ಜಾನ್ವಿ ಕಪೂರ್ ಹಾಟ್ ಹಾಟ್ ಫೋಟೊಗಳನ್ನು ಶೇರ್ ಮಾಡುವುದು EMI ಕಟ್ಟೋಕಂತೆ!

ಇನ್‌ಸ್ಟಾ ಪೋಸ್ಟ್‌ಗಳಿಂದ ಒಳ್ಳೆ ಆದಾಯ

"ತಮ್ಮ ಇನ್‌ಸ್ಟಾಗ್ರಾಂ ಪೋಸ್ಟ್‌ಗಳಲ್ಲಿ ಗ್ಲಾಮರಸ್‌ ಆಗಿ ಕಂಡು ಎಲ್ಲರೂ ಆಕರ್ಷಿತರಾದರೆ ನನ್ನ ಖಾತೆಗೆ ಮತ್ತಷ್ಟು ಬ್ರ್ಯಾಂಡ್‌ಗಳು ಜಮಾವಣೆ ಆಗುತ್ತದೆ. ಆಗ ನನ್ನ ಇನ್‌ವೆಸ್ಟ್‌ಮೆಂಟ್‌ಗೆ ಇಎಂಐ ಕಟ್ಟಬಹುದು. ನಾನು ನಟಿಸುವ ಸಿನಿಮಾಗಳು ಹಾಗೂ ಸೋಷಿಯಲ್ ಮೀಡಿಯಾ ಪೋಸ್ಟ್ ಎರಡೂ ಭಿನ್ನವಾಗಿರುತ್ತದೆ. ಸೋಷಿಯಲ್ ಮೀಡಿಯಾ ಇಮೇಜ್ ತನ್ನ ಆನ್‌ಸ್ಕ್ರೀನ್ನ ಕ್ಯಾರೆಕ್ಟರ್ ಜೊತೆ ಸಿಂಕ್ ಆಗುತ್ತದೆ" ಎಂದಿದ್ದಾರೆ. ಸಿನಿಮಾಗಳಿಗಿಂತ ಇನ್‌ಸ್ಟಾಗ್ರಾಂ ಪೋಸ್ಟ್‌ಗಳಿಂದ ಒಳ್ಳೆ ಆದಾಯ ಬರುತ್ತದೆ ಎಂದು ಜಾನ್ವಿ ಕಪೂರ್ ಹೇಳಿದ್ದಾರೆ.

20 ಮಿಲಿಯನ್ ಫಾಲೋವರ್ಸ್

ಜಾನ್ವಿ ಕಪೂರ್ ಇನ್‌ಸ್ಟಾಗ್ರಾಂ ಪೋಸ್ಟ್‌ಗಳನ್ನು ನೋಡುತ್ತಿದ್ದರೆ ಬೇಕಂತಲೇ ಎಕ್ಸ್‌ಪೋಸ್ ಮಾಡುತ್ತಿರುವುದು ಗೊತ್ತಾಗುತ್ತಿದೆ. ಸೀರೆ ಆಗಲಿ ಬಿಕಿನಿ ಆಗಲಿ ಸ್ಕಿನ್‌ ಶೋ ಮಾಡುವುದನ್ನು ಮರೆಯೋದಿಲ್ಲ. ಸದ್ಯ ಇನ್‌ಸ್ಟಾಗ್ರಾಂನಲ್ಲಿ ಆಕೆಯನ್ನಯ 20 ಮಿಲಿಯನ್‌ಗೂ ಅಧಿಕ ಮಂದಿ ಫಾಲೋ ಮಾಡುತ್ತಿದ್ದಾರೆ. ಎರಡು ದಿನಕ್ಕೆ ಒಮ್ಮೆ ಆದರೂ ಒಂದಷ್ಟು ಫೋಟೊಗಳನ್ನು ಕ್ಲಿಕ್ಕಿಸಿ ಶೇರ್ ಮಾಡುತ್ತಿರುತ್ತಾರೆ. ಅದಕ್ಕೆ ಸಾಕಷ್ಟು ಲೈಕ್ಸ್ ಸಿಗುತ್ತದೆ. ಇದಕ್ಕೆಲ್ಲಾ ಕಾರಣ ಏನು ಎನ್ನುವುದನ್ನು ಈಗ ಆಕೆಯೇ ಹೇಳಿದ್ದಾರೆ.

ಸುಳ್ಳು ಹೇಳಬೇಡ ಎಂದು ವ್ಯಂಗ್ಯ

ಇನ್ನು ಜಾನ್ವಿ ಕಪೂರ್ ಹೇಳಿಕೆಗೆ ಕೆಲವರು ವ್ಯಂಗ್ಯವಾಡಿದ್ದಾರೆ. ಕೋಟ್ಯಾಧೀಶ್ವರನ ಮಗಳು ಇಎಂಐ ಯಾಕೆ ಕಟ್ಟಬೇಕು. ಇದೆಲ್ಲಾ ಸುಳ್ಳು. ಬೋನಿ ಕಪೂರ್ ಖ್ಯಾತ ಸಿನಿಮಾ ನಿರ್ಮಾಪಕರು. ದಶಕಗಳಿಂದ ಹಲವು ಸಿನಿಮಾಗಳನ್ನು ನಿರ್ಮಿಸಿದ್ದಾರೆ. ಈಗಲೂ ಅವರ ನಿರ್ಮಾಣದ ಸಿನಿಮಾಗಳು ಸೂಪರ್ ಹಿಟ್ ಆಗುತ್ತಿದೆ. ಬೋನಿ ಕಪೂರ್ ಮಗಳಾಗಿ ಹೀಗೆ ದೇಶ ಪ್ರದರ್ಶಿಸಿ ಹಣ ಮಾಡುವ ಅವಶ್ಯಕತೆ ಏನಿತ್ತು. ಅದು ಕೂಡ ಇಎಂಐ ಕಟ್ಟೋಕೆ ಎಂದು ಯಾಕೆ ಸುಳ್ಳು ಹೇಳುತ್ತೀತಾ ಎಂದು ಕೇಳುತ್ತಿದ್ದಾರೆ.

ಬಾಕ್ಸಾಫೀಸ್‌ನಲ್ಲಿ ಮುಗ್ಗರಿಸಿದ 'ಮಿಲಿ'

ಮಧುಕುಟಿ ಕ್ಸೇವಿಯರ್ ನಿರ್ದೇಶನದ 'ಮಿಲಿ' ಚಿತ್ರದಲ್ಲಿ ಜಾನ್ವಿ ಕಪೂರ್ ನಟಿಸಿದ್ದಾರೆ. ಮಲಯಾಳಂನ 'ಹೆಲೆನ್' ಸಿನಿಮಾ ರೀಮೆಕ್ ಇದಾಗಿದ್ದು, ಮೂಲಕ ಚಿತ್ರವನ್ನು ನಿರ್ದೇಶಿಸಿದ್ದ ನಿರ್ದೇಶಕರೇ ಹಿಂದಿ ಚಿತ್ರ ಕಟ್ಟಿಕೊಟ್ಟಿದ್ದಾರೆ. ಸನ್ನಿ ಕುಶಾಲ್, ಮನೋಜ್ ಪಾವ, ಸೀಮಾ ಪಾವ ಚಿತ್ರದ ಮುಖ್ಯಭೂಮಿಕೆಯಲ್ಲಿ ಇದ್ದಾರೆ. ಬಾಕ್ಸಾಫೀಸ್‌ನಲ್ಲಿ 'ಮಿಲಿ' ಸಿನಿಮಾ ಮುಗ್ಗರಿಸಿದೆ. ಬಾಲಿವುಡ್ ಸಿನಿಮಾಗಳು ಪ್ರೇಕ್ಷಕರನ್ನು ಸೆಳೆಯುವಲ್ಲಿ ವಿಫಲ ಆಗ್ತಿದ್ದು, ಅದೇ ಸಾಲಿಗೆ ಈ ಸಿನಿಮಾ ಕೂಡ ಸೇರಿಕೊಂಡಿದೆ.