ವಿಕ್ಕಿ ಕೌಶಲ್ ಜೊತೆ ಗುಟ್ಟಾಗಿ ನಿಶ್ಚಿತಾರ್ಥ ಮಾಡಿಕೊಂಡ್ರಾ ಕತ್ರಿನಾ?, ಕ್ಷಮಿಸಿ ಸಲ್ಮಾನ್ ಎನ್ನುತ್ತಿರುವ ನೆಟ್ಟಿಗರು

ವದಂತಿ ಅಷ್ಟೆ ಎಂದ ಆಪ್ತ ಮೂಲಗಳು

ನಿಶ್ಚಿತಾರ್ಥದ ವಿಚಾರ ವೈರಲ್ ಆಗುತ್ತಿದ್ದಂತೆ ಕತ್ರಿನಾ ಆಪ್ತ ಮೂಲಗಳು ಇದನ್ನು ತಳ್ಳಿ ಹಾಕಿದೆ. ಮೂಲಗಳ ಪ್ರಕಾರ ಇದು ಕೇವಲ ವದಂತಿ ಅಷ್ಟೆ ಎನ್ನಲಾಗುತ್ತಿದೆ. ಇಬ್ಬರೂ ಇನ್ನೂ ನಿಶ್ಚಿತಾರ್ಥ ಮಾಡಿಕೊಂಡಿಲ್ಲ ಎಂದು ಕತ್ರಿನಾ ಆಪ್ತ ಮೂಲ ಮಾಹಿತಿ ನೀಡಿದೆಆದರೆ ಇಬ್ಬರ ನಿಶ್ಚಿತಾರ್ಥದ ಸುದ್ದಿ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಸಲ್ಮಾನ್ ಖಾನ್ ಗೆ ಕ್ಷಮಿಸಿ ಎನ್ನುತ್ತಿರುವ ನೆಟ್ಟಿಗರು

ಅಂದಹಾಗೆ ಕತ್ರಿನಾ ಮತ್ತು ವಿಕ್ಕಿ ಎಂಗೇಜ್ಮೆಂಟ್ ಸುದ್ದಿ ಹರಿದಾಡುತ್ತಿದ್ದಂತೆ ನೆಟ್ಟಿಗರು ಕಾಮೆಂಟ್ ಅಭಿನಂದನೆ ಸಲ್ಲಿಸುತ್ತಿದ್ದಾರೆ. ಇನ್ನು ಅನೇಕರು ಕಾಮೆಂಟ್ ಮಾಡಿ ಸಲ್ಮಾನ್ ಖಾನ್ ಮೇಲೆ ವಿಷಾದ ವ್ಯಕ್ತಪಡಿಸುತ್ತಿದ್ದಾರೆ. ಕ್ಷಮಿಸಿ ಸಲ್ಮಾನ್ ಎಂದು ಹೇಳಿದ್ದಾರೆ.

ಕತ್ರಿನಾ ಮದುವೆ ಬಗ್ಗೆ ಸುಳಿವು ನೀಡಿದ್ದರು ಡಿಸೈನರ್

ಇಬ್ಬರೂ ನಿಜಕ್ಕೂ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರಾ ಅಥವಾ ಇದು ಕೇವಲ ವದಂತಿ ಎನ್ನುವುದು ಸದ್ಯದಲ್ಲೇ ಬಹಿರಂಗವಾಗಲಿದೆ. ಇತ್ತೀಚಿಗಷ್ಟೆ ಕತ್ರಿನಾ ಹುಟ್ಟುಹಬ್ಬದ ದಿನ ಸಲ್ಮಾನ್ ಖಾನ್ ಡಿಸೈನರ್ ಆಶ್ಲೆ ರೆಬೆಲ್ ಕತ್ರಿನಾ ಮದುವೆಯ ಸುಳಿವು ನೀಡಿದ್ದರು. ಮದುಮಗಳ ಹಾಗ ಡ್ರೆಸ್ ಮಾಡಿಕೊಂಡಿದ್ದ ಕತ್ರಿನಾ ಫೋಟೋ ಶೇರ್ ಮಾಡಿ ಆದಷ್ಟು ನಡೆಯಲಿ ಎಂದು ಹೇಳಿದ್ದರು.

ಅನಿಲ್ ಕಪೂರ್ ಪುತ್ರನ ಹೇಳಿಕೆಗೆ ಗರಂ ಆಗಿದ್ದ ಕತ್ರಿನಾ

ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ಬಾಲಿವುಡ್ ನ ಖ್ಯಾತ ನಟ ಅನಿಲ್ ಕಪೂರ್ ಪುತ್ರ ಹರ್ಷವರ್ಧನ್ ಕಪೂರ್, ಕತ್ರಿನಾ ಮತ್ತು ವಿಕ್ಕಿ ಕೌಶಲ್ ಪ್ರೀತಿಯ ವಿಚಾರವನ್ನು ಬಹಿರಂಗ ಪಡಿಸುವ ಮೂಲಕ ಇಬ್ಬರ ಸಂಬಂಧವನ್ನು ಖಚಿತ ಪಡಿಸಿದ್ದರು. ಆದರೆ ಈ ಬಗ್ಗೆ ಕತ್ರಿನಾ ಫುಲ್ ಗರಂ ಆಗಿದ್ದರು. ತನ್ನ ಖಾಸಗಿ ವಿಚಾರವನ್ನು ಬೇರೊಬ್ಬರು ಬಹಿರಂಗ ಪಡಿಸಿದ ಬಗ್ಗೆ ಕತ್ರಿನಾ ಅಸಮಾಧಾನಗೊಂಡಿದ್ದರಂತೆ ಈ ಬಗ್ಗೆ ಕತ್ರಿನಾ ಆಪ್ತರೊಬ್ಬರು ಮಾಹಿತಿ ಬಹಿರಂಗ ಪಡಿಸಿದ್ದರು.

ಪ್ರೀತಿ ವಿಚಾರ ಗೌಪ್ಯವಾಗಿಟ್ಟಿದ್ದೇಕೆ ನಟಿ?

'ಕತ್ರಿನಾ ತನ್ನ ವೈಯಕ್ತಿಕ ಜೀವನದ ಬಗ್ಗೆ ಜಾಗರೂಕರಾಗಿದ್ದಾರೆ. ತನ್ನ ಹಳೆಯ ಸಂಬಂಧದಿಂದ (ರಣಬೀರ್ ಜೊತೆಗಿನ ಸಂಬಂಧ) ಕತ್ರಿನಾ ತುಂಬಾ ಹರ್ಟ್ ಆಗಿದ್ದರು. ಹಾಗಾಗಿ ಪ್ರಸ್ತುತ ಸಂಬಂಧವನ್ನು ಗೌಪ್ಯವಾಗಿ ಮತ್ತು ಶಾಂತವಾಗಿಡಲು ಬಯಸುತ್ತಾರೆ' ಎಂದು ಕತ್ರಿನಾ ಆಪ್ತರು ಆಂಗ್ಲ ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದರು.

ಹರ್ಷವರ್ಧನ್ ಕಪೂರ್ ಹೇಳಿದ್ದೇನು?

ಆಂಗ್ಲ ವೆಬ್ ಪೋರ್ಟಲ್ ಗೆ ನೀಡಿದ ಸಂದರಶನದಲ್ಲಿ ಹರ್ಷವರ್ಧನ್ ಕಪೂರ್, ಬಿಟೌನ್ ಲವ್‌ಬರ್ಡ್ಸ್ ಗಳ ಸಂಬಂಧದ ಬಗ್ಗೆ ಬಹಿರಂಗ ಪಡಿಸಿದ್ದರು. 'ಕತ್ರಿನಾ ಕೈಫ್ ಮತ್ತು ವಿಕ್ಕಿ ಕೌಶಲ್ ಒಟ್ಟಿರುವುದು ನಿಜ, ಬಹುಶಃ ನನ್ನ ಹೇಳಿಕೆ ಅವರಿಗೆ ತೊಂದರೆ ಉಂಟು ಮಾಡಬಹುದು' ಎಂದಿದ್ದರು. ಹರ್ಷವರ್ಧನ್ ಈ ಹೇಳಇಕೆ ಕತ್ರಿನಾ ಕೋಪಕ್ಕೆ ಕಾರಣವಾಗಿತ್ತು.