ಜಿಯಾ ಖಾನ್ ಆತ್ಮಹತ್ಯೆ ಬಗ್ಗೆ ಮೌನ ಮುರಿದ ವರ್ಮಾ

ಆಕೆಯ ಆತ್ಮಹತ್ಯೆ ಬಗ್ಗೆ ವಿಷಾದ ವ್ಯಕ್ತಪಡಿಸಿರುವ ರಾಮು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹೀಗೆ ಹೇಳಿಕೊಂಡಿದ್ದಾರೆ. "ನಾನು ನಿಶ್ಯಬ್ಧ್ ಚಿತ್ರದಲ್ಲಿ ಆಕೆಯ ಜೊತೆ ಕೆಲಸ ಮಾಡಬೇಕಾದರೆ ಒಂದು ಸಂಗತಿ ಗಮನಿಸಿದೆ...ಆಕೆ ತುಂಬಾ ಶಾರ್ಪ್. ಉತ್ಸಾಹದ ಬುಗ್ಗೆಯಂತಿದ್ದರು... "

ಮೊದಲ ಚಿತ್ರದಲ್ಲಿ ಅಷ್ಟೊಂದು ಉತ್ಸಾಹದಿಂದ ಇರುವವರನ್ನು ನಾನು ಎಲ್ಲೂ ನೋಡಿರಲಿಲ್ಲ. ನಿಶ್ಯಬ್ಧ್ ಚಿತ್ರದಲ್ಲಿ ಆಕೆಯ ಪಾತ್ರ ಫಿಲಾಸಪಿಕಲ್ ಆಗಿದ್ದರೂ ಎಲ್ಲವನ್ನೂ ಟೇಕ್ ಲೈಟ್ ಎಂಬಂತೆ ಸ್ವೀಕರಿಸುತ್ತಿದ್ದರು. ಕೊನೆಯ ಬಾರಿ ಆಕೆಯನ್ನು ಭೇಟಿ ಆದಾಗ ತಾನು ಸಂಪೂರ್ಣ ಸೋತಿದ್ದೇನೆ ಎನ್ನುತ್ತಿದ್ದರು.

ನಿಶ್ಯಬ್ಧ್ ಚಿತ್ರ ಆಕೆಗೆ ಹೆಸರು ತಂದುಕೊಟ್ಟಿತು. ಗಜಿನಿ ಚಿತ್ರವೂ ಅಷ್ಟೆ. ಹೌಸ್ ಫುಲ್ ಚಿತ್ರದ ಬಳಿಕ ಆಕೆ ಮೂರು ವರ್ಷ ಕೆಲಸವಿಲ್ಲದೆ ಸುಮ್ಮನೆ ಕುಳಿತಿದ್ದರು. ಆಕೆ ಅಷ್ಟೊಂದು ಖಿನ್ನಳಾಗಲು, ಭವಿಷ್ಯದ ಬಗ್ಗೆ ಅಷ್ಟೊಂದು ಭಯ ಪಡಲು ಕಾರಣ ಏನಿರಬಹುದು ಎಂಬುದು ಗೊತ್ತಾಗುತ್ತಿಲ್ಲ..." ಎಂದಿದ್ದಾರೆ.

ಜಿಯಾ ಖಾನ್ ಮೂಲ ಹೆಸರು ನಫೀಸಾ. ಚಿತ್ರರಂಗಕ್ಕೆ ಅಡಿಯಿಟ್ಟ ಬಳಿಕ ತಮ್ಮ ಹೆಸರನ್ನು ಜಿಯಾ ಎಂದು ಬದಲಿಸಿಕೊಂಡರು. ಬ್ರಿಟನ್ ಮೂಲದ ಭಾರತೀಯ ನಟಿಯಾದ ಈಕೆ ಹುಟ್ಟಿದ್ದು ಫೆಬ್ರವರಿ 20, 1988ರಲ್ಲಿ. ಈಕೆಯ ಹುಟ್ಟೂರು ಲಂಡನ್ ನ ಚೆಲ್ಸಿಯಾ. ಜಿಯಾ ಖಾನ್ ಯಾರು? (ಒನ್ಇಂಡಿಯಾ ಕನ್ನಡ)