ಮಹಾಸಂಗಮ : 'ಬಿಳೀ ಹೆಂಡ್ತಿ' ಬದುಕಲ್ಲಿ 'ಮುದ್ದುಲಕ್ಷ್ಮಿ' ಆಗಮನ

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ರಾತ್ರಿ 7 ಗಂಟೆಗೆ ಪ್ರಸಾರವಾಗುವ 'ಬಿಳೀ ಹೆಂಡ್ತಿ' ಹಾಗೂ 7:30 ಕ್ಕೆ ಪ್ರಸಾರವಾಗುವ 'ಮುದ್ದುಲಕ್ಷ್ಮಿ' ಧಾರಾವಾಹಿಗಳ ಮಹಾಸಂಗಮ ಸಂಚಿಕೆ ಇದೇ ಜೂನ್ 4 ರಿಂದ 8 ರವರೆಗೆ ಪ್ರಸಾರವಾಗಲಿದೆ.

ವಿದೇಶದಿಂದ ಬಂದು ಸಂಪ್ರದಾಯಸ್ಥ ಮನೆತನವೊಂದರ ಸೊಸೆಯಾಗಿ ಸವಾಲುಗಳನ್ನೇ ಬದುಕಾಗಿಸಿಕೊಂಡಿರುವ 'ಬಿಳೀ ಹೆಂಡ್ತಿ' ಧಾರಾವಾಹಿಯ ಶೆರ್ಲಿ ಹಾಗೂ ಕಪ್ಪಗಿದ್ದಾಳೆ ಎಂಬ ಕಾರಣಕ್ಕೆ ಎಲ್ಲರಿಂದಲೂ ತಿರಸ್ಕಾರಕ್ಕೆ ಒಳಗಾಗಿ ತನ್ನ ಅಂತರಗಂದ ಸೌಂದರ್ಯ ಹಾಗೂ ಶ್ರೇಷ್ಠ ವ್ಯಕ್ತಿತ್ವದ ಮೂಲಕ ಸಂಸಾರ ಸಾಗರವನ್ನು ದಾಟುವ 'ಮುದ್ದು ಲಕ್ಷ್ಮಿ' ಈ ಮಹಾಸಂಗಮದಲ್ಲಿ ಜೊತೆಯಾಗಲಿದ್ದಾರೆ.

'ಬಿಳೀ ಹೆಂಡಿ' ಧಾರಾವಾಹಿಯ ಶೆರ್ಲಿ ಬದುಕಿನಲ್ಲಿ ಎದುರಾಗುವ ಸಮಸ್ಯೆಯೊಂದನ್ನು ಮುದ್ದು ಲಕ್ಷ್ಮಿ ಬಗೆಹರಿಸಲಿದ್ದು 'ಬಿಳೀ ಹೆಂಡ್ತಿ' ಧಾರಾವಾಹಿಯ ದೊಡ್ಡ ರಹಸ್ಯವೊಂದು ಈ ಮಹಾಸಂಗಮದ ಕೊನೆಯಲ್ಲಿ ನೋಡುಗರಿಗೆ ಅನಾವರಣಗೊಳ್ಳಲಿದೆ. ಈ ಮೂಲಕ ಎರಡು ವಿಭಿನ್ನ ಕಥಾ ಹಂದರದ ಧಾರಾವಾಹಿಗಳ ಮಹಾ ಸಂಗಮ ಆಗಲಿದೆ.