ಎರಡನೇ ಮಗು ನಿರೀಕ್ಷೆಯಲ್ಲಿ ನೇಹಾ ದೂಪಿಯಾ-ಅಂಗದ್ ಬೇಡಿ ದಂಪತಿ

ಬಾಲಿವುಡ್ ನಟಿ ನೇಹಾ ದೂಪಿಯಾ ಮತ್ತು ಅಂಗದ್ ಬೇಡಿ ಬಹಳ ಖುಷಿಯಲ್ಲಿದ್ದಾರೆ. ಏಕಂದ್ರೆ, ಈ ತಾರಾ ದಂಪತಿ ಎರಡನೇ ಮಗು ಪಡೆಯುತ್ತಿದ್ದಾರೆ. ಈ ವಿಷಯವನ್ನು ತಮ್ಮ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಹಂಚಿಕೊಂಡು ಸಂತಸ ವ್ಯಕ್ತಪಡಿಸಿದ್ದಾರೆ.

ನೇಹಾ ದೂಪಿಯಾ ಮತ್ತು ಅಂಗದ್ ಬೇಡಿ ದಂಪತಿಗೆ ಅದಾಗಲೇ ಒಂದು ಹೆಣ್ಣು ಮಗು ಇದೆ. 2018ರಲ್ಲಿ ಚೊಚ್ಚಲ ಮಗುವಿಗೆ ನೇಹಾ ಜನ್ಮ ನೀಡಿದ್ದರು. ಈಗ ಎರಡನೇ ಮಗುವನ್ನು ಬರಮಾಡಿಕೊಳ್ಳುವ ಹಾದಿಯಲ್ಲಿದ್ದಾರೆ.

ಗರ್ಭಿಣಿ ಫೋಟೋ ಹಂಚಿಕೊಂಡಿರುವ ನೇಹಾ ಮತ್ತು ಅಂಗದ್ 'ನಮ್ಮ ಮನಗೆ ಹೊಸ ಅತಿಥಿ ಆಗಮನವಾಗುತ್ತಿದೆ' ಎಂದು ಖುಷಿ ಹಂಚಿಕೊಂಡಿದ್ದಾರೆ. ಸೋಮವಾರ ಸರ್ಪ್ರೈಸ್ ಸುದ್ದಿ ನೀಡಿದ್ದಕ್ಕೆ ನೇಹಾ-ಅಂಗದ್ ದಂಪತಿಗೆ ಅಭಿಮಾನಿಗಳು, ನೆಟ್ಟಿಗರು ಶುಭಾಶಯ ಕೋರುತ್ತಿದ್ದಾರೆ.

2018ರ ಮೇ ತಿಂಗಳು ನೇಹಾ ದೂಪಿಯಾ ಮತ್ತು ಅಂಗದ್ ಬೇಡಿ ವಿವಾಹವಾದರು. ನವೆಂಬರ್ 18, 2020ರಲ್ಲಿ ಮೊದಲ ಮಗುವಿಗೆ ಜನ್ಮ ನೀಡಿದರು. ಈಗ ಎರಡನೇ ಮಗುವನ್ನು ಸ್ವಾಗತಿಸಲು ಕಾಯುತ್ತಿದ್ದಾರೆ.

2020ರಲ್ಲಿ ರಿಲೀಸ್ ಆದ "ಗುಂಜನ್ ಸಕ್ಸೇನಾ: ದಿ ಕಾರ್ಗಿಲ್ ಗರ್ಲ್" ಸಿನಿಮಾದಲ್ಲಿ 38 ವರ್ಷದ ಅಂಗದ್ ಬೇಡಿ ಕೊನೆಯದಾಗಿ ಕಾಣಿಸಿಕೊಂಡಿದ್ದರು. ನೇಹಾ ದೂಪಿಯಾ 2018ರಲ್ಲಿ ಕಾಜೋಲ್ ಅಭಿನಯದ ಬಂದಿದ್ದ "ಹೆಲಿಕಾಪ್ಟರ್ ಈಲಾ" ಸಿನಿಮಾದಲ್ಲಿ ಕೊನೆದಾಗಿ ನಟಿಸಿದ್ದರು.

Recommended Video