ಕನ್ನಡಿಗರ ಮನಸ್ಸು ಗೆದ್ದ ವಿರಾಟ್ ಪತ್ನಿ ಅನುಷ್ಕಾ ಶರ್ಮಾ

ಕನ್ನಡ ಮಾತನಾಡುತ್ತಾರಂತೆ ಅನುಷ್ಕಾ ಶರ್ಮಾ

ಬೆಂಗಳೂರಿನ, ಕನ್ನಡಿಗ ಹುಡುಗಿಯರೇ ಕನ್ನಡ ಮಾತನಾಡಲು ಹಿಂದು-ಮುಂದು ನೋಡುತ್ತಿರುವ ಸಮಯದಲ್ಲಿ ಅನುಷ್ಕಾ ಶರ್ಮಾ ಗೆ ಕನ್ನಡ ಬರುತ್ತದೆ ಎಂದರೆ ಆಶ್ಚರ್ಯ ಪಡಲೇಬೇಕಲ್ಲವೆ. ಹೌದು, ಅನುಷ್ಕಾ ಶರ್ಮಾ ಗೆ ಕನ್ನಡ ಮಾತನಾಡಲು ಬರುತ್ತದೆಯಂತೆ.

ಅನುಷ್ಕಾ ಶರ್ಮಾಗೆ ಕನ್ನಡ ಬರುತ್ತದೆಯಾ?

ಇನ್‌ಸ್ಟಾಗ್ರಾಂ ನಲ್ಲಿ ನಡೆದ ಪ್ರಶ್ನೋತ್ತರದಲ್ಲಿ ಒಬ್ಬಾತ, 'ಮೇಡಂ ನಿಮಗೆ ಕನ್ನಡ ಬರುತ್ತದೆಯೇ?' ಎಂಬ ಪ್ರಶ್ನೆ ಕೇಳಿದ್ದಾನೆ. ಇದಕ್ಕೆ ಉತ್ತರಿಸಿದ ಅನುಷ್ಕಾ ಶರ್ಮಾ, 'ಸ್ವಲ್ಪ, ಸ್ವಲ್ಪ' ಎಂದಿದ್ದಾರೆ. ಅನುಷ್ಕಾ ಅವರ ಈ ಉತ್ತರದ ಸ್ಕ್ರೀನ್ ಶಾಟ್‌ ಈಗ ಸಖತ್ ವೈರಲ್ ಆಗಿದೆ.

ಅನುಷ್ಕಾ ಬೆಳೆದಿದ್ದೆಲ್ಲಾ ಬೆಂಗಳೂರಲ್ಲೇ

ಅನುಷ್ಕಾ ಶರ್ಮಾ ಗೆ ಕನ್ನಡ ಬರುವುದರಲ್ಲಿ ಹೆಚ್ಚಿನ ಆಶ್ಚರ್ಯವಿಲ್ಲ. ಅನುಷ್ಕಾ ಶರ್ಮಾ ಹುಟ್ಟಿದ್ದು ಉತ್ತರ ಪ್ರದೇಶದಲ್ಲಾದರೂ ಬೆಳೆದಿದ್ದು, ಓದಿದ್ದು ಎಲ್ಲವೂ ಬೆಂಗಳೂರಿನಲ್ಲಿಯೇ. ಪದವಿ ವರೆಗಿನ ಶಿಕ್ಷಣವನ್ನು ಅವರು ಬೆಂಗಳೂರಿನಲ್ಲಿಯೇ ಮಾಡಿದ್ದಾರೆ.

ಸಸ್ಯಾಹಾರಿ ಆದ ಅನುಷ್ಕಾ ಶರ್ಮಾ

ಇನ್ನೂ ಹಲವು ಪ್ರಶ್ನೆಗಳಿಗೆ ಉತ್ತರಿಸಿರುವ ಅನುಷ್ಕಾ ಶರ್ಮಾ, ತಾವು ಕಳೆದ ಐದು ವರ್ಷದಿಂದ ಮಾಂಸಾಹಾರವನ್ನು ತ್ಯಜಿಸಿ ಸಸ್ಯಾಹಾರಿ ಆಗಿರುವುದಾಗಿ ಹೇಳಿದ್ದಾರೆ. ಇದು ತಮ್ಮ ಜೀವನದ ಉತ್ತಮ ನಿರ್ಣಯಗಳಲ್ಲಿ ಒಂದು ಎಂದು ಸಹ ಹೇಳಿದ್ದಾರೆ.