ಭಾರತದ ಸೂಪರ್ ಹೀರೋ ಕ್ರಿಶ್‌ಗೆ ಇವರೇ ನಾಯಕಿ

ಕೃತಿ ಸನೊನ್ ಬಹಳಾ ಬ್ಯುಸಿ

ಈ ಮೊದಲು ಕೃತಿ ಸನೊನ್ ಕ್ರಿಶ್ ಗೆ ನಾಯಕಿ ಆಗಲಿದ್ದಾರೆ ಎನ್ನಲಾಗಿತ್ತು. ಆದರೆ ಹೊಸ ವರದಿಗಳ ಪ್ರಕಾರ ಕಿಯಾರಾ ಅಡ್ವಾಣಿ ಕ್ರಿಶ್ ಸಿನಿಮಾದ ನಾಯಕಿ ಆಗಲಿದ್ದಾರಂತೆ. ಮಾಧ್ಯಮವೊಂದರ ಜೊತೆ ಮಾತನಾಡಿರುವ ಚಿತ್ರತಂಡದ ಪ್ರಮುಖರೊಬ್ಬರು, 'ಕೃತಿ ಸೆನನ್ ನಮ್ಮ ಮೊದಲ ಆಯ್ಕೆ ಆಗಿತ್ತು, ಆದರೆ ಆಕೆಯ ಶೆಡ್ಯೂಲ್ ಬಹುವಾಗಿ ಬುಕ್ ಆಗಿವೆ ಹಾಗಾಗಿ ನಾವು ಬೇರೆ ನಟಿಯನ್ನು ಹುಡುಕಲೇ ಬೇಕಾಯಿತು' ಎಂದಿದ್ದಾರೆ.

ಅಧಿಕೃತ ಘೋಷಣೆ ಆಗಲಿದೆ

'ಕಿಯಾರಾ ಅಡ್ವಾಣಿ ಸುಂದರಿ ಮಾತ್ರವಲ್ಲದೆ, ಒಳ್ಳೆಯ ನಟಿ ಸಹ. ಜೊತೆಗೆ ಹೃತಿಕ್ ರೋಷನ್ ಜೊತೆಗೆ ಸ್ಕ್ರೀನ್ ಮೇಲೆ ಅದ್ಭುತವಾಗಿ ಕಾಣಲಿದ್ದಾರೆ ಆಕೆ. ಹಾಗಾಗಿ ಕಿಯಾರಾ ನಮ್ಮ ಆಯ್ಕೆ ಆಗಿದೆ, ಕೆಲವು ಔಪಚಾರಿಕತೆಗಳ ನಂತರ ಅಧಿಕೃತ ಘೋಷಣೆ ಆಗಲಿದೆ' ಎಂದಿದ್ದಾರೆ ಅವರು.

ಸಿನಿಮಾದಲ್ಲಿ ಇರಲಿದ್ದಾರೆ ಇಬ್ಬರು ನಾಯಕಿಯರು

ಸಿನಿಮಾದಲ್ಲಿ ಇಬ್ಬರು ನಾಯಕಿಯರಿಲಿದ್ದಾರಂತೆ. ಕಿಯಾರಾ ಜೊತೆಗೆ ಇನ್ನೊಬ್ಬ ನಾಯಕಿಯ ಹುಡುಕಾಟದಲ್ಲಿದೆ ಚಿತ್ರತಂಡ. ಕ್ರಿಶ್ 4 ಸಿನಿಮಾವನ್ನು ಯಥಾವತ್ತು ರಾಕೇಶ್ ರೋಶನ್ ನಿರ್ದೇಶಿಸಲಿದ್ದು, ಅವರದ್ದೇ ಹೋಮ್ ಬ್ಯಾನರ್‌ನಲ್ಲಿ ಸಿನಿಮಾ ತಯಾರಾಗಲಿದೆ.

ಕಿಯಾರಾ-ಕೃತಿ ಅವರ ಮುಂದಿನ ಸಿನಿಮಾಗಳು

ಕಿಯಾರಾ ಅಡ್ವಾಣಿ ಪ್ರಸ್ತುತ ಜುಗ್‌ ಜುಗ್ ಜಿಯೋ, ಭೂಲ್‌ ಭುಲಯ್ಯಾ 2, ಶೇರ್‌ಶಾಹ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಇನ್ನು ನಟಿ ಕೃತಿ ಸೆನನ್, ಬಚ್ಚನ್ ಪಾಂಡೆ, ಮೀಮಿ, ಫರ್ಜಿ, ಲುಕಾ ಚುಪಿ 2, ಸೆಕೆಂಡ್ ಇನ್ನಿಂಗ್ಸ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.