'ಶೋ ಆಫ್', 'ಬಿಲ್ಡಪ್' ಎಂದು ನಟ ಅನಂತ್ ನಾಗ್ ಕರೆದಿದ್ದು ಯಾರಿಗೆ.?

ಕಲರ್ಸ್ ಸೂಪರ್ ವಾಹಿನಿಯ ಜನಪ್ರಿಯ 'ಸೂಪರ್ ಟಾಕ್ ಟೈಮ್' ಕಾರ್ಯಕ್ರಮದಲ್ಲಿ ನಟ ಅನಂತ್ ನಾಗ್ ಹಾಗೂ ನಟಿ ಗೀತಾ ಅತಿಥಿಗಳಾಗಿ ಭಾಗವಹಿಸಿದ್ದರು.

ಕಾರ್ಯಕ್ರಮದ ಪದ್ಧತಿಯಂತೆ ಮಾತುಕತೆ ಹಾಗೂ ಟಾಸ್ಕ್ ಮುಗಿದ ಬಳಿಕ 'ದಿಢೀರ್ ಬೆಂಕಿ' (Rapid Fire) ರೌಂಡ್ ಗೆ ನಿರೂಪಕ ಅಕುಲ್ ಬಾಲಾಜಿ ಚಾಲನೆ ನೀಡಿದರು.

''ಈ ಕೆಳಗಿನ ಪದಗಳನ್ನು ಕೇಳಿದಾಗ, ಯಾವ ನಟರು ನೆನಪಾಗುತ್ತಾರೆ.?'' ಎಂದು ''ಹೈ ಇನ್ ಆಟಿಟ್ಯೂಡ್, ಬಿಲ್ಡಪ್, ಶೋ ಆಫ್, ಡೌನ್ ಟು ಅರ್ಥ್, ಸೆಲ್ಫಿಶ್, ಆರೋಗೆಂಟ್'' ಪದಗಳನ್ನ ನಟ ಅನಂತ್ ನಾಗ್ ಮುಂದಿಟ್ಟರು ನಿರೂಪಕ ಅಕುಲ್ ಬಾಲಾಜಿ.

ಎಲ್ಲ ಪದಗಳಿಗೂ ನಟ ಅನಂತ್ ನಾಗ್ ಹೇಳಿದ ಹೆಸರು ಒಂದೇ... ಅದೇ 'ಅನಂತ್ ನಾಗ್'.!

ಆ ಎಲ್ಲ ಪದಗಳಿಗೂ ತಮ್ಮ ಹೆಸರನ್ನ ಬಿಟ್ಟು ಬೇರೆ ಯಾವ ನಟರ ಹೆಸರುಗಳನ್ನೂ ಅನಂತ್ ನಾಗ್ ಹೇಳಲಿಲ್ಲ.

ಎಲ್ಲ ಪದಗಳಿಗೂ ತಮ್ಮ ಹೆಸರನ್ನ ಹೇಳಿಕೊಂಡು, ''ಎಲ್ಲ ಗುಣ-ಅವಗುಣಗಳೂ ನನ್ನಲ್ಲಿ ಇವೆ'' ಎಂಬ ಕಾರಣವನ್ನ ನಟ ಅನಂತ್ ನಾಗ್ ನೀಡಿದರು.

ಸಾಮಾನ್ಯವಾಗಿ ಇಂಥ ಪ್ರಶ್ನೆಗಳು ಬಂದಾಗ ವಿವಾದಕ್ಕೆ ಗುರಿಯಾಗುವುದು ಸಹಜ. ಆದ್ರೆ, ನಟ ಅನಂತ್ ನಾಗ್ ಅಂಥ ಯಾವುದೇ ವಿವಾದಗಳಿಗೆ ಆಸ್ಪದ ಕೊಡಲೇ ಇಲ್ಲ.