ಹೊಸ ಶಪಥ ಮಾಡಿದ ಗೋಲ್ಡನ್ ಗರ್ಲ್ ರಮ್ಯಾ

ಗೋಲ್ಡನ್ ಗರ್ಲ್ ರಮ್ಯಾ

ಇನ್ನೂ ಕೆಲವರು ಕುಡಿಯುವುದನ್ನು ಬಿಡುತ್ತೇನೆ ಎಂದು ದೀಕ್ಷೆ ತೊಡುತ್ತಾರೆ...ಅವೆಲ್ಲಾ ಆಗಲ್ಲ ಹೋಗಲ್ಲ ಬಿಡ್ರಿ ಎಂದೂ ಸುಮ್ಮನಾಗುತ್ತಾರೆ. ಆದರೆ ನಮ್ಮ ಗೋಲ್ಡನ್ ಗರ್ಲ್ ರಮ್ಯಾ ಮಾತ್ರ ಈ ವರ್ಷ ಹೊಸ ಪ್ರತಿಜ್ಞೆ ಮಾಡಿದ್ದಾರೆ.

ಅವಕಾಶ ವಂಚಿತ ಮಕ್ಕಳ ನೆರವಿಗೆ ಅವರು ಧಾವಿಸಿದ್ದಾರೆ. ಈ ವರ್ಷದ ಅವರ ಹೊಸ ನಿರ್ಣಯ, ಸೌಲಭ್ಯ ವಂಚಿತ ಈ ಮಕ್ಕಳಿಗೆ ನೆರವಾಗುವುದು. ತಮ್ಮ ಕೈಲಾದ ಸಹಾಯ ಮಾಡುವುದು. ಈ ಮೂಲಕ ಹೊಸ ವರ್ಷವನ್ನು ವಿಭಿನ್ನವಾಗಿ ಆಚರಿಸೋಣ ಬನ್ನಿ ಎಂದೂ ತಮ್ಮ ಅಭಿಮಾನಿಗಳಿಗೆ ಕರೆ ನೀಡಿದ್ದಾರೆ.

201+3...3 ನಿರ್ಣಯಗಳನ್ನು ತೆಗೆದುಕೊಳ್ಳಿ. ಅದರ ಜೊತೆಗೆ 201 ರುಪಾಯಿಗಳನ್ನು ಈ ರೀತಿಯ ಮಕ್ಕಳ ಸಹಾಯರ್ಥಕ್ಕೆ ವಿನಿಯೋಗಿಸಿ ಎಂದಿದ್ದಾರೆ. ರಮ್ಯಾ ಕೇವಲ ಬಾಯಿ ಮಾತಿನಷ್ಟೇ ಹೇಳಿಲ್ಲ. ಈಗಾಗಲೆ ಅವರು ಸರ್ಕಾರೇತರ ಸಂಸ್ಥೆ 'ಡ್ರೀಮ್ ಎ ಡ್ರೀಮ್' ಎಂಬ ಸಂಸ್ಥೆಯೊಂದಿಗೂ ಕೈಜೋಡಿಸಿದ್ದಾರೆ.

ಅತ್ತ ಸಮಾಜಸೇವೆ, ಇನ್ನೊಂದು ಕಡೆ ರಾಜಕೀಯ, ಮತ್ತೊಂದು ಕಡೆ ಸಿನಿಮಾ ಹೀಗೆ ನಾನಾ ಕ್ಷೇತ್ರಗಳಲ್ಲಿ ರಮ್ಯಾ ಬಿಜಿಯಾಗಿದ್ದಾರೆ. ಇದರ ಜೊತೆಗೆ ಇದೇ ಮೊದಲ ಸಲ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಜೊತೆಗೆ ಅಭಿನಯಿಸಲಿದ್ದಾರಂತೆ. ಆ ಚಿತ್ರದ ವಿವರಗಳು ಸದ್ಯಕ್ಕೆ ಇನ್ನೂ ಬಹಿರಂಗವಾಗಿಲ್ಲ. (ಏಜೆನ್ಸೀಸ್)