ಡ್ರಗ್ಸ್ ಪ್ರಕರಣ: ಕಾಮಿಡಿಯನ್ ಭಾರತಿ ಸಿಂಗ್ ಮತ್ತು ಪತಿ ಹರ್ಷ್ ಲಿಂಬಾಚಿಯಾಗೆ ಜಾಮೀನು

ಮತ್ತಷ್ಟು ಜನರ ವಿಚಾರಣೆ ಸಾಧ್ಯತೆ

ಎನ್ ಸಿ ಬಿ ವಿಚಾರಣೆಯಿಂದ ಭಾರತಿ ಸಿಂಗ್ ಮತ್ತು ಪತಿ ಹರ್ಷ್ ಬಾಲಿವುಡ್ ನ ಮತ್ತಷ್ಟು ಸೆಲೆಬ್ರಿಟಿಗಳ ಹೆಸರು ಹೊರ ಬರುವ ಸಾದ್ಯತೆ ಇದೆ. ಹಾಗಾಗಿ ಮತ್ತಷ್ಟು ಜನರಿಗೆ ಆತಂಕ ಶುರುವಾಗಿದೆ. ಭಾರತಿ ಸಿಂಗ್ ಹಿಂದಿಯಲ್ಲಿ ಜನಪ್ರಿಯ ಶೋಗಳನ್ನು ಹೋಸ್ಟ್ ಮಾಡುತ್ತಾರೆ. ದಿ ಕಪಿಲ್ ಶರ್ಮಾ ಶೋನಲ್ಲಿ ಕಾಮಿಡಿಯನ್ ಆಗಿ ಕಿರುತೆರೆ ಪ್ರೇಕ್ಷಕರನ್ನು ರಂಜಿಸಿದ್ದಾರೆ.

ಜನಪ್ರಿಯ ಹಾಸ್ಯ ನಟಿ ಭಾರತಿ ಸಿಂಗ್

ಸರ್ಕಸ್ ಎನ್ನುವ ಕಾಮಿಡಿ ರಿಯಾಲಿಟಿ ಶೋ ಅನ್ನು ಹಲವು ವರ್ಷ ನಡೆಸಿಕೊಟ್ಟಿದ್ದರು. ಈ ಶೋ ಭಾರತಿ ಸಿಂಗ್ ಮತ್ತಷ್ಟು ಖ್ಯಾತಿ ತಂದುಕೊಟ್ಟಿದೆ. ಕಿರುತೆರೆಯಲ್ಲಿ ದೊಡ್ಡ ಮಟ್ಟದ ಹೆಸರು ಮಾಡಿರುವ ಭಾರತಿ ಸಿಂಗ್ ಸ್ಕ್ರಿಪ್ಟ್ ರೈಟರ್ ಹಾಗೂ ನಿರೂಪಕ ಹರ್ಷ್ ಲಿಂಬಾಚಿಯಾ ಅವರನ್ನು ಮದುವೆಯಾಗಿದ್ದಾರೆ. ಕಿರುತೆರೆ ಜೊತೆಗೆ ಭಾರತಿ ಸಿಂಗ್ ಸಿನಿಮಾದಲ್ಲೂ ನಟಿಸಿದ್ದಾರೆ.

ಘಟಾನುಘಟಿಗಳ ವಿಚಾರಣೆ

ಸುಶಾಂತ್ ಸಿಂಗ್ ಸಾವಿನ ತನಿಖೆ ವೇಳೆ ಬಾಲಿವುಡ್‌ನ ಡ್ರಗ್ಸ್ ಕರ್ಮಕಾಂಡ ಹೊರಬಿದ್ದಿದ್ದು, ಎನ್‌ಸಿಬಿ ಈ ವರೆಗೆ ಹಲವರನ್ನು ಬಂಧಿಸಿದ್ದು, ಖ್ಯಾತ ನಟ-ನಟಿಯರನ್ನು ವಿಚಾರಣೆಗೆ ಒಳಪಡಿಸಿದೆ. ದೀಪಿಕಾ ಪಡುಕೋಣೆ, ಸಾರಾ ಅಲಿ ಖಾನ್, ಶ್ರದ್ಧಾ ಕಪೂರ್, ರಕುಲ್ ಪ್ರೀತ್ ಸಿಂಗ್ ಸೇರಿದಂತೆ ಅನೇಕರನ್ನು ವಿಚಾರಣೆಗೆ ಒಳಪಡಿಸಿದೆ.

Rajinikanth ಅಭಿಮಾನಿಗಳಿಗೆ ಆತಂಕ | Filmibeat Kannada

ಅರ್ಜುನ್ ರಾಂಪಲ್ ವಿಚಾರಣೆ

ಕೆಲವು ದಿನಗಳ ಹಿಂದಷ್ಟೆ ನಟ ಅರ್ಜುನ್ ರಾಮ್‌ಪಾಲ್ ಹಾಗೂ ನಿರ್ಮಾಪಕ ಫಿರೋಜ್ ನಾಡಿಯಾವಾಲಾ ಮನೆಯ ಮೇಲೆ ಎನ್‌ಸಿಬಿ ಅಧಿಕಾರಿಗಳು ದಾಳಿ ನಡೆಸಿದ್ದರು. ಅರ್ಜುನ್ ರಾಮ್‌ಪಾಲ್ ಗೆಳತಿಯ ಸಹೋದರನನ್ನು ಎನ್‌ಸಿಬಿ ಅಧಿಕಾರಿಗಳು ಬಂಧಿಸಿದ್ದಾರೆ.