ಮಾದಕ ವಸ್ತು ಪ್ರಕರಣ: ಪೊಲೀಸರ ಮುಂದೆ ಹಾಜರಾದ ಇಂದ್ರಜಿತ್ ಲಂಕೇಶ್

'ಹಲವು ಮಾದಕ ವ್ಯಸನಿಗಳು ಇದ್ದಾರೆ'

'ಸ್ಯಾಂಡಲ್‌ವುಡ್‌ನ ಹಲವು ನಟ-ನಟಿಯರು ಮಾದಕ ವ್ಯಸನಿಗಳಾಗಿದ್ದಾರೆ. ಡ್ರಗ್ ಮಾಫಿಯಾದ ಜೊತೆಗೆ ಹಲವರಿಗೆ ಸಂಬಂಧ ಸಹ ಇದೆ. ಸೂಕ್ತ ರಕ್ಷಣೆ ಒದಗಿಸುವ ಭರವಸೆ ನೀಡಿದರೆ ಪೊಲೀಸರಿಗೆ ಎಲ್ಲ ಮಾಹಿತಿ ನಾನು ನೀಡುತ್ತೇನೆ' ಎಂದು ಇಂದ್ರಜಿತ್ ಲಂಕೇಶ್ ಹೇಳಿದ್ದರು.

ಚಿರಂಜೀವಿ ಸರ್ಜಾ ಸಾವಿನ ಬಗ್ಗೆ ಇಂದ್ರಜಿತ್ ಅನುಮಾನ

ಚಿರಂಜೀವಿ ಸರ್ಜಾ ಸಾವಿನ ಬಗ್ಗೆಯೂ ಅನುಮಾನ ವ್ಯಕ್ತಪಡಿಸಿದ್ದ ಇಂದ್ರಜಿತ್ ಲಂಕೇಶ್, ಇತ್ತೀಚೆಗೆ ಒಬ್ಬ ಖ್ಯಾತ ಯುವ ನಟ ಅಚಾನಕ್ಕಾಗಿ ತೀರಿಕೊಂಡರು. ಅವರ ಮರಣೋತ್ತರ ಪರೀಕ್ಷೆಯನ್ನೇಕೆ ಮಾಡಿಸಲಿಲ್ಲ ಎಂದು ಇಂದ್ರಜಿತ್ ಲಂಕೇಶ್ ಪ್ರಶ್ನೆ ಮಾಡಿದ್ದರು. ಇದು ಸಹ ವಿವಾದ ಕೆರಳಿಸಿತ್ತು.

ಇಂದ್ರಜಿತ್ ಲಂಕೇಶ್ ಹೇಳಿಕೆಗೆ ಭಾರಿ ವಿರೋದ

ಇಂದ್ರಜಿತ್ ಲಂಕೇಶ್ ಹೇಳಿಕೆ ಸಾಕಷ್ಟು ವಿವಾದ ಸೃಷ್ಟಿಸಿತ್ತು. ರವಿ ಬೆಳಗೆರೆ, ಪ್ರಕಾಶ್ ಸಂಬರಗಿ, ರಾಕ್‌ಲೈನ್ ವೆಂಕಟೇಶ್, ಕೊಬ್ರಿ ಮಂಜು ಇನ್ನೂ ಹಲವರು ಇಂದ್ರಜಿತ್ ಲಂಕೇಶ್ ಹೇಳಿಕೆಯನ್ನು ತೀವ್ರವಾಗಿ ಖಂಡಿಸಿದ್ದರು.

ಚಿತ್ರರಂಗಕ್ಕೆ ಡ್ರಗ್ ಮಾಫಿಯಾದ ನಂಟಿದೆಯೋ ಇಲ್ಲವೋ?

ಚಿತ್ರರಂಗಕ್ಕೆ ಡ್ರಗ್ ಮಾಫಿಯಾದ ನಂಟಿದೆ ಎಂಬ ವಿಷಯ ಹೊರಬಿದ್ದಾಗಿನಿಂದಲೂ ಚಿತ್ರರಂಗದಲ್ಲಿ ಭಿನ್ನ-ಭಿನ್ನ ಹೇಳಿಕೆಗಳು ಹೊರ ಬೀಳುತ್ತಿವೆ. ಕೆಲವರು ಚಿತ್ರರಂಗಕ್ಕೆ ಮಾದಕ ವಸ್ತುವಿನ ನಂಟಿಲ್ಲವೆಂದರೆ, ಚಿತ್ರರಂಗಕ್ಕೆ ಮಾದಕ ವಸ್ತುವಿನ ನಂಟು ಖಂಡಿತವಾಗಿಯೂ ಇದೆ ಎಂದು ವಾದಿಸುತ್ತಿದ್ದಾರೆ