ಕನ್ನಡದ ಈ ಹೀರೋಯಿನ್ ಮೇಲೆ ಧನಂಜಯ್ ಗೆ ಕ್ರಶ್ ಆಗಿತ್ತು

ಕೃತಿಕಾ ಮೇಲೆ ಕ್ರಶ್

ನಟಿ ಕೃತಿಕಾ ಜಯಕುಮಾರ್ ಮೇಲೆ ನಟ ಧನಂಜಯ್ ಗೆ ಕ್ರಶ್ ಆಗಿತಂತೆ. ಈ ವಿಷಯವನ್ನು ಸ್ವತಃ ಅವರೇ ಸ್ಟಾರ್ ಸುವರ್ಣ ವಾಹಿನಿಯ 'ನಂ 1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದಲ್ಲಿ ಹೇಳಿದ್ದಾರೆ. ಈ ಮೂಲಕ ಡಾಲಿಯ ಮನಸ್ಸು ಕದ್ದ ಆ ಹುಡುಗಿ ಯಾರು ಎನ್ನುವ ವಿಷಯ ಎಲ್ಲರಿಗೆ ತಿಳಿದಿದೆ.

ಶಿವಣ್ಣನ ಪ್ರಶ್ನೆ

ಕಾರ್ಯಕ್ರಮದ ಮೊದಲ ಸುತ್ತಿನಲ್ಲಿ ಶಿವಣ್ಣ ''ನೀವು ನಟಿಸಿದ 9 ಸಿನಿಮಾಗಳಲ್ಲಿ ಯಾವ ನಟಿಯ ಮೇಲಾದರೂ ಕ್ರಶ್ ಆಗಿತ್ತಾ?'' ಎಂದು ಪ್ರಶ್ನೆ ಕೇಳಿದರು. ಆಗ ಧನಂಜಯ್ ''ಹೌದು,'ಬಾಕ್ಸರ್' ಸಿನಿಮಾದಲ್ಲಿ ನನ್ನ ಜೊತೆಗೆ ನಟಿಸಿದ್ದ ಕೃತಿಕಾ ಜಯಕುಮಾರ್ ಮೇಲೆ ಆ ಟೈಂ ನಲ್ಲಿ ಕ್ರಶ್ ಆಗಿತ್ತು.'' ಎಂದು ಉತ್ತರಿಸಿದರು.

ಮಾತೇ ಆಡಿಸುತ್ತಿರಲಿಲ್ಲ

''ಆ ಸಿನಿಮಾದ ಸಂದರ್ಭದಲ್ಲಿ ಕ್ರಶ್ ಆಗಿತ್ತು. ಆಮೇಲೆ ಯಾಕೋ ಅವರು ತುಂಬ ಚಿಕ್ಕ ಹುಡುಗಿ ಅನಿಸಿತು. ನಾನು ಅವರನ್ನು ಮಾತೇ ಆಡಿಸುತ್ತಿರಲಿಲ್ಲ. ಅವರು ನಿಮ್ಮ ಜೊತೆಗೆ ಕೂಡ ಸಿನಿಮಾ ಈಗ ಮಾಡುತ್ತಿದ್ದಾರೆ.'' ಎಂದು ಸಂಕೋಚದಿಂದಲೇ ಧನಂಜಯ್ ಉತ್ತರಿಸಿದರು. ಆಗ ಶಿವಣ್ಣ ''ಆಕೆ ತುಂಬ ಒಳ್ಳೆ ಹುಡುಗಿ. ಫೋನ್ ಮಾಡಿ ಇದೆಲ್ಲ ಕೇಳ್ತನಿ'' ಅಂತ ಹಾಗೆ ತಮಾಷೆ ಮಾಡಿದರು.

ಬೆಂಗಳೂರಿನ ಹುಡುಗಿ

ಕೃತಿಕಾ ಜಯಕುಮಾರ್ ಮೂಲತಃ ಬೆಂಗಳೂರಿನ ಹುಡುಗಿ. ಮೊದಲು ತೆಲುಗಿನ 'ದೃಶ್ಯಂ' ಸಿನಿಮಾದ ಮೂಲಕ ಸಿನಿಮಾ ಪಯಣ ಶುರು ಮಾಡಿದ ಕೃತಿಕಾಗೆ ಕನ್ನಡದಲ್ಲಿ 'ಬಾಕ್ಸರ್' ಮೊದಲ ಸಿನಿಮಾವಾಗಿದೆ. ಆ ಚಿತ್ರದ ನಂತರ ಮತ್ತೆ ತೆಲುಗು, ತಮಿಳು ಸಿನಿಮಾ ಮಾಡಿದ ಕೃತಿಕಾ ಈಗ ಶಿವರಾಜ್ ಕುಮಾರ್ ನಟನೆಯ 'ಕವಚ' ಚಿತ್ರದಲ್ಲಿ ನಟಿಸುತ್ತಿದ್ದಾರೆ.