ಜಾತಕದ ಪ್ರಕಾರ ಮಲ್ಲು ಬೆಡಗಿ ಭಾವನಾ ಮದುವೆ

ಲವ್ ಮ್ಯಾರೇಜ್, ಅಂತರ್ಜಾತೀಯ ಅಥವಾ ಅಂತರ್ಧಮೀಯ ಮದುವೆಯಾದರೆ ಜಾತಕ, ಜನ್ಮಕುಂಡಲಿ ತಲೆನೋವೇ ಇರಲ್ಲ. ಅದೇ ಗುರುಹಿರಿಯರು ನಿಶ್ಚಯಿಸಿದ ಮದುವೆಯಾದರೆ ಜಾತಕಗಳನ್ನು ಜೋತಿಷಿಗಳ ಮೂಲಕ ಜೋಡಿಸಿದ ಮೇಲೇ ಮದುವೆ.

ಈ ರೀತಿ ಜಾತಕ, ಜನ್ಮಕುಂಡಲಿಯನ್ನು ಕೈಯಲ್ಲಿ ಹಿಡಿದುಕೊಂಡು ಓಡಾಡುತ್ತಿರುವವರಿಗೇನೂ ಬರವಿಲ್ಲ. ಸ್ಯಾಂಡಲ್ ವುಡ್ ಚಿತ್ರಗಳಲ್ಲಿ ಅಭಿನಯಿಸಿರುವ ಮಲ್ಲು ಬೆಡಗಿ ಭಾವನಾ ಸಹ ಈಗ ಕೈಯಲ್ಲಿ ಜಾತಕ ಹಿಡಿದು ಓಡಾಡುತ್ತಿದ್ದಾರಂತೆ. [ನಟ ಕಿಚ್ಚ ಸುದೀಪ್ ಕೈಗೆ ಕೋಳ ಯಾಕೆ ಬಿತ್ತೋ?]

ಮಲಯಾಳಂ ನಟ ಅನೂಪ್ ಮೆನನ್ ಹಾಗೂ ಭಾವನಾ ಅವರ ನಡುವೆ ಭಾವನಾತ್ಮಕ ಸಂಬಂಧ ಇದೆ ಎಂಬ ಮಾತುಗಳು ಮಲಯಾಳಂ ಚಿತ್ರರಂಗದಲ್ಲಿ ಕೇಳಿಬರುತ್ತಿವೆ. ಇವರಿಬ್ಬರೂ ಒಟ್ಟಿಗೆ ಕೆಲವು ಚಿತ್ರಗಳಲ್ಲಿ ಅಭಿನಯಿಸಿಯೂ ಇದ್ದಾರೆ.

ಇಬ್ಬರೂ ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಕೇಳಿಬಂದಾಗ ಭಾವನಾ, ನಾವಿಬ್ಬರೂ ಬೆಸ್ಟ್ ಫ್ರೆಂಡ್ಸ್ ಎಂದಿದ್ದರು. ಇನ್ನೊಂದು ಕಡೆ ಅನೂಪ್ ಮೆನನ್ ಮದುವೆಗೆ ಹೆಣ್ಣು ನೋಡುತ್ತಿದ್ದೇನೆ. ಅವರು ಚಿತ್ರರಂಗದಕ್ಕೆ ಸೇರಿದವರಲ್ಲ ಎಂದು ಹೇಳಿ ಗಾಸಿಪ್ ಸುದ್ದಿಗೆ ಬ್ರೇಕ್ ಹಾಕಿದ್ದರು.