ರೀಲ್ ಅಲ್ಲ ರಿಯಲ್: 'ಪುಟ್ಟಗೌರಿ' ರಂಜನಿ ಈಗ ಡೈರೆಕ್ಟರ್!

ಹೊಸ ಧಾರಾವಾಹಿ ನಿರ್ದೇಶನ

ನಟಿ ರಂಜನಿ ರಾಘವನ್ ಈಗ ನಟಿ ಮಾತ್ರವಲ್ಲ ನಿರ್ದೇಶಕಿಯಾಗಿ ಗುರುತಿಸಿಕೊಳ್ಳುವ ತವಕದಲ್ಲಿ ಇದ್ದಾರೆ. ತಮ್ಮ ಸಾರಥ್ಯದಲ್ಲಿ ಹೊಸ ಧಾರಾವಾಹಿಯನ್ನು ನಿರ್ದೇಶನ ಮಾಡುವ ತಯಾರಿ ನಡೆಸಿದ್ದಾರೆ. ಕಿರುತೆರೆಯ ತನ್ನ ಇಷ್ಟ ವರ್ಷದ ನಟನೆಯ ಅನುಭವದಿಂದ ಹೊಸ ಹೆಜ್ಜೆ ಇಟ್ಟಿದ್ದಾರೆ ರಂಜನಿ.

ಕಲರ್ಸ್ ಕನ್ನಡ ವಾಹಿನಿಯಲ್ಲಿ

ವಿಶೇಷ ಅಂದರೆ, ನಟಿ ರಂಜನಿ ರಾಘವನ್ ನಿರ್ದೇಶನ ಮಾಡುತ್ತಿರುವುದು ಕಲರ್ಸ್ ಕನ್ನಡ ವಾಹಿನಿಗಾಗಿ. ಈ ವಾಹಿನಿಯಿಂದ ಪ್ರೇಕ್ಷಕರ ಮುಂದೆ ನಾಯಕಿಯಾಗಿ ಕಾಣಿಸಿಕೊಂಡಿದ್ದ ರಂಜನಿ ಅದೇ ವಾಹಿನಿಯಿಂದ ನಿರ್ದೇಶಕಿ ಆಗುತ್ತಿದ್ದಾರೆ. ರಂಜನಿ ಅವರ ಹೊಸ ಧಾರಾವಾಹಿಯ ಹೆಸರು ಇನ್ನು ಬಹಿರಂಗವಾಗಿಲ್ಲ.

ಆಡಿಷನ್ ನಡೆಯುತ್ತಿದೆ

ಸದ್ಯ, ರಂಜನಿ ತಮ್ಮ ಹೊಸ ಧಾರಾವಾಹಿಗೆ ಆಡಿಷನ್ ಮಾಡುತ್ತಿದ್ದಾರೆ. ಆಡಿಷನ್ ಮೂಲಕ ಹೊಸ ಮುಖಗಳನ್ನು ಹುಡುಕುತ್ತಿದ್ದಾರೆ. ಅಂದಹಾಗೆ, ಈ ಧಾರಾವಾಹಿ ಪ್ರಾರಂಭ ಆಗುತ್ತಿರುವ ವಿಷಯವನ್ನು ಇನ್ನೂ ರಂಜನಿ ಅನೌನ್ಸ್ ಮಾಡಿಲ್ಲ.

ಸಿನಿಮಾಗಳಲ್ಲಿ ಬ್ಯುಸಿ

ಮತ್ತೊಂದು ಕಡೆ ಸಿನಿಮಾಗಳಲ್ಲಿ ಸಹ ರಂಜನಿ ನಟಿಸುತ್ತಿದ್ದಾರೆ. 'ರಾಜಹಂಸ' ಸಿನಿಮಾದ ಮೂಲಕ ಸ್ಯಾಂಡಲ್ ವುಡ್ ಪ್ರವೇಶ ಮಾಡಿದ್ದ ರಂಜನಿ ಈಗ ಇನ್ನೊಂದು 'ಟಕ್ಕರ್' ಸಿನಿಮಾದಲ್ಲಿ ಬ್ಯುಸಿ ಇದ್ದಾರೆ. 'ಸುಬ್ಬ ಸುಬ್ಬಿ' ಎಂಬ ಚಿತ್ರದಲ್ಲಿಯೂ ಅವರು ಕಾಣಿಸಿಕೊಂಡಿದ್ದಾರೆ.