ಗಗನಕ್ಕೇರಿತು ರಣ್ವೀರ್ ಸಿಂಗ್ ಸಂಭಾವನೆ: ಎಲ್ಲಾ 'ಪದ್ಮಾವತ್' ಕೃಪೆ.!

ಹೆಚ್ಚಾಗಿದೆ ಆಗಿದೆ ರಣ್ವೀರ್ ಸಿಂಗ್ ಸಂಭಾವನೆ

'ಪದ್ಮಾವತ್' ಸಿನಿಮಾ ಸೂಪರ್ ಸಕ್ಸಸ್ ಆದ ಬೆನ್ನಲ್ಲೇ ರಣ್ವೀರ್ ಸಿಂಗ್ ಸಂಭಾವನೆ ಕೂಡ ಹೆಚ್ಚಾಗಿದೆ. ಮೂಲಗಳ ಪ್ರಕಾರ, ಮುಂಬರುವ ಸಿನಿಮಾಗೆ ರಣ್ವೀರ್ ಸಿಂಗ್ ಪಡೆಯಲಿರುವ ಸಂಭಾವನೆ ಬರೋಬ್ಬರಿ 13 ಕೋಟಿ ರೂಪಾಯಿ.!

ಐದು ಕೋಟಿ ಹೆಚ್ಚಾಗಿದೆ ಸ್ವಾಮಿ.!

ಹಾಗ್ನೋಡಿದ್ರೆ, 'ಪದ್ಮಾವತ್' ಸಿನಿಮಾಗೆ ರಣ್ವೀರ್ ಸಿಂಗ್ ಏಳರಿಂದ ಎಂಟು ಕೋಟಿ ರೂಪಾಯಿ ಸಂಭಾವನೆ ಪಡೆದಿದ್ದರಂತೆ. 'ಪದ್ಮಾವತ್' ಸೂಪರ್ ಹಿಟ್ ಆಗ್ತಿದ್ದಂತೆ ಐದರಿಂದ ಆರು ಕೋಟಿ ಸಂಭಾವನೆ ಹೈಕ್ ಮಾಡಿದ್ದಾರೆ ರಣ್ವೀರ್ ಸಿಂಗ್.

ದೀಪಿಕಾ ಪಡುಕೋಣೆ ಸಂಭಾವನೆ ಎಷ್ಟು ಹೇಳಿ.?

ದೀಪಿಕಾ ಪಡುಕೋಣೆ ಕೂಡ ಸದ್ಯ ಚಿತ್ರವೊಂದಕ್ಕೆ ಹದಿಮೂರು ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಿದ್ದಾರೆ. 'ಪದ್ಮಾವತ್' ಸಿನಿಮಾದಲ್ಲಿ ದೀಪಿಕಾಗಿಂತ ಕಮ್ಮಿ ಸಂಭಾವನೆ ಪಡೆದಿದ್ದ ರಣ್ವೀರ್ ಸಿಂಗ್ ಇದೀಗ ದೀಪಿಕಾಗೆ ಸರಿಸಮಾನವಾದ ಸಂಭಾವನೆ ಪಡೆಯಲು ಮುಂದಾಗಿದ್ದಾರೆ.

ರಣ್ವೀರ್ ಮುಂಬರುವ ಸಿನಿಮಾಗಳು ಯಾವುವು.?

ಸದ್ಯಕ್ಕೆ 'ಗಲ್ಲಿ ಬಾಯ್' ಚಿತ್ರದ ಶೂಟಿಂಗ್ ನಲ್ಲಿ ರಣ್ವೀರ್ ಸಿಂಗ್ ಬಿಜಿಯಾಗಿದ್ದಾರೆ. ಅದು ಮುಗಿದ ಬಳಿಕ ರೋಹಿತ್ ಶೆಟ್ಟಿ ಅವರ 'ಸಿಂಬಾ' ಚಿತ್ರ ಸೆಟ್ಟೇರಲಿದೆ. ಈ ಎರಡು ಸಿನಿಮಾ ಕಂಪ್ಲೀಟ್ ಆದ್ಮೇಲೆ '1983' ಸಿನಿಮಾ ಶುರು ಆಗಲಿದೆ. ಸಂಭಾವನೆ ಜಾಸ್ತಿ ಮಾಡಿದರೂ, ರಣ್ವೀರ್ ಕಾಲ್ ಶೀಟ್ ಗೆ ಡಿಮ್ಯಾಂಡ್ ಇದೆ ಅನ್ನೋದಕ್ಕೆ ಈ ಚಿತ್ರಗಳ ಪಟ್ಟಿಯೇ ಉದಾಹರಣೆ.