ದಿಗಂತ್ ಅಭಿನಯದ ಡಬ್ಬಾ ಸಿನಿಮಾ ಇದೇ! ನೋಡಲು ಆಗದೆ ಎದ್ದು ಹೋಗಿದ್ರಂತೆ ದೂದ್ ಪೇಡ!

'ಸತ್ಯ' ಹೇಳಿದ ದಿಗಂತ್

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರ ಆಗುತ್ತಿರುವ 'ನಂ.1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮದಲ್ಲಿ ಗೆಳೆಯರಾದ ದಿಗಂತ್ ಹಾಗೂ ಯೋಗಿ ಭಾಗವಹಿಸಿದ್ದರು. ಮೊದಲನೇ ಸುತ್ತಿನಲ್ಲಿ ('ಸತ್ಯನಾ.? ಧೈರ್ಯನಾ.?) 'ಸತ್ಯ'ವನ್ನು ಹೇಳಲು ದಿಗಂತ್ ನಿರ್ಧರಿಸಿದರು.

ದಿಗಂತ್ ಅಭಿನಯದ ಡಬ್ಬಾ ಸಿನಿಮಾ ಯಾವುದು.?

''ನಿಮ್ಮ ಯಾವುದಾದರೂ ಸಿನಿಮಾ ನೋಡಲು ಆಗದೆ ಥಿಯೇಟರ್ ನಿಂದ ಎದ್ದು ಹೋಗಿದ್ದು ಉಂಟಾ.?'' ಎಂದು ಶಿವಣ್ಣ ಪ್ರಶ್ನೆ ಕೇಳಿದರು. ಆಗ, ''ಇದೆ'' ಎನ್ನುತ್ತಾ ''ಎಸ್.ಎಂ.ಎಸ್ 6260'' ಚಿತ್ರದ ಬಗ್ಗೆ ಮೆಲುಕು ಹಾಕಲು ದಿಗಂತ್ ಆರಂಭಿಸಿದರು.

15 ನಿಮಿಷ ಅಷ್ಟೆ ನೋಡಿದ್ದು

''ಎಸ್.ಎಂ.ಎಸ್ 6260... ಅದರಷ್ಟು ಡಬ್ಬಾ ಸಿನಿಮಾ ನಾನು ನೋಡಿಲ್ಲ. ಇನ್ಮುಂದೆ ಅಂತಹ ಸಿನಿಮಾ ಮಾಡಲ್ಲ ಅಂತ ಅಂದುಕೊಂಡಿದ್ದೇನೆ. ಯಾಕಂದ್ರೆ, ಅವರು ಹೇಳಿದ ಕತೆ ಬೇರೆ. ಶೂಟಿಂಗ್ ಮಾಡಿದ್ದು ಬೇರೆ. ಅದನ್ನ ನೋಡಲು ಆಗದೆ 15 ನಿಮಿಷಕ್ಕೆ ಎದ್ದು ಹೋದೆ. ಆದ್ಮೇಲೆ, ಪ್ರಮೋಷನ್ ಗೆ ಕರೆಯಬೇಡಿ ಅಂತ ಹೇಳಿದೆ. ರಿಲೀಸ್ ಆಗಿ ಶುಕ್ರವಾರ, ಶನಿವಾರ, ಭಾನುವಾರ ಓಡ್ತು ಅಷ್ಟೇ'' ಎಂದರು ದಿಗಂತ್

ಶಿವಣ್ಣ ಕೂಡ ಎದ್ದು ಹೋಗಿದ್ದಾರಂತೆ

''ನಾನು ಕೂಡ ನನ್ನ ಸಿನಿಮಾ ನೋಡಲು ಆಗದೆ ಎದ್ದು ಹೋಗಿದ್ದೇನೆ'' ಎಂದು ಇದೇ ಸಂದರ್ಭದಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಕೂಡ ಹೇಳಿದರು. ಆದ್ರೆ, ಅದು ಯಾವ ಸಿನಿಮಾ ಅಂತ ಶಿವಣ್ಣ ಬಾಯಿಬಿಡಲಿಲ್ಲ.