ಮೊದಲ ಸಲ ವೋಟ್ ಮಾಡಿದ ನಿವೇದಿತಾ: 'ಗೊಂಬೆ'ಗೆ ಡಬಲ್ ಖುಷಿ

Recommended Video

ಬಿಗ್ ಬಾಸ್ ಕನ್ನಡ ಸೀಸನ್ 5 ಕಾರ್ಯಕ್ರಮದ ಸ್ಪರ್ಧಿಯಾಗಿದ್ದ ನಿವೇದಿತಾ ಗೌಡ ಮೊದಲ ಸಲ ಮತ ಚಲಾಯಿಸಿದ್ದಾರೆ. ಮೈಸೂರು ನಗರದ ದಟ್ಟಗಳ್ಳಿ ಕನಕದಾಸ ನಗರದಲ್ಲಿ ತಮ್ಮ ಫಸ್ಟ್ ವೋಟ್ ಹಾಕಿದ್ದಾರೆ.

ವಿಶೇಷ ಅಂದ್ರೆ, ನಿವೇದಿತಾ ಗೌಡ ಅವರು ಮೈಸೂರು ನಗರದ ಚುನಾವಣೆ ರಾಯಭಾರಿ ಕೂಡ ಆಗಿದ್ದಾರೆ. ಹೀಗಾಗಿ, ತಮ್ಮ ಮತದಾನದ ಕರ್ತವ್ಯವನ್ನ ಯಶಸ್ವಿಯಾಗಿ ನಿರ್ವಹಿಸಿದ್ದಾರೆ.

ಅಂದ್ಹಾಗೆ, ನಿವೇದಿತಾ ಗೌಡ ಅವರಿಗೆ ಈ ದಿನ ಡಬಲ್ ಖುಷಿ ಅಂತಾನೇ ಹೇಳ್ಬಹುದು. ಯಾಕಂದ್ರೆ, ಮೇ 12 ನಿವೇದಿತಾ ಅವರ ಹುಟ್ಟುಹಬ್ಬ ಕೂಡ ಇದೆ.

ಮೇ 12, 2000 ದಲ್ಲಿ ಹುಟ್ಟಿರುವ ನಿವೇದಿತಾಗೆ ಈಗ ವಯಸ್ಸು 18. ಹೀಗಾಗಿ, ಇಂದು ಮೊದಲ ಮತದಾನ ಜೊತೆಗೆ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ.

ಇಂದು ಕರ್ನಾಟಕ ವಿಧಾನಸಭೆ ಚುನಾವಣೆ ನಡೆಯುತ್ತಿದ್ದು, ರಾಜ್ಯದ 222 ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತಿದೆ. ಮೇ 15 ರಂದು ಚುನಾವಣೆಯ ಫಲಿತಾಂಶ ಹೊರ ಬೀಳಲಿದೆ.