ಕನ್ನಡ ನಟಿ ರೇಖಾ ಸಾವಿನ ಸುದ್ದಿ ಸುಳ್ಳು: ರೇಖಾ ಎಲ್ಲಿದ್ದಾರೆ?

ಅಪಘಾತವಾಗಿದ್ದು ರೇಖಾ ಕುಮಾರಿಗಲ್ಲ!

ಚೆನ್ನೈನಲ್ಲಿ ರಸ್ತೆ ಅಪಘಾತವಾಗಿದ್ದು, ನಟಿ ರೇಖಾ ಕುಮಾರಿಗಲ್ಲ. ಅವರು ರೇಗಾ ಸಿಂಧು. ಮೂಲಗಳ ಪ್ರಕಾರ ರೇಗಾ ಸಿಂಧು ಅವರು ರೂಪದರ್ಶಿ ಆಗಿದ್ದಾರೆ.[ಕಾರು ಅಪಘಾತ: ಕನ್ನಡ ನಟಿ ರೇಗಾ ಸಿಂಧು ದುರ್ಮರಣ]

ರೇಖಾ ಸಾವಿನ ಸುದ್ದಿ ವದಂತಿ!

ಕನ್ನಡ ನಟಿ ರೇಖಾ ಅವರ ಸಾವಿನ ಬಗ್ಗೆ ಹರಿದಾಡುತ್ತಿರುವ ಸುದ್ದಿಗಳು ಸುಳ್ಳು ಎಂದು ಸ್ವತಃ ನಟಿ ರೇಖಾ ಕುಮಾರಿ ಅವರೇ ಸ್ವಷ್ಟಪಡಿಸಿದ್ದಾರೆ. ಫೇಸ್ ಬುಕ್ ನಲ್ಲಿ ವಿಡಿಯೋ ಪೋಸ್ಟ್ ಮಾಡುವ ಮೂಲಕ ಖಚಿತ ಪಡಿಸಿದ್ದಾರೆ.

ಹಾಗಾದ್ರೆ ರೇಖಾ ಕುಮಾರಿ ಎಲ್ಲಿದ್ದಾರೆ?

ಚಿತ್ರ ನಟಿ ರೇಖಾ ಕುಮಾರಿ ಅವರು ಶೃಂಗೇರಿಯ ಶಾರದ ಪೀಠ ದೇವಸ್ಥಾನದಲ್ಲಿದ್ದಾರೆ.[ನಟಿ ರೇಖಾ ಅವರು ಪೋಸ್ಟ್ ಮಾಡಿರುವ ವಿಡಿಯೋ ಇಲ್ಲಿದೆ ನೋಡಿ]

ಘಟನೆ ಬಗ್ಗೆ ಮಾಹಿತಿ

ವೆಲ್ಲೂರು ಪೊಲೀಸ್ ಮಾಹಿತಿಗಳ ಪ್ರಕಾರ, ಕಾರಿನಲ್ಲಿ ರೇಗಾ ಸಿಂಧು ಸೇರಿದಂತೆ ಒಟ್ಟು ಆರು ಜನ ಇದ್ದರು. ಚೆನ್ನೈ-ಬೆಂಗಳೂರು ಹೆದ್ದಾರಿಯಲ್ಲಿ ಡಿವೈಡರ್ ಗೆ ಕಾರು ಡಿಕ್ಕಿ ಹೊಡೆದ ಪರಿಣಾಮ ದುರಂತ ಸಂಭವಿಸಿದೆ. ದುರಂತ ಸಂಭವಿಸಿದ ಸ್ಥಳದಲ್ಲಿಯೇ ರೇಗಾ ಸಿಂಧು ಸಾವನ್ನಪ್ಪಿದ್ದು, ತೀವ್ರವಾಗಿ ಗಾಯಗೊಂಡಿದ್ದ ಇಬ್ಬರನ್ನ ಆಸ್ಪತ್ರೆಗೆ ಸೇರಿಸಲಾಗಿದೆ.