ವಯಸ್ಸು 40, ಕಾಣೋದು 20ರ ಹಾಗೆ, ಮೀರಾ ಜಾಸ್ಮಿನ್ ಜಿಮ್ ಫೊಟೋ ವೈರಲ್!

ಮೀರಾ ಜಾಸ್ಮಿನ್ ಜಿಮ್ ಲುಕ್ ವೈರಲ್!

ಈ ಹಿಂದೆ ಗ್ಲಾಮರಸ್ ಲುಕ್ ಮೂಲಕ ಮೀರಾ ಜಾಸ್ಮಿನ್ ಗಮನ ಸೆಳೆದಿದ್ದರು. ಈಗ ಜಿಮ್‌ನಲ್ಲಿ ಫೊಟೋ ಕ್ಲಿಕ್ಕಿಸಿಕೊಂಡು ಸುದ್ದಿ ಆಗಿದ್ದಾರೆ. ಮೀರಾ ಜಾಸ್ಮಿನ್‌ಗೆ ವಯಸ್ಸು ಈಗ 40. ಆದರೆ ಅವರು ಕಾಣುವುದು ಮಾತ್ರ ಹದಿಹರೆಯದ ಹುಡುಗಿಯಂತೆ. ಫಿಟ್ನೆಸ್ ಬಗ್ಗೆ ಹೆಚ್ಚಿನ ಗಮನ ಕೊಡುವ ಮೀರಾ ಜಾಸ್ಮಿನ್ ವರ್ಕೌಟ್ ಮಾಡುತ್ತಾ ಇರುತ್ತಾರೆ. ಈಗ ಹಂಚಿಕೊಂಡಿರುವ ಜಿಮ್ ಫೋಟೊದಲ್ಲಿ ಚಿಕ್ಕ ಹುಡುಯಂತೆ ಕಾಣುತ್ತಾರೆ. ಈ ಫೊಟೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಲಿಸ್ಟ್ ಸೇರಿದೆ.

ಮಲಯಾಳಂ ನಟಿ ಮೀರಾ ಜಾಸ್ಮಿನ್!

ನಟಿ ಮೀರಾ ಜಾಸ್ಮಿನ್ ಮೂಲತಃ ಮಲಯಾಳಿ. ಅವರು ತಮ್ಮ ಸಿನಿಮಾ ಜರ್ನಿಯನ್ನು ಮಲಯಾಳಂ ಸಿನಿಮಾರಂಗದಿಂದೇ ಆರಂಭಿಸಿದ್ದು. ಆದರೆ ತಮಿಳು ಮತ್ತು ತೆಲುಗಿನಲ್ಲಿ ಹೆಚ್ಚಿನ ಕ್ರೇಜ್ ಹುಟ್ಟು ಹಾಕಿದ್ದರು. ತೆಲುಗಿನಲ್ಲಿ ಮೀರಾ ಅವರು ಮಾಡಿರುವ ಬಹುತೇಕ ಚಿತ್ರಗಳು ಹಿಟ್‌ ಲಿಸ್ಟ್‌ ಸೇರಿವೆ. ಕಡಿಮೆ ಸಮಯದಲ್ಲೇ ಮೀರಾ ಟಾಲಿವುಡ್‌ನ ಬಹುಬೇಡಿಕೆಯ ನಟಿ ಆಗಿ ಬಿಟ್ಟಿದ್ದರು.

ಕನ್ನಡದ ಹಲವು ಚಿತ್ರಗಳಲ್ಲಿ ಮೀರಾ ಅಭಿನಯ!

ಇನ್ನು ಮೀರಾ, ಕನ್ನಡದಲ್ಲೂ ಕೂಡ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮೀರಾ ಜಾಸ್ಮಿನ್ ಕನ್ನಡದಲ್ಲಿ ಪುನೀತ್‌ ರಾಜ್‌ಕುಮಾರ್ ಅವರ ಜೊತೆಗೆ 'ಮೌರ್ಯ' ಮತ್ತು 'ಅರಸು' ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಕೊನೆಯದಾಗಿ ಅವರು ಅಭಿನಯಿಸಿದ ಸಿನಿಮಾ 'ಹೂ'. 2013ರಲ್ಲಿ ಮೀರಾ ಜಾಸ್ಮಿನ್ ದುಬೈ ಮೂಲಕ ಯುವಕನನ್ನು ಮದುವೆ ಆಗಿ ದುಬೈನಲ್ಲಿ ವಾಸ್ತವ್ಯ ಹೂಡಿದ್ದರು. ಬಳಿಕ ಸಿನಿಮಾಗಳಿಂದ ದೂರವೇ ಉಳಿದರು.

ಮೀರಾಗೆ ಪ್ಲಾಸ್ಟಿಕ್ ಸರ್ಜರಿ ಆಯ್ತೆಂದು ಕಮೆಂಟ್!

ಮೀರಾಳ ಹೊಸ ಲುಕ್ ನೋಡಿದವರೆಲ್ಲಾ ಅಚ್ಚರಿಗೆ ಒಳಗಾಗಿದ್ದರು. ಇದು ಪಕ್ಕಾ ಪ್ಲಾಸ್ಟಿಕ್ ಸರ್ಜರಿ ಎಂದು ಹಲವರು ಕಮೆಂಟ್ ಮಾಡುತ್ತಿದ್ದಾರೆ. ಮೀರಾಳ ಮೂಗು ಮತ್ತು ತುಟಿಯ ಆಕಾರ ಬದಲಾಗಿದೆ. ಹಾಗಾಗಿ ಮೀರಾ ಅವರು ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿದ್ದಾರೆ ಎನ್ನುವ ಚರ್ಚೆ ಹುಟ್ಟಿಕೊಂಡಿದೆ. ಅದೇನೆ ಇದ್ದರು ಮೀರಾ ಜಾಸ್ಮಿನ್ ಮಾತ್ರ ಗ್ಲಾಮರ್ ಲುಕ್‌ನಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಮಿಂಚುತ್ತಾ ಇರುತ್ತಾರೆ.