ಬರಲಿದೆ ಅಕ್ಕ-ತಂಗಿಯರ ಮನ ಮಿಡಿಯುವ ಕಥೆ 'ಸಿಂದೂರ'

'ಸಿಂದೂರ' ಕಥಾಹಂದರ ಏನು.?

ಅಕ್ಕ... ತಾಯಿಯ ಮತ್ತೊಂದು ಸ್ವರೂಪ. ತಂದೆಯ ಸ್ಥೈರ್ಯ ಮತ್ತು ತಾಯಿಯ ಮಮತೆ ಇರುವ ಅಕ್ಕ, ತನ್ನ ತಂಗಿಯ ಬಾಳನ್ನು ಹಸನಾಗಿಸಲು ತ್ಯಾಗದ ಪರಾಕಾಷ್ಟೆಗೆ ಮುಂದಾಗುವ ಕಥೆ 'ಸಿಂದೂರ'.[ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ನಾದಮಯ ಪ್ರೇಮಕಥೆ 'ತ್ರಿವೇಣಿ ಸಂಗಮ']

ಪಾತ್ರಧಾರಿಗಳು ಯಾರ್ಯಾರು.?

'ಸಿಂದೂರ' ಧಾರಾವಾಹಿಯಲ್ಲಿ ಸೌಮ್ಯಲತಾ, ಆನಂದ್ ನಾಗರ್ಕರ್, ಮುತ್ತುರಾಜ್, ಭೂಮಿಕಾ, ಚಂದನಾ, ಗೌತಮ್ ಮತ್ತು ವಿಕಾಸ್ ನಟಿಸುತ್ತಿದ್ದಾರೆ.

ಸುವರ್ಣ ಆಶಯ

ಮನುಷ್ಯನ ಸಂಬಂಧಗಳು ನಿಧಾನವಾಗಿ ಕ್ಷೀಣಿಸುತ್ತಿರುವ ಈ ಯಾಂತ್ರಿಕ ಯುಗದಲ್ಲಿ, ಒಡಗುಟ್ಟಿದವರ ಪ್ರೀತಿ ಮತ್ತು ಬಾಂಧವ್ಯವನ್ನು ತೋರಿಸುವ ಪ್ರಾಮಾಣಿಕ ಪ್ರಯತ್ನ ಇದು. ಈ ರೀತಿ 'ಸಿಂದೂರ' ಆಧುನಿಕ ಸಮಕಾಲೀನ ಕಥೆಯ ಧಾರಾವಾಹಿಯಾಗಿ ಎಲ್ಲರಿಗೂ ಇಷ್ಟವಾಗುತ್ತದೆ ಎನ್ನುವುದು ಸ್ಟಾರ್ ಸುವರ್ಣ ವಾಹಿನಿಯ ಆಶಯ.

ಪ್ರಸಾರ ಯಾವಾಗ.?

ಅಕ್ಕ-ತಂಗಿಯರ ಮನ ಮಿಡಿಯುವ ಕಥೆ ಹೊಂದಿರುವ 'ಸಿಂದೂರ' ಮಾರ್ಚ್ 20ರಿಂದ ಸೋಮವಾರದಿಂದ ಶುಕ್ರವಾರದವರೆಗೆ ರಾತ್ರಿ 8 ಗಂಟೆಗೆ ಸ್ಟಾರ್ ಸುವರ್ಣದಲ್ಲಿ ಮೂಡಿಬರಲಿದೆ.