ನಟ ಬುಲೆಟ್ ಪ್ರಕಾಶ್ ಕೈಯಲ್ಲಿ ಅರಳಿದ ಕಮಲ

ಬುಲೆಟ್ ಪ್ರಕಾಶ್ ಇನ್ಮುಂದೆ ಕೇವಲ ಹಾಸ್ಯ ನಟ ಮಾತ್ರ ಅಲ್ಲ. ಬಿಜೆಪಿ ಪಕ್ಷದ ಭವಿಷ್ಯ ನಾಯಕ ಮತ್ತು ಕಮಲ ಪಾಳಯದ ಕಾರ್ಯಕರ್ತ.

ಹೌದು, ನಟ ಬುಲೆಟ್ ಪ್ರಕಾಶ್ ರಾಜಕೀಯಕ್ಕೆ ಧುಮುಕಿದ್ದಾರೆ. ಇಂದು (ಜೂನ್ 18) ಬೆಂಗಳೂರಿನ ಬಿಜೆಪಿ ರಾಜ್ಯ ಘಟಕದ ಕಛೇರಿಯಲ್ಲಿ ಆರ್.ಅಶೋಕ್ ಸಮ್ಮುಖದಲ್ಲಿ ಅಧಿಕೃತವಾಗಿ ಬಿಜೆಪಿ ಪಕ್ಷಕ್ಕೆ ಬುಲೆಟ್ ಪ್ರಕಾಶ್ ಸೇರ್ಪಡೆಯಾದರು. [ರಾಜಕೀಯ ರಂಗಕ್ಕೆ ಹಾಸ್ಯ ನಟ ಬುಲೆಟ್ ಪ್ರಕಾಶ್]

ಪ್ರಧಾನಿ ನರೇಂದ್ರ ಮೋದಿ ಅವರ ಕಾರ್ಯ ವೈಖರಿ ಕಂಡು ರಾಜಕೀಯಕ್ಕೆ ಬರುವ ಮನಸ್ಸು ಮಾಡಿದರಂತೆ ನಟ ಬುಲೆಟ್ ಪ್ರಕಾಶ್. ಹಾಗ್ನೋಡಿದರೆ, ಬುಲೆಟ್ ಪ್ರಕಾಶ್ ಗೂ ಬಿಜೆಪಿ ಪಕ್ಷಕ್ಕೂ ವರ್ಷಗಳಿಂದಲೂ ನಂಟಿದೆ. ಬುಲೆಟ್ ಪ್ರಕಾಶ್ ತಾಯಿ ಕೂಡ ಬಿಜೆಪಿ ಪಕ್ಷದ ಕಾರ್ಯಕರ್ತೆ. [ಸಾವನ್ನ ಗೆದ್ದು ಬಂದು ಗಳಗಳನೆ ಅತ್ತ ಬುಲೆಟ್ ಪ್ರಕಾಶ್]

ನಟ ಆಗಿರುವ ಕಾರಣದಿಂದ ಯಾವುದೇ ಹುದ್ದೆಯ ಆಕಾಂಕ್ಷೆ ಹೊತ್ತು ರಾಜಕೀಯಕ್ಕೆ ಬಂದಿಲ್ಲ. ಪಕ್ಷ ಯಾವುದೇ ಜವಾಬ್ದಾರಿ ನೀಡಿದರೂ, ನಿಭಾಯಿಸಲು ಸಿದ್ಧ ಅಂತ ಬುಲೆಟ್ ಪ್ರಕಾಶ್ ಹೇಳಿದರು.