For Quick Alerts
    ALLOW NOTIFICATIONS  
    For Daily Alerts

    ಕನ್ನಡ ಚಿತ್ರರಂಗದಲ್ಲೊಂದು ಖತರ್ನಾಕ್ ಚಿತ್ರ

    By Rajendra
    |

    ಒಂದು ವಿಭಿನ್ನ ಚಿತ್ರಕತೆಯನ್ನು ನಿರ್ದೇಶಕ ಹ ಸು ರಾಜಶೇಖರ್ ಕೈಗೆತ್ತಿಕೊಂಡಿದ್ದಾರೆ. ನಾಲ್ಕು ಮಂದಿ ಹೀರೋಗಳನ್ನು ಹಾಕಿಕೊಂಡು ಬಹುತಾರಾಗಣದ ಚಿತ್ರವೊಂದಕ್ಕೆ ಆಕ್ಷನ್, ಕಟ್ ಹೇಳಲು ಹೊರಟಿದ್ದಾರೆ. ಚಿತ್ರದ ಹೆಸರು ಖತರ್ನಾಕ್! ಆದರೆ ಇದು ತೆಲುಗಿನ 'ಖತರ್ನಾಕ್' ಅಲ್ಲ.

    'ಶಿಷ್ಯ' ದೀಪ, 'ಗಂಡ ಹೆಂಡತಿ' ತಿಲಕ್, 'ಲೋಕವೆ ಹೇಳಿದ ಮಾತಿದು' ರವಿತೇಜ, 'ಕಾಳಿದಾಸ ಲವಲ್ಲಿ ಬಿದ್ದ' ಅಮಿತ್, 'ಟೆನ್ತ್ ಕ್ಲಾಸ್' ಪ್ರವೀಣ್ ಚಿತ್ರದ ನಾಯಕ ನಟರು. ಈ ನಾಲ್ಕು ಮಂದಿ ಹೀರೋಗಳಿಗೆ ಖಳ ನಾಯಕ ಒಬ್ಬನೇ ಆದಿ ಲೋಕೇಶ್. ಅವರದು ಚಿತ್ರದಲ್ಲಿ ಖತರ್ನಾಕ್ ರೋಲ್ ಅಂತೆ.

    ಇತ್ತೀಚೆಗೆ ಹ ಸು ರಾಜಶೇಖರ್ ನಿರ್ದೇಶಿಸಿದ್ದ 'ಶಾಕ್' ಚಿತ್ರ ಬಾಕ್ಸಾಫೀಸಲ್ಲಿ ಮಕಾಡೆ ಮಲಗಿತ್ತು. ಹಿಂದಿ ಚಿತ್ರ 'ಕೌನ್' ರೀಮೇಕ್ ಆಗಿದ್ದ ಈ ಚಿತ್ರದ ಸೋಲು ರಾಜಶೇಖರ್ ಅವರನ್ನು ಮೂಲೆಗುಂಪು ಮಾಡಿತ್ತು. ವಿಷಯ ಹೀಗಿದ್ದರೂ ಚಿತ್ರಕ್ಕೆ ಬಂಡವಾಳ ಹೂಡಲು ಇಬ್ಬರು ನಿರ್ಮಾಪಕರು ಮುಂದಾಗಿದ್ದಾರೆ. ಅವರ ಭಂಡ ಧೈರ್ಯವನ್ನು ಮೆಚ್ಚಲೇಬೇಕು.

    ಆ ಇಬ್ಬರು ನಿರ್ಮಾಪಕರ ಹೆಸರು ಅಮರಚಂದ್ ಜೈನ್ ಮತ್ತು ವಿಜಯ್ ಸುರಾನಾ. ನಿರಂಜನ್ ಬಾಬು ಅವರ ಛಾಯಾಗ್ರಹಣ ಎಚ್ ಎಸ್ ಮಾರುತಿ ಅವರ ಸಂಗೀತ ಚಿತ್ರಕ್ಕಿರುತ್ತದೆ. ಸುಮಾ ಗುಹಾ ಚಿತ್ರದ ನಾಯಕಿ. ಸಂಜಯ್ ದತ್ ಮುಖ್ಯಭೂಮಿಕೆಯಲ್ಲಿರುವ 'ಪ್ಲಾನ್' ಚಿತ್ರದ ರೀಮೇಕ್ ಇದು ಎನ್ನುತ್ತವೆ ಮೂಲಗಳು.

    ಚಿತ್ರದ ನಾಯಕಿ ಬಗ್ಗೆ ಹೇಳಬೇಕು ಎಂದರೆ ಈಕೆ ಈಗಾಗಲೆ ಎರಡು ಕನ್ನಡ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. 'ಪ್ರೀತಿಯಿಂದ ರಮೇಶ್' ಮತ್ತು 'ಶಾಕ್' ಚಿತ್ರಗಳಲ್ಲಿ ನಟಿಸಿದ್ದರು. ಶೋಭಾರಾಜ್, ಬ್ಯಾಂಕ್ ಜನಾರ್ದನ್, ಕುರಿಗಳು ಪ್ರತಾಪ್ ಚಿತ್ರದ ಪೋಷಕ ಪಾತ್ರಗಳಲ್ಲಿದ್ದಾರೆ.

    English summary
    Ha Su Rajasekhar has taken one more film in Kannada titled as Khatarnak. This is a multi starer film with four heroes – Shishya Deepa, Ganda Hendathi Thilak, Lokave Helidha Mathu hero Ravi Teja, Kalidasa Love Alli Biddha hero Amith, Tenth class Kannada cinema Praveen are playing the prominent roles.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X