾಡುತ್ತೇವೆ. ನಿಮ್ಮ ಕುಟುಂಬಿಕರನ್ನು ಅಪಹರಣ ಮಾಡುತ್ತೇವೆ ಎಂಬ ಬೆದರಿಕೆ ಕರೆಗಳು ಬರುತ್ತಿವೆಯಂತೆ. ಈ ಕರೆಗಳಿಂದ ಸುಶೀಲ್ ಕುಟುಂಬ ಭಯದಲ್ಲಿ ನರಳುವಂತಾಗಿದೆ.

ಈ ರೀತಿಯ ಕರೆಗಳಿಂದ ನನ್ನ ಮನಸ್ಸಿಗೆ ಬೇಜಾರಾಗಿದೆ. ಆದರೆ ಕಿಡ್ನಾಪರ್ಸ್‌ಗೆ ನಾನು ಹೇಳುವುದೇನೆಂದರೆ. ನನ್ನ ಬಳಿ ಬಹುಮಾನದ ಹಣ ಇಲ್ಲ. ಅದು ಬರಲು ಇನ್ನೂ ಕೆಲವು ತಿಂಗಳುಗಳ ಕಾಲ ಹಿಡಿಸುತ್ತದೆ. ನನ್ನ ಜಿಲ್ಲೆಯ ಬಹಳಷ್ಟು ಮಂದಿ ನನ್ನ ಬೆಂಬಲಕ್ಕೆ ನಿಂತಿದ್ದಾರೆ. ನಿಮ್ಮ ಆಟ ನಡೆಯಲ್ಲ ಎಂದು ಪರೋಕ್ಷವಾಗಿ ಅಪಹರಣಕಾರರಿಗೆ ಸುಶೀಲ್ ಎಚ್ಚರಿಸಿದ್ದಾರೆ. (ಏಜೆನ್ಸೀಸ್)