ದರ್ಶನ್, ಸುದೀಪ್ ಸಮಕ್ಕೆ ಬಂದು ನಿಂತ ಧ್ರುವ ಸರ್ಜಾ ಸಂಭಾವನೆ!

6 ಕೋಟಿ

ಧ್ರುವ ಸರ್ಜಾ ಒಂದು ಸಿನಿಮಾಗೆ ಎಷ್ಟು ಹಣ ತೆಗೆದುಕೊಳ್ಳಬಹುದು ಎನ್ನುವ ಕುತೂಹಲ ಎಲ್ಲರಲ್ಲಿಯೂ ಇತ್ತು. ಈಗ ಅದಕ್ಕೆ ಉತ್ತರ ಸಿಕ್ಕಿದ್ದು, ಧ್ರುವ ಸಂಭಾವನೆ ಆರು ಕೋಟಿ ಅಂತೆ.

'ಭರ್ಜರಿ' ಮಾತು

'ಭರ್ಜರಿ' ಸಿನಿಮಾದ 50ನೇ ದಿನದ ಸಂಭ್ರಮದ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಧ್ರುವ ತಮ್ಮ ಸಂಭಾವನೆ ಬಗ್ಗೆ ಕೂಡ ಮಾತನಾಡಿದ್ದಾರೆ.

ವಿಡಿಯೋ ನೋಡಿ ಕೇಳಿದ್ದರು!

ಮೊದಲು 'ಭರ್ಜರಿ' ಚಿತ್ರಕ್ಕೆ ಧ್ರುವ ಮೂರು ಕೋಟಿ ಕೂಡ ತೆಗೆದುಕೊಂಡಿರಲಿಲ್ಲವಂತೆ. ಬಳಿಕ ಯೂಟ್ಯೂಬ್ ನ ಒಂದು ವಿಡಿಯೋದಲ್ಲಿ 'ಧ್ರುವ ಸರ್ಜಾ ಸಂಭಾವನೆ 6 ಕೋಟಿಗೆ ಏರಿದೆ' ಎಂದು ನೋಡಿದ ಧ್ರುವ, ನಿರ್ಮಾಪಕರ ಬಳಿ ಆರು ಕೋಟಿ ಕೇಳಿ ಅಷ್ಟೇ ಹಣವನ್ನು ಪಡೆದರಂತೆ.

ಮಾಧ್ಯಮಗಳು ಫಿಕ್ಸ್ ಮಾಡಿತ್ತು

''ನನ್ನ ಸಂಭಾವನೆ ನನಗಿಂತ ಮೊದಲೇ ಮಾಧ್ಯಮಗಳು ಫಿಕ್ಸ್ ಮಾಡುತ್ತಿವೆ. ಮುಂದೆ ಅದೇ ರೀತಿ 7 ಕೋಟಿ ಸಂಭಾವನೆ ಅಂತ ಸುದ್ದಿ ಹಬ್ಬಿದರೆ ಅಷ್ಟೇ ಕೇಳುತ್ತೇನೆ'' ಎಂದಿದ್ದಾರೆ ಧ್ರುವ ಸರ್ಜಾ.

ಸ್ಟಾರ್ ನಟರ ಸಂಭಾವನೆಗೆ ಸಮ

ಕನ್ನಡದ ಸ್ಟಾರ್ ನಟರಾದ ದರ್ಶನ್, ಸುದೀಪ್, ಯಶ್, ಪುನೀತ್ ಅವರ ಸಂಭಾವನೆ ಕೂಡ 6 ಕೋಟಿ ಗಡಿ ದಾಟಿದೆ. ಇದೀಗ ಧ್ರುವ ಕೂಡ ಹೆಚ್ಚು ಕಮ್ಮಿ ಅದೇ ರೇಂಜ್ ಗೆ ಬಂದು ನಿಂತಿದ್ದಾರೆ.

50 ಕೋಟಿ ಕಲೆಕ್ಷನ್

50 ದಿನ ಪೂರೈಸಿರುವ 'ಭರ್ಜರಿ' ಸಿನಿಮಾ ಸದ್ಯ 50 ಕೋಟಿ ಕಲೆಕ್ಷನ್ ಮಾಡಿದೆಯಂತೆ.

ಸಾಲು ಸಾಲು ಸಿನಿಮಾಗಳು

'ಭರ್ಜರಿ' ಚಿತ್ರದ ನಂತರ ಸ್ವಮೇಕ್ ಕಥೆಯೊಂದಿಗೆ 'ಪೊಗರು' ಚಿತ್ರವನ್ನು ಧ್ರುವ ಕೈಗೆತ್ತಿಕೊಂಡಿದ್ದಾರೆ. ಆ ಬಳಿಯ ಉದಯ್ ಮೆಹ್ತಾ ಮತ್ತು ಅರ್ಜುನ್ ಸರ್ಜಾ ಜೊತೆ ಒಂದೊಂದು ಸಿನಿಮಾ ಮಾಡುವ ಪ್ಲಾನ್ ನಲ್ಲಿ ಧ್ರುವ ಇದ್ದಾರೆ.