ಇನ್‌ಸ್ಟಾಗ್ರಾಂ ಖಾತೆ ಡಿಲೀಟ್ ಮಾಡಿದ ಕಣ್ಸನ್ನೆ ಸುಂದರಿ ಪ್ರಿಯಾ ವಾರಿಯರ್: ಕಾರಣ?

ಒಂದೇ ದಿನದಲ್ಲಿ ಅತಿ ಹೆಚ್ಚು ಹಿಂಬಾಲಕರ ಪಡೆದಾಕೆ

ಪ್ರಿಯಾ ಪ್ರಕಾಶ್ ವಾರಿಯರ್, ಒಂದೇ ದಿನದಲ್ಲಿ ಸುಮಾರು ಆರು ಲಕ್ಷಕ್ಕೂ ಹೆಚ್ಚು ಫಾಲೋವರ್‌ಗಳನ್ನು ಪಡೆದಿದ್ದರು. ಹೀಗೆ ಒಂದೇ ದಿನದಲ್ಲಿ ಇಷ್ಟೋಂದು ಫಾಲೋವರ್‌ಗಳನ್ನು ಪಡೆದ ಮೂರನೇ ವ್ಯಕ್ತಿ ಪ್ರಿಯಾ ಎಂಬ ದಾಖಲೆ ಇವರ ಹೆಸರಿಗಿತ್ತು.

ಇನ್‌ಸ್ಟಾಗ್ರಾಂ ನಲ್ಲಿ 72 ಲಕ್ಷ ಹಿಂಬಾಲಕರಿದ್ದರು

ಪ್ರಿಯಾ ವಾರಿಯರ್ ಇನ್‌ಸ್ಟಾಗ್ರಾಂ ಖಾತೆಯನ್ನು 72 ಲಕ್ಷ ಮಂದಿ ಫಾಲೋ ಮಾಡುತ್ತಿದ್ದರು. ಇದು ಕಡಿಮೆ ಸಂಖ್ಯೆಯೇನಲ್ಲ. ಹಾಗಿದ್ದರೂ ಸಹ ಕೆಲವೇ ದಿನಗಳ ಹಿಂದೆ ಪ್ರಿಯಾ ವಾರಿಯರ್ ತಮ್ಮ ಇನ್‌ಸ್ಟಾಗ್ರಾಂ ಖಾತೆ ಬಂದ್ ಮಾಡಿದ್ದಾರೆ.

ಅಧಿಕೃತ ಕಾರಣ ನೀಡಿಲ್ಲ ಪ್ರಿಯಾ

ಅಚಾನಕ್ಕಾಗಿ ತಮ್ಮ ಸಾಮಾಜಿಕ ಜಾಲತಾಣವನ್ನು ಪ್ರಿಯಾ ವಾರಿಯರ್ ಬಂದ್ ಮಾಡಿದ್ದು, ಇದಕ್ಕೆ ಅಧಿಕೃತ ಕಾರಣವನ್ನು ಅವರು ನೀಡಿಲ್ಲ. ಆದರೆ ಅವರು ಒತ್ತಡವನ್ನು ಕಡಿಮೆ ಮಾಡಿಕೊಳ್ಳಲೆಂದು ಸಾಮಾಜಿಕ ಜಾಲತಾಣದಿಂದ ದೂರ ಉಳಿದಿದ್ದಾರೆ ಎನ್ನಲಾಗಿದೆ.

ಒರು ಅಡಾರ್ ಲವ್ ಮೂಲಕ ಖ್ಯಾತಿ

'ಒರು ಅಡಾರ್ ಲವ್' ಸಿನಿಮಾ ಮೂಲಕ ಖ್ಯಾತಿಗಳಿಸಿದ ಪ್ರಿಯಾ ವಾರಿಯರ್, ಶ್ರೀದೇವಿ ಬಂಗ್ಲೋ, ತನಾಹ್, ವಿಶ್ಣು ಪ್ರಿಯಾ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ತೆಲುಗು ನಟ ನಿತಿನ್ ಜೊತೆ ಸಹ ಸಿನಿಮಾ ಒಂದರಲ್ಲಿ ನಟಿಸಿದ್ದಾರೆ.