ಸುಶಾಂತ್ ಸಾವಿನ ಕಾರಣ ಪ್ರಕಟಿಸಿದ ವಿಕಿಪೀಡಿಯ ವಿರುದ್ಧ ಸಹೋದರಿ ಆಕ್ರೋಶ

ಆತ್ಮಹತ್ಯೆ ಎಂದ ವಿಕಿಪೀಡಿಯ

ಸುಶಾಂತ್ ಸಿಂಗ್ ರಜಪೂತ್ ಸಾವಿನ ಸಂಬಂಧ ಇನ್ನು ತನಿಖೆ ನಡೆಯುತ್ತಿದೆ. ಇದು ಆತ್ಮಹತ್ಯೆಯೋ ಅಥವಾ ಕೊಲೆಯೋ ಎಂಬ ಸ್ಪಷ್ಟ ತೀರ್ಮಾನ ಇನ್ನು ಹೊರಬಿದ್ದಿಲ್ಲ. ಆದರೆ, ವಿಕಿಪೀಡಿಯದಲ್ಲಿ ಸುಶಾಂತ್ ಸಿಂಗ್ ಸಾವು ಆತ್ಮಹತ್ಯೆ ಎಂದು ನಮೂದಿಸಲಾಗಿದೆ. ಇದನ್ನು ಖಂಡಿಸಿರುವ ಸುಶಾಂತ್ ಸಹೋದರಿ ವಿಕಿಪೀಡಿಯ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.

ಸಂಸ್ಥಾಪಕರ ಗಮನಕ್ಕೆ ತಂದ ಸಹೋದರಿ

ಈ ಕುರಿತು ವಿಕಿಪೀಡಿಯ ಸಂಸ್ಥಾಪಕ ಜಿಮ್ಮಿ ವೇಲ್ಸ್ ಮತ್ತು ಸಹ-ಸಂಸ್ಥಾಪಕ ಲ್ಯಾರಿ ಸ್ಯಾಂಗರ್ ಟ್ವಿಟ್ಟರ್‌ನಲ್ಲಿ ಟ್ಯಾಗ್ ಮಾಡಿ ಅಸಮಾಧಾನ ಹೊರಹಾಕಿದ್ದಾರೆ. ಈ ಕೂಡಲೇ 'ಆತ್ಮಹತ್ಯೆ ಮಾಡಿಕೊಂಡರು' ಎನ್ನುವುದನ್ನು ತೆಗೆದು 'ತನಿಖೆ ಹಂತದಲ್ಲಿದೆ' ಎಂದು ಬದಲಾಯಿಸುವಂತೆ ಸುಶಾಂತ್ ಸಿಂಗ್ ಸಹೋದರಿ ಪ್ರಿಯಾಂಕಾ ಸಿಂಗ್ ಆಗ್ರಹಿಸಿದ್ದಾರೆ.

ಈ ಹಿಂದೆಯೂ ಪ್ರಶ್ನಿಸಲಾಗಿತ್ತು

ಸುಶಾಂತ್ ಸಿಂಗ್ ರಜಪೂತ್ ಸಾವಿನ ಸಂಬಂಧ ಸಿಬಿಐ (ಸೆಂಟ್ರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್), ಎನ್‌ಸಿಬಿ (ನಾರ್ಕೋಟಿಕ್ಸ್ ಕಂಟ್ರೊಲ್ ಬ್ಯೂರೋ) ಹಾಗೂ ಇಡಿ (ಜಾರಿ ನಿರ್ದೇಶನಾಲಯ) ತನಿಖೆ ಮಾಡ್ತಿದೆ. ಆದರೆ, ವಿಕಿಪಿಡೀಯದಲ್ಲಿ ಅದಾಗಲೇ ಆತ್ಮಹತ್ಯೆ ಎಂದು ಪ್ರಕಟಿಸಿರುವುದಕ್ಕೆ ಈ ಹಿಂದೆ ಸ್ಮಿತಾ ಫಾರಿಖ್ ಪ್ರಶ್ನಿಸಿದ್ದರು. ವಿಕಿಪೀಡಿಯದ ವಿಶ್ವಾಸಾರ್ಹತೆಗೆ ಇದು ಧಕ್ಕೆ ಎಂದಿದ್ದರು. ಅದಕ್ಕೆ ಪ್ರತಿಕ್ರಿಯಿಸಿದ್ದ ವಿಕಿಪೀಡಿಯ ಸಹ-ಸಂಸ್ಥಾಪಕ ಲ್ಯಾರಿ ಸ್ಯಾಂಗರ್ 'ಈ ಪ್ರಕರಣದಲ್ಲಿ ವಿಕಿಪಿಡೀಯವನ್ನು ಎಳೆದುತರುವುದು ಎಷ್ಟು ಸರಿ?' ಎಂದು ನೆಟ್ಟಿಗರನ್ನು ಪ್ರಶ್ನಿಸಿದ್ದರು.

Recommended Video

ಓದಿದ್ರೆ ಈ ಮಟ್ಟಕ್ಕೆ ಹೆಸರು ಮಾಡೋಕೆ ಆಗ್ತಾ ಇರ್ಲಿಲ್ಲ ಅನ್ಸುತ್ತೆ | Umesh Kinnal Comedy Khiladigalu Journey

ವರ್ಷ ಮುಗಿತು....

ಸುಶಾಂತ್ ಸಿಂಗ್ ಸಾವನ್ನಪ್ಪಿ ಒಂದು ವರ್ಷ ಮುಗಿಯಿತು. ಕುಟುಂಬದವರು, ಸ್ನೇಹಿತರು, ರೂಂಮೇಟ್ ಹೀಗೆ ಅನೇಕರನ್ನು ವಿಚಾರಣೆಗೆ ಒಳಪಡಿಸಲಾಗಿದೆ. ಡ್ರಗ್ಸ್ ಆಯಾಮದಲ್ಲಿ ತನಿಖೆ ಚುರುಕುಗೊಂಡಿತ್ತು. ಬಾಲಿವುಡ್‌ನ ಸ್ಟಾರ್ ಕಲಾವಿದರು ತನಿಖೆಗೆ ಒಳಪಟ್ಟರು. ಇದುವರೆಗೂ ಸುಶಾಂತ್ ಸಾವಿನ ಅಂತಿಮ ವರದಿ ಬಹಿರಂಗವಾಗಿಲ್ಲ.