ಅಮಿತಾಬ್ ಬಚ್ಚನ್ ಜೊತೆ 'ಸರ್ಕಾರ್' ಮಾಡಲ್ಲ: ರಾಮ್‌ ಗೋಪಾಲ್ ವರ್ಮಾ

ಸರ್ಕಾರ್ 4 ನಿರ್ದೇಶಿಸುವುದಿಲ್ಲ: ವರ್ಮಾ

ಸರ್ಕಾರ್ ಸಿನಿಮಾ ಈಗಾಗಲೇ ಮೂರು ಭಾಗಗಳಲ್ಲಿ ಬಿಡುಗಡೆ ಆಗಿದೆ. ಸರ್ಕಾರ್ 4 ತೆಗೆದಲ್ಲಿ ಅದು ಪಾತ್ರದ ಹಾಗೂ ಕತೆಯನ್ನು ಉದ್ದೇಶಪೂರ್ವಕವಾಗಿ ಹಿಂಜಿದಂತಾಗುತ್ತದೆ. ಹಾಗೆ ಮಾಡಿದರೆ ಪಾತ್ರಕ್ಕೆ ಇರುವ ಘನತೆ ಹಾಳುಮಾಡಿದಂತಾಗುತ್ತದೆ ಎಂದಿದ್ದಾರೆ ವರ್ಮಾ.

ಭಿನ್ನ-ಭಿನ್ನ ಪಾತ್ರ ಸೃಷ್ಟಿಸಬಹುದು: ವರ್ಮಾ

ಆದರೆ ಅಮಿತಾಬ್ ಬಚ್ಚನ್ ಜೊತೆಗೆ ಬೇರೆಯದೇ ರೀತಿಯ ಸಿನಿಮಾ ಮಾಡುತ್ತೀನಿ ಎಂದಿರುವ ವರ್ಮಾ. ಅಮಿತಾಬ್ ಒಬ್ಬ ಅದ್ಭುತ ನಟ, ಅವರನ್ನು ಬಳಸಿ ಭಿನ್ನ-ಭಿನ್ನ ಪಾತ್ರ ಸೃಷ್ಟಿಸಬಹುದು, ಭಿನ್ನ-ಭಿನ್ನ ಕತೆ ಹೇಳಬಹುದು, ಅಂಥಹಾ ಪ್ರಯತ್ನ ಮಾಡಲಿದ್ದೇನೆ ಎಂದಿದ್ದಾರೆ ಆರ್‌ಜಿವಿ.

ವರ್ಮಾ ಸಿನಿಮಾದಲ್ಲಿ ನಟಿಸುತ್ತಾರೆಯೇ ಬಚ್ಚನ್

ರಾಮ್ ಗೋಪಾಲ್ ವರ್ಮಾ, ಲಾಕ್‌ ಡೌನ್ ಸಮಯದಲ್ಲಿ ಹಲವು ಸಿನಿಮಾಗಳನ್ನು ನಿರ್ದೇಶಿಸಿ, ನಿರ್ಮಿಸಿ ತಮ್ಮದೇ ವೆಬ್‌ಸೈಟ್‌ನಲ್ಲಿ ಬಿಡುಗಡೆ ಮಾಡಿದರು. ಸಾಫ್ಟ್‌ ಪಾರ್ನ್ ಮಾದರಿಯ ಸಿನಿಮಾಗಳನ್ನು ಸಹ ವರ್ಮಾ ಮಾಡಿದರು. ಅನೇಕ ವಿವಾದಗಳನ್ನು ಸಹ ಮೈಮೇಲೆ ಎಳೆದುಕೊಂಡರು.

ರಾಜಮೌಳಿ ತಂದೆ ಗರಡಿಯಲ್ಲಿ ತಯಾರಾಗಿದೆ 'ಕಬ್ಜ'ದ ಕಥೆ | Filmibeat Kannada

ಹಲವು ಸಿನಿಮಾಗಳಲ್ಲಿ ನಟಿಸಲಿದ್ದಾರೆ ಅಮಿತಾಬ್

ಇನ್ನು ನಟ ಅಮಿತಾಬ್ ಬಚ್ಚನ್ ನಟನೆಯ ನಾಗರಾಜ್ ಮಂಜುಳೆ ನಿರ್ದೇಶನದ ಝುಂಡ್ ಸಿನಿಮಾ ಬಿಡುಗಡೆಗೆ ತಯಾರಾಗಿದೆ. ರಣಬೀರ್-ಆಲಿಯಾ ಜೊತೆಗೆ 'ಬ್ರಹ್ಮಾಸ್ತ್ರ' ಸಿನಿಮಾದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಪ್ರಭಾಸ್-ದೀಪಿಕಾ ಪಡುಕೋಣೆ ಸಿನಿಮಾದಲ್ಲಿಯೂ ಅಮಿತಾಬ್ ನಟಿಸಲಿದ್ದಾರೆ. ತಮಿಳಿನ ಪೊನ್ನಿಯನ್ ಸೆಲ್ವಂ ಸಿನಿಮಾದಲ್ಲಿಯೂ ನಟಿಸಲಿದ್ದಾರೆ ಅಮಿತಾಬ್.