ಕಾಶ್ಮೀರ ಪ್ರತ್ಯೇಕತಾವಾದಿಗಳ 'ಸಹವರ್ತಿ' ಜೊತೆಗೆ ಶಾರುಖ್ ಖಾನ್ ನಂಟು!

ಕಾಶ್ಮೀರ ಪ್ರತ್ಯೇಕತವಾದಿಗಳಿಗೆ ಅಶೈ ಹಣಕಾಸು ನೆರವು

ಕಾಶ್ಮೀರ ಪ್ರತ್ಯೇಕತಾವಾದಿಗಳಿಗೆ ಆರ್ಥಿಕ ನೆರವು ನೀಡುತ್ತಿರು ಆರೋಪ ಹೊಂದಿರುವ ಹಾಗೂ ಆಗಾಗ್ಗೆ ಕಾಶ್ಮೀರದ ಬಗ್ಗೆ ಉದ್ರೇಕಕಾರಿ ಹೇಳಿಕೆ ನೀಡುವ ಟೋನಿ ಅಶೈ ಜೊತೆಗೆ ಶಾರುಖ್ ಖಾನ್ ಹಾಗೂ ಗೌರಿ ಖಾನ್ ಹಣಕಾಸು ವ್ಯವಹಾರ ಹೊಂದಿದ್ದಾರೆ ಎಂದು ಆರೋಪಿಸಲಾಗಿದೆ.

ಅಶೈ ಜೊತೆ ಹಣಕಾಸು ವ್ಯವಹಾರ

ಅಮೆರಿಕದಲ್ಲಿ ನೆಲೆಸಿರುವ ಟೋನಿ ಅಶೈ ಆರ್ಟಿಟೆಕ್ಟ್ ಆಗಿದ್ದು ಆತನೊಂದಿಗೆ ಪಾಲುದಾರಿಕೆ ವ್ಯವಹಾರವನ್ನು ಶಾರುಖ್ ಖಾನ್ ಹಾಗೂ ಗೌರಿ ಖಾನ್ ಹೊಂದಿದ್ದಾರೆ ಎಂದು ಆರೋಪಿಸಲಾಗಿದೆ. ಗೌರಿ ಖಾನ್ ಸಹ ಆರ್ಕಿಟೆಕ್ಟ್ ಆಗಿದ್ದು, ಶಾರುಖ್ ಅವರ ಬಹುತೇಕ ಕಟ್ಟಡಗಳ ವಿನ್ಯಾಸ ಮಾಡಿರುವುದು ಟೋನಿ ಅಶೈ ಎನ್ನಲಾಗಿದೆ.

ಅಶಿ ಜೊತೆಗಿರುವ ಚಿತ್ರಗಳು ಹರಿದಾಡುತ್ತಿವೆ

ಅಶೈ ಹಾಗು ಶಾರುಖ್ ಖಾನ್ ಹಾಗೂ ಗೌರಿ ಖಾನ್ ಜೊತೆಯಲ್ಲಿರುವ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ಕಾಶ್ಮೀರದಲ್ಲಿಯೇ ಹುಟ್ಟಿರುವ ಅಶೈ, ಸಾಮಾಜಿಕ ಜಾಲತಾಣ ಮೂಲಕ ಕಾಶ್ಮೀರ ಪ್ರತ್ಯೇಕವಾದಿಗಳ ಪರ ಹೇಳಿಕೆಗಳನ್ನು ನೀಡುತ್ತಿರುತ್ತಾರೆ. ಪ್ರತ್ಯೇಕವಾದಿಗಳಿಗೆ ಹಣ ಸಹಾಯ ಮಾಡಿರುವ ಆರೋಪವೂ ಅವರ ಮೇಲಿದೆ.

ರೆಹಾನಾ ಸಿದ್ಧಿಕಿಗಿದೆ ಬಾಲಿವುಡ್ ನಂಟು

ಹೂಸ್ಟನ್‌ನಲ್ಲಿ ನೆಲೆಸಿರುವ ಪಾಕಿಸ್ತಾನದ ರೆಹಾನಾ ಸಿದ್ಧಿಕಿ ಅಲ್ಲಿಯೇ ಒಂದು ರೆಡಿಯೋ ಸ್ಟೇಷನ್‌ ಹೊಂದಿದ್ದು, ಅದರ ಮೂಲಕ ಭಾರತ ವಿರೋಧಿ ಪ್ರಚಾರ ಮಾಡುತ್ತಿದ್ದಾರೆ. ಈತ ಬಾಲಿವುಡ್‌ನ ಹಲವು ಸೆಲೆಬ್ರಿಟಿಗಳನ್ನು ಹೂಸ್ಟನ್‌ ಹಾಗೂ ಇನ್ನಿತರೆ ಕಡೆಗಳಿಗೆ ಕರೆಸಿ ಕಾರ್ಯಕ್ರಮಗಳನ್ನು ಆಯೋಜಿಸಿದ್ದಾರಂತೆ. ಭಾರತ ಗೃಹ ಇಲಾಖೆಯು ರೆಹಾನಾ ಸಿದ್ಧಿಕಿಯನ್ನು ಬ್ಲಾಕ್‌ಲಿಸ್ಟ್‌ಗೆ ಹಾಕಿದೆ.