ಪುನೀತ್ 'ಅಣ್ಣಾಬಾಂಡ್‌'ಗೆ ಹಾಲಿವುಡ್ ಚಿತ್ರ ಸ್ಫೂರ್ತಿ?

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ 'ಅಣ್ಣಾಬಾಂಡ್' ಚಿತ್ರಕ್ಕೆ ಹಾಲಿವುಡ್‌ನ 'ಬ್ಲಡ್ ಡೈಮಂಡ್' ಎಂಬ ಚಿತ್ರ ಸ್ಫೂರ್ತಿಯೇ? ಈ ರೀತಿಯ ಸುದ್ದಿಯೊಂದನ್ನು ಗಾಂಧಿನಗರದಲ್ಲಿ ಹರಿದಾಡುತ್ತಿದೆ.

ಆದರೆ ಈ ಬಗ್ಗೆ ಚಿತ್ರದ ನಿರ್ದೇಶಕ ದುನಿಯಾ ಸೂರಿ ಮಾತ್ರ ಕ್ಯಾರೆ ಎನ್ನುತ್ತಿಲ್ಲ. ಹಾಲಿವುಡ್ ಚಿತ್ರವನ್ನು ನೋಡಿ ಕಥೆ ಬರೆಯುವ ಅಗತ್ಯವಿಲ್ಲ ಎಂದು ಗರಂ ಆಗಿಯೇ ಉತ್ತರಿಸಿದ್ದಾರೆ. ಈ ಹಿಂದೆಯೂ ಸೂರಿ ಮೇಲೆ ಇದೇ ರೀತಿಯ ಅಪವಾದಗಳು ಕೇಳಿಬಂದಿದ್ದವು.

ಅದೇನೆಂದೆ, 'ಜಾಕಿ' ಚಿತ್ರ ಕೊರಿಯನ್ ಭಾಷೆಯ 'ಟ್ರೇಡ್' ಎಂಬ ಚಿತ್ರದ ಸ್ಫೂರ್ತಿ ಎನ್ನಲಾಗಿತ್ತು. ಆಗಲೂ ಸೂರಿ ಈ ರೀತಿಯ ಸುದ್ದಿಗಳಿಗೆ ಕಿವಿಗೊಟ್ಟಿರಲಿಲ್ಲ. ಈಗಲೂ ಅಷ್ಟ್ಟೇ ತಮ್ಮ ಪಾಡಿಗೆ ತಾವು ಚಿತ್ರೀಕರಣದಲ್ಲಿ ಬಿಜಿಯಾಗಿದ್ದಾರೆ. 'ಅಣ್ಣಾಬಾಂಡ್' ಚಿತ್ರವನ್ನು ಏಪ್ರಿಲ್ 27ರಂದು ಬಿಡುಗಡೆ ಮಾಡುವ ಸಿದ್ಧತೆಯಲ್ಲಿದ್ದಾರೆ. (ಏಜೆನ್ಸೀಸ್)