ಎಂಗೇಜ್ ಆದ ಪವನ್: ಬಾಗಲಕೋಟೆ ಹುಡುಗಿಯನ್ನ ಮದುವೆ ಆಗುವ ಹಿಂದಿದೆ ಸೀಕ್ರೆಟ್.!

ನಿಶ್ಚಿತಾರ್ಥ ಮಾಡಿಕೊಂಡ ಪವನ್ ಒಡೆಯರ್

ನಟ ಹಾಗೂ ನಿರ್ದೇಶಕ ಪವನ್ ಒಡೆಯರ್ ರ ನಿಶ್ಚಿತಾರ್ಥ ಇಂದು ಬಾಗಲಕೋಟೆಯಲ್ಲಿ ನಡೆದಿದೆ. ಪವನ್ ಒಡೆಯರ್ ಮನೆಯವರು ಹಾಗೂ ಅಪೇಕ್ಷಾ ಮನೆಯವರ ಸಮ್ಮುಖದಲ್ಲಿ ಸಿಂಪಲ್ ಆಗಿ ಶಾಸ್ತ್ರೋಕ್ತವಾಗಿ ಎಂಗೇಜ್ ಮೆಂಟ್ ಆಗಿದೆ.

ಬ್ರಾಹ್ಮಣರ ಸಂಪ್ರದಾಯದಂತೆ ನಿಶ್ಚಿತಾರ್ಥ

ನಟಿ ಅಪೇಕ್ಷಾ ಪುರೋಹಿತ್ ಬಾಗಲಕೋಟೆಯ ಹುಡುಗಿ. ಅನುಷಾ ಪುರೋಹಿತ್ ಹಾಗೂ ಆನಂದ್ ಪುರೋಹಿತ್ ರ ಮಗಳಾಗಿರುವ ಅಪೇಕ್ಷಾ ಬೆಂಗಳೂರಿನಲ್ಲಿ ವಾಸವಿದ್ದಾರೆ. 'ಕಾಫಿ ತೋಟ' ಚಿತ್ರದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದ ಅಪೇಕ್ಷಾ ಪುರೋಹಿತ್ ಅನೇಕ ಧಾರಾವಾಹಿಗಳಲ್ಲೂ ಆಕ್ಟ್ ಮಾಡಿದ್ದಾರೆ.

ಪವನ್ ಕೂಡ ಉತ್ತರ ಕರ್ನಾಟಕದವರೇ.!

ನಿರ್ದೇಶಕ ಪವನ್ ಒಡೆಯರ್ ಉತ್ತರ ಕರ್ನಾಟಕದ ಹುಡುಗಿಯನ್ನೇ ಮದುವೆ ಆಗಬೇಕು ಎಂದು ನಿರ್ಧಾರ ಮಾಡಿದ್ದರಂತೆ. ಮನೆಯಲ್ಲೂ ಕೂಡ ಅದರಂತೆಯೇ ಬಾಗಲಕೋಟೆಯ ಹುಡುಗಿಯನ್ನ ಸೊಸೆ ಮಾಡಿಕೊಂಡಿದ್ದಾರೆ. ಪವನ್ ಒಡೆಯರ್ ಬೆಂಗಳೂರಿನವರು ಎಂದು ಅದೆಷ್ಟೋ ಜನರು ಅಂದುಕೊಂಡಿದ್ದರು. ಆದರೆ ಪವನ್ ಮೂಲತಃ ಬೆಳಗಾವಿಯವರು. ಇದೇ ಕಾರಣದಿಂದ ಉತ್ತರಕರ್ನಾಟಕದ ಹುಡುಗಿಯನ್ನ ಮದುವೆಯಾಗಲು ಸಮ್ಮತಿ ನೀಡಿದ್ದಾರೆ.

ಸಿಂಪಲ್ ಆಗಿತ್ತು ನಿಶ್ಚಿತಾರ್ಥ

ಪವನ್ ಹಾಗೂ ಅಪೇಕ್ಷಾ ಎಂಗೇಜ್ ಮೆಂಟ್ ನಲ್ಲಿ ಇಬ್ಬರ ಮನೆಯ ಸಂಬಂಧಿಕರು ಹಾಗೂ ಸ್ನೇಹಿತರಷ್ಟೇ ಭಾಗಿಯಾಗಿದ್ದರು. ಆಗಸ್ಟ್ ನಲ್ಲಿ (2018) ಬೆಂಗಳೂರಿನಲ್ಲಿ ಈ ಜೋಡಿ ಮದುವೆ ಆಗಲಿದೆ.