ನಿಖಿಲ್ ಕಲ್ಯಾಣ: ನಿಶ್ಚಿತಾರ್ಥದ ದಿನಾಂಕ ನಿಗದಿ ಮಾಡಿದ ಕುಟುಂಬ

ಫೆಬ್ರವರಿ 10ಕ್ಕೆ ನಿಶ್ಚಿತಾರ್ಥ

ಫೆಬ್ರವರಿ 10 ರಂದು ನಿಖಿಲ್ ಹಾಗೂ ರೇವತಿ ನಿಶ್ಚಿತಾರ್ಥ ನಡೆಯಲಿದೆ. ಇಂದು (ಜನವರಿ 30) ಎಂಗೇಜ್ ಮೆಂಟ್ ದಿನಾಂಕವನ್ನು ಕುಟುಂಬ ನಿರ್ಧಾರ ಮಾಡಿದೆ. ನಿಶ್ಚಿತಾರ್ಥ ಬೆಂಗಳೂರಿನಲ್ಲಿಯೇ ನಡೆಯುವ ಸಾಧ್ಯತೆ ಹೆಚ್ಚಿದೆ. ಆದರೆ, ಇನ್ನು ಸ್ಥಳದ ಬಗ್ಗೆ ಅಧಿಕೃತ ಮಾಹಿತಿ ಸಿಕ್ಕಿಲ್ಲ.

ಏಪ್ರಿಲ್ ಗೆ ಮದುವೆ

ನಿಶ್ಚಿತಾರ್ಥದ ಎರಡು ತಿಂಗಳ ನಂತರ ಮದುವೆ ಕಾರ್ಯಕ್ರಮ ನಡೆಯಲಿದೆ. ಏಪ್ರಿಲ್ ನಲ್ಲಿ ನಿಖಿಲ್ ಕಲ್ಯಾಣೋತ್ಸವ ಜರುಗಲಿದೆ ಎನ್ನುವ ಸುದ್ದಿ ಇದೆ. ಆದರೆ, ಈ ಬಗ್ಗೆ ಕುಟುಂಬ ಮೂಲಗಳು ತಿಳಿಸಿಲ್ಲ. ಆದರೆ, ಮದುವೆ ಬಗ್ಗೆ ಮಾತನಾಡಿದ ನಿಖಿಲ್ ತಂದೆಯ ಕನಸಿನಂತೆ ಮದುವೆ ನಡೆಯಲಿದೆ ಎಂದಿದ್ದಾರೆ.

ರೇವತಿ ಜೊತೆ ನಿಖಿಲ್ ಮಾತು

ನಿನ್ನೆ ಮೊದಲ ಬಾರಿಗೆ ರೇವತಿ ಜೊತೆಗೆ ನಿಖಿಲ್ ಮಾತನಾಡಿದ್ದಾರಂತೆ. ಒಂದು ಗಂಟೆಗಳ ಕಾಲ ಭಾವಿ ಪತ್ನಿ ಜೊತೆ ಯುವರಾಜ ಕುಮಾರ ಮಾತನಾಡಿದ್ದಾರೆ. 'ಜಾಗ್ವರ್' ಹಾಗೂ 'ಸೀತಾರಾಮ ಕಲ್ಯಾಣ' ಸಿನಿಮಾಗಳನ್ನು ಚಿತ್ರಮಂದಿರದಲ್ಲೇ ನೋಡಿದ್ದೆ ಎಂದು ರೇವತಿ ಹೇಳಿದಾಗ ನಿಖಿಲ್ ಗೆ ಆಶ್ಚರ್ಯದ ಜೊತೆಗೆ ಖುಷಿ ಆಯಿತಂತೆ.

ರೇವತಿ ಬಗ್ಗೆ

ವಧು ರೇವತಿ ವಿಜಯನಗರ ಕ್ಷೇತ್ರದ ಕಾಂಗ್ರೆಸ್ ಶಾಸಕ ಕೃಷ್ಣಪ್ಪ ಅವರ ಸಹೋದರನ ಪುತ್ರ. ಮಂಜುನಾಥ್ ಎನ್ನುವವರ ಮೊದಲ ಮಗಳು. ಎಂ.ಸಿ.ಎ ಓದಿರುವ ರೇವತಿ ಚಲನಚಿತ್ರ ರಂಗ ಮತ್ತು ರಾಜಕೀಯ ರಂಗದಿಂದ ದೂರ ಉಳಿದಿದ್ದಾರೆ. ರೇವತಿ ತುಂಬ ಸೂಕ್ಷ್ಮ ಹುಡುಗಿ ಎಂದು ನಿಖಿಲ್ ಹೇಳಿದ್ದಾರೆ.