'ಮೊಹೆಂಜೋದಾರೋ' 4 ದಿನದ ಕಲೆಕ್ಷನ್ ರಿಪೋರ್ಟ್ ನಿಮಗಾಗಿ

ಬಾಲಿವುಡ್ ಹ್ಯಾಂಡ್ಸಮ್ ಹಂಕ್ ಹೃತಿಕ್ ರೋಷನ್ ಮತ್ತು ಕರಾವಳಿ ಬೆಡಗಿ ಪೂಜಾ ಹೆಗ್ಡೆ ಕಾಣಿಸಿಕೊಂಡಿದ್ದ 'ಮೊಹೆಂಜೋದಾರೋ' ಕಳೆದ ಶುಕ್ರವಾರ (ಆಗಸ್ಟ್ 12) ವರಮಹಾಲಕ್ಷ್ಮಿ ಹಬ್ಬದ ದಿನ, ಇಡೀ ವಿಶ್ವದಾದ್ಯಂತ ಗ್ರ್ಯಾಂಡ್ ಆಗಿ ಓಪನಿಂಗ್ ಪಡೆದುಕೊಂಡಿತ್ತು.

ಐತಿಹಾಸಿಕ ಕಥೆಯಾಧರಿತ ಈ ಚಿತ್ರ ತುಂಬಾ ನಿಧಾನವಾಗಿ ಸಾಗಿದ್ದು, ಅಭಿಮಾನಿಗಳನ್ನು ಸೆಳೆಯುವಲ್ಲಿ ಕೊಂಚ ಎಡವಿತ್ತು. ಆದರೂ ಕಲೆಕ್ಷನ್ ವಿಚಾರದಲ್ಲಿ ಜೋರಾಗಿ ಅಬ್ಬರಿಸದಿದ್ದರೂ, ಕೊಂಚ ಮಟ್ಟಿಗೆ ಚೆನ್ನಾಗೇ ಕಲೆಕ್ಷನ್ ಮಾಡಿದೆ.['ಮೊಹೆಂಜೋದಾರೊ' ನಟಿ ಪೂಜಾದ್ದು ರಣಬೀರ್ ದ್ದು ಹಳೇ ಪರಿಚಯ]

ಬಹಳ ನಿಧಾನಗತಿಯಲ್ಲಿ ಆರಂಭವಾದ 'ಮೊಹೆಂಜೋದಾರೋ' ಯಶಸ್ಸು ಇದೀಗ ಉತ್ತಮ ಗಳಿಕೆಯತ್ತ ಸಾಗಿದೆ. ನಿರ್ದೇಶಕ ಆಶುತೋಷ್ ಗೌರಿಕ್ಕರ್ ಆಕ್ಷನ್-ಕಟ್ ಹೇಳಿದ್ದ, ಈ ಚಿತ್ರದ ನಾಲ್ಕು ದಿನಗಳ ಕಲೆಕ್ಷನ್ ರಿಪೋರ್ಟ್ ಇದೀಗ ಹೊರಬಿದ್ದಿದೆ.

ಅಂದಹಾಗೆ 'ಮೊಹೆಂಜೋದಾರೋ' 4 ದಿನಗಳಲ್ಲಿ, ಭಾರತದಲ್ಲಿ ಮಾಡಿದ ಒಟ್ಟು ಕಲೆಕ್ಷನ್ ಬರೋಬ್ಬರಿ 40.90 ಕೋಟಿ ರೂಪಾಯಿ. ಶುಕ್ರವಾರ 8.87 ಕೋಟಿ, ಶನಿವಾರ 9.60 ಕೋಟಿ ರೂಪಾಯಿ, ಭಾನುವಾರ 12.07 ಕೋಟಿ ರೂಪಾಯಿ, ಸೋಮವಾರ 10.36 ಕೋಟಿ ರೂಪಾಯಿ. ಒಟ್ಟು 40.90 ಕೋಟಿ ರೂಪಾಯಿ ಬಾಕ್ಸಾಫೀಸ್ ನಲ್ಲಿ ಕಮಾಯಿಸಿದೆ.[ರಿಲೀಸ್ ಗೂ ಮುನ್ನ ಕೋಟಿ-ಕೋಟಿ ಬಾಚಿದ 'ಮೊಹೆಂಜೋದಾರೊ']

ಇನ್ನು ಬಿಡುಗಡೆಗೆ ಮುನ್ನವೇ ಸ್ಯಾಟಲೈಟ್ ಹಕ್ಕು 45 ಕೋಟಿಗೆ, ಮ್ಯೂಸಿಕ್ ಹಕ್ಕು 15 ಕೋಟಿಗೆ ಮಾರಾಟಗೊಂಡು ಸುಮಾರು 60 ಕೋಟಿ ರೂಪಾಯಿ ಕಲೆಕ್ಷನ್ ಆಗಿತ್ತು.[ಡೆಂಗ್ಯೂ ಜ್ವರದಿಂದ ಬಳಲುತ್ತಿರುವ 'ಮೊಹೆಂಜೋದಾರೊ' ಬೆಡಗಿ]

ಒಟ್ನಲ್ಲಿ ಅಬ್ಬಬ್ಬಾ...ಎನಿಸುವಷ್ಟು ಕಲೆಕ್ಷನ್ ಮಾಡದಿದ್ದರೂ, ತಕ್ಕಮಟ್ಟಿಗೆ ಕಮಾಯಿಸಿದೆ. ಸುಮಾರು 115 ಕೋಟಿ ರೂಪಾಯಿ ಬಜೆಟ್ ನಲ್ಲಿ ತಯಾರಾದ ಈ ಚಿತ್ರ ಹಾಕಿದ ಬಂಡವಾಳ ವಾಪಸ್ ಮಾಡುತ್ತೆ ಅನ್ನೋದರಲ್ಲಿ ಯಾವುದೇ ಅನುಮಾನ ಇಲ್ಲ ಅನ್ನೋದು ಬಿಟೌನ್ ಗಲ್ಲಾಪೆಟ್ಟಿಗೆ ಪಂಟರ ಅಭಿಪ್ರಾಯ.['ಮೊಹೆಂಜೋದಾರೊ'ದಲ್ಲಿ ಹೃತಿಕ್ ಪಟ್ಟದರಸಿಯಾದ ಪೂಜಾ ಹೆಗ್ಡೆ]