ಅಂಬಿ ಇಲ್ಲದ ವಿವಾಹ ವಾರ್ಷಿಕೋತ್ಸವ : ಚೂರಾಗಿದೆ ಸುಮಲತಾ ಹೃದಯ

8 ಡಿಸೆಂಬರ್ 1991 ರಂದು ಮದುವೆ

8 ಡಿಸೆಂಬರ್ 1991 ರಂದು ರೆಬೆಲ್ ಸ್ಟಾರ್ ಅಂಬರೀಶ್ ಮತ್ತು ಸುಮಲತಾ ಅವರ ಮದುವೆ ನೆರವೇರಿತ್ತು. ಆದರೆ, ಅಂಬರೀಶ್ ನವೆಂಬರ್ 24 ರಂದು ಇಹಲೋಕ ತ್ಯಜಿಸಿದ್ದಾರೆ. 14 ದಿನ ಕಳೆದಿದ್ದರೆ ಅವರ ಮನೆಯಲ್ಲಿ ಸಂಭ್ರಮ ಇರುತ್ತಿತ್ತು. ಆದರೆ, ಮದುವೆ ವಾರ್ಷಿಕೋತ್ಸವ ನಡೆಯುವ ಮುನ್ನ ವಿಧಿಯ ಆಟ ನಡೆದು ಹೋಗಿತ್ತು. ಈ ದಿನ ಅಂಬರೀಶ್ ಅವರ ಬಗ್ಗೆ ಸುಮಲತಾ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.

ಸುಮಲತಾ ಪ್ರೀತಿಯ ಮಾತುಗಳು

''ಡಿಸೆಂಬರ್ 8, 27 ವರ್ಷಗಳಲ್ಲಿ ಈ ದಿನ ಮೊದಲ ಬಾರಿಗೆ ನೀವು ನನ್ನ ಜೊತೆಗೆ ಇಲ್ಲ. ನೀವು ನನ್ನ ಪ್ರಪಂಚದ ಕೇಂದ್ರ ಬಿಂದು ಆಗಿರಲಿಲ್ಲ. ನೀವೇ ನನ್ನ ಪ್ರಪಂಚ ಆಗಿದ್ರಿ. ಆ ಕೈ ನನ್ನನ್ನು ಹಿಡಿದಿತ್ತು. ಆ ಹೃದಯದಲ್ಲಿ ಮಿಲಿಯನ್ ಜನರನ್ನು ಮುಟ್ಟುವ ಪ್ರೀತಿ ಇತ್ತು. ನಾನು ಅಲ್ಲಿ ಆರಾಮಾಗಿ ಇದ್ದೆ.'' - ಸುಮಲತಾ, ನಟಿ

ನಿಮ್ಮ ಪ್ರೀತಿ ನನ್ನನ್ನು ರಕ್ಷಣೆ ಮಾಡಿತ್ತು

''27 ವರ್ಷ ಆಯಿತೇ..? ನನ್ನ ಜೀವನ ಶುರು ಆಗಿದ್ದು, ನೀವು ನನ್ನನ್ನು ಪ್ರೀತಿಸಲು ಶುರು ಮಾಡಿದಾಗ. ನಿಮ್ಮ ಪ್ರೀತಿ ನನ್ನನ್ನು ರಕ್ಷಣೆ ಮಾಡಿತ್ತು. ಚಳಿಗೆ ಹೊತ್ತುಕೊಂಡ ಹೊದಿಕೆಯಂತೆ ನಿಮ್ಮ ಪ್ರೀತಿ ಇತ್ತು. ಮಳೆ ಮತ್ತು ಬಿಸಿಲಿನಲ್ಲಿ ಹಿಡಿದ ದೊಡ್ಡ ಛತ್ರಿಯಂತೆ ಅದು ನನ್ನನ್ನು ಕಾಪಾಡಿತ್ತು.'' - ಸುಮಲತಾ, ನಟಿ

ಎಲ್ಲಿಯೇ ಇದ್ದರೂ ನನ್ನನ್ನು ನೋಡುತ್ತಿದ್ದೀರಿ

''ನೀವು ಈಗ ಎಲ್ಲಿಯೇ ಇದ್ದರೂ ನೀವು ನನ್ನನ್ನು ನೋಡುತ್ತಿದ್ದೀರಿ. ನೀವು ನಿಮ್ಮ ಮಗನ ಬಗ್ಗೆ ಯೋಚನೆ ಮಾಡುತ್ತಿದ್ದೀರಿ. ನೀನು ಈಗಲೂ ನಮ್ಮ ಬಗ್ಗೆ ಕಾಳಜಿ ತೆಗೆದುಕೊಳ್ಳುತ್ತಿದ್ದೀರಿ. ನಾನು ನಿಮ್ಮ ಪ್ರೀತಿಯನ್ನು ನಮ್ಮ ಸುತ್ತ ಮುತ್ತಲಿನ ಅನೇಕ ಕಣ್ಣುಗಳಲ್ಲಿ ಕಾಣುತ್ತಿದ್ದೇನೆ. ಅವು ನನ್ನನ್ನು ಮತ್ತು ಅಭಿಯನ್ನು ಆಶೀರ್ವಾದ ಮಾಡುತ್ತಿವೆ. - ಸುಮಲತಾ, ನಟಿ

ನನ್ನ ಚೂರಾದ ಹೃದಯ

''ನನ್ನ ಚೂರಾದ ಹೃದಯ ಮುಂದಕ್ಕೆ ಹೋಗಲು ನನಗೆ ನಿಮ್ಮ ಶಕ್ತಿಯ ಅಗತ್ಯವಿದೆ. ನಾವು ನಿಮ್ಮ ಮಾತು ಹಾಗೂ ನಿಮ್ಮ ಯೋಚನೆಗಳನ್ನ ಮರೆಯಾಗಲು ಬಿಡುವುದಿಲ್ಲ. ನಾನು ಬದುಕುಲು ನಿಮ್ಮ ಪ್ರೀತಿ ಬೇಕು. ನಿಮ್ಮ ಸ್ಫೂರ್ತಿಯಿಂದ ನಾನು ಮುಂದಕ್ಕೆ ಹೋಗುತ್ತೇನೆ. ನಿಮ್ಮಂತ ಅಧ್ಬುತ ವ್ಯಕ್ತಿಯ ಜೊತೆಗೆ 27 ವರ್ಷ ಕಳೆಯುವ ಅವಕಾಶ ನಾನು ಪಡೆದೆ. ಯಾವಾಗಲೂ ನಮ್ಮೊಂದಿಗೆ ನೀವು ಇರೀ. ಯಾವಾಗಲೂ ಹೊಳೆಯುತ್ತಿರಿ..'' - ಸುಮಲತಾ, ನಟಿ

ಲವ್ ಮ್ಯಾರೇಜ್

ಅಂಬಿ - ಸುಮಲತಾ ಇಬ್ಬರೂ ಚಿತ್ರರಂಗದಲ್ಲಿ ಸ್ಟಾರ್ ನಟ-ನಟಿಯಾಗಿ ಬೆಳೆದಿದ್ದರು. ಪರಸ್ಪರ ಪ್ರೀತಿಸಿ ಸಪ್ತಪದಿ ತುಳಿದಿದ್ದರು. ಅಂಬರೀಶ್ ಅವರ ಗುಣ ಸುಮಲತಾ ಅವರಿಗೆ ಬಹಳ ಮೆಚ್ಚುಗೆ ಆಗಿತ್ತು. ಸುಮಲತಾ ಸೌಂದರ್ಯಕ್ಕೆ ಅಂಬಿಯನ್ನು ಪ್ರೇಮಿಯನ್ನಾಗಿ ಮಾಡಿತ್ತು. ಅಂಬಿಯೇ ಮೊದಲು ತಮ್ಮ ಪ್ರೇಮ ನಿವೇದನೆ ಮಾಡಿದ್ದರು.