ಬಿಗ್ ಬಾಸ್ ಕನ್ನಡ 8ನೇ ಆವೃತ್ತಿಯಲ್ಲಿ ಸ್ಟಾರ್ ನಟಿಯ ಸಹೋದರಿ?

ಆಶಿಕಾ ಸಹೋದರಿ ಅನುಷಾ?

ಕನ್ನಡದ ನಟಿ ಆಶಿಕಾ ರಂಗನಾಥ್ ಸಹೋದರಿ, ಅನುಷಾ ರಂಗನಾಥ್ ಅವರು ಹೆಸರು ಬಿಗ್ ಬಾಸ್ ಪಟ್ಟಿಯಲ್ಲಿ ಚರ್ಚೆಯಾಗುತ್ತಿದೆ. ಆದರೆ, ಅನುಷಾ ಹೋಗುವುದರ ಕುರಿತು ಅಧಿಕೃತ ಮಾಹಿತಿ ಇಲ್ಲ.

ಕಿರುತೆರೆ ಮತ್ತು ಸಿನಿಮಾ ನಟಿ

'ಗೋಕುಲದಲ್ಲಿ ಸೀತೆ' ಧಾರಾವಾಹಿ ಮೂಲಕ ಕಿರುತೆರೆ ಜರ್ನಿ ಆರಂಭಿಸಿದ ಅನುಷಾ ರಂಗನಾಥ್ ನಂತರ ಸಿನಿಮಾದಲ್ಲೂ ನಟಿಸಿದರು. 'ಲೈಫ್ 360', 'ಸೋಡಾಬುಡ್ಡಿ' ಅಂತಹ ಚಿತ್ರಗಳಲ್ಲಿ ಕಾಣಿಸಿಕೊಂಡರು. ವಿನಯ್ ರಾಜ್ ಕುಮಾರ್ ಜೊತೆ ಒಂದು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಕಾವ್ಯಗೌಡ ಹೆಸರು ಚರ್ಚೆಯಲ್ಲಿದೆ

ಕಿರುತೆರೆಯ ಖ್ಯಾತ ನಟಿ ಕಾವ್ಯ ಗೌಡ ಅವರ ಹೆಸರು ಸಹ ಬಿಗ್ ಬಾಸ್ ಪಟ್ಟಿಯಲ್ಲಿ ಚರ್ಚೆಯಾಗುತ್ತಿದೆ. ಆದರೆ, ಕಾವ್ಯ ಗೌಡ ಈ ಶೋನಲ್ಲಿ ಭಾಗವಹಿಸುತ್ತಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಈ ಕುರಿತು ಸಹೋದರಿ ಭವ್ಯ ಸಾಮಾಜಿಕ ಜಾಲತಾಣದಲ್ಲಿ ಪ್ರತಿಕ್ರಿಯಿಸಿದ್ದು, ಕಾವ್ಯ ಬಿಗ್‌ಬಾಸ್‌ಗೆ ಹೋಗುತ್ತಿಲ್ಲ ಎಂದಿದ್ದಾರೆ.

ಸುನೀಲ್ ರಾವ್ ಹೆಸರು?

ಕಳೆದ ಹಲವು ಆವೃತ್ತಿಗಳಿಂದಲೂ ಎಕ್ಸ್‌ಕ್ಯೂಸ್‌ಮಿ ನಟ ಸುನೀಲ್ ರಾವ್ ಅವರ ಹೆಸರು ಬಿಗ್ ಬಾಸ್‌ ಪಟ್ಟಿಗಳಲ್ಲಿ ಕೇಳಿ ಬರುತ್ತಲೇ ಇದೆ. ಆದರೆ, ಇದುವರೆಗೂ ಸುನೀಲ್ ದೊಡ್ಮನೆಗೆ ಪ್ರವೇಶದ ಬಗ್ಗೆ ಎಲ್ಲಿಯೂ ಸುಳಿವು ನೀಡಿಲ್ಲ. ಪ್ರತಿವರ್ಷದಂತೆ ಈ ವರ್ಷವೂ ಸುನೀಲ್ ರಾವ್ ಹೆಸರು ಸದ್ದು ಮಾಡ್ತಿದೆ. ಬಿಗ್ ಮನೆಗೆ ಸುನೀಲ್ ಹೋಗ್ತಾರಾ ಕಾದುನೋಡಬೇಕಿದೆ.