ನಲಪಾಡ್ ಜೊತೆ ಸೇರಿ ವಿಕ್ಟೋರಿಯಾ ಆಸ್ಪತ್ರೆ ಸಿಬ್ಬಂದಿಗೆ ಭರ್ಜರಿ ಊಟ ಹಾಕಿಸಿದ ರಾಗಿಣಿ

ಸಸ್ಯಹಾರ, ಮಾಂಸಾಹಾರ ನೀಡಿದ ರಾಗಿಣಿ

ಇಂದು ಮಧ್ಯಾಹ್ನ ರಾಗಿಣಿ ಅವರು, ವಿಕ್ಟೋರಿಯಾ ಆಸ್ಪತ್ರೆ ಸಿಬ್ಬಂದಿಗೆ ಸಸ್ಯಾಹಾರ ಮತ್ತು ಮಾಂಸಾಹಾರ ಊಟವನ್ನು ನೀಡಿದ್ದಾರೆ. ತಮ್ಮ ತಂಡದೊಂದಿಗೆ ಆಸ್ಪತ್ರೆಗೆ ಭೇಟಿ ನೀಡಿ, ಹೊರಗೆ ನಿಂತು ಆಹಾರವನ್ನು ಆಸ್ಪತ್ರೆ ಸಿಬ್ಬಂದಿಗೆ ಹಸ್ತಾಂತರ ಮಾಡಿದ್ದಾರೆ.

ವೈದ್ಯ, ಡಯಟೀಶಿಯನ್ ಸಲಹೆ ಪಡೆದ ರಾಗಿಣಿ

ಈ ಆಹಾರವನ್ನು ರಾಗಿಣಿ ಅವರು ವೈದ್ಯ ಸತೀಶ್ ಮತ್ತು ಡೈಯಟೀಶಿಯನ್ ದೀಪ್ತಿ ಅವರ ಸಲಹೆ ಪಡೆದು ತಯಾರು ಮಾಡಿಸಿದ್ದಾರಂತೆ. ಸಿಬ್ಬಂದಿಗಳಿಗೆ ಭಿನ್ನ ರೀತಿಯ ಆಹಾರದ ಅವಶ್ಯಕತೆ ಈ ಸಮಯದಲ್ಲಿರುವ ಕಾರಣ ಡೈಟೀಶಿಯನ್ ಮತ್ತು ವೈದ್ಯರ ಸಲಹೆ ಪಡೆಯಲಾಗಿದೆ.

ನಲಪಾಡ್ ಅನ್ನು ನಿಜವಾದ ಹೀರೋ ಅಂದ ರಾಗಿಣಿ

ಚಿತ್ರಗಳನ್ನು, ವಿಡಿಯೋವನ್ನು ಇನ್‌ಸ್ಟಾಗ್ರಾಂ ನಲ್ಲಿ ಹಂಚಿಕೊಂಡಿರುವ ರಾಗಿಣಿ, ನಲಪಾಡ್ ಅವರಿಗೂ ಧನ್ಯವಾದ ತಿಳಿಸಿದ್ದಾರೆ. ಅವರನ್ನು ನಿಜವಾದ ಹೀರೋ ಎಂದು ಹೊಗಳಿದ್ದಾರೆ. ವಿದ್ವತ್ ಮೇಲೆ ಹಲ್ಲೆ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಮ್‌.ಎಚ್.ನಲಪಾಡ್ ಜೈಲುಪಾಲಾಗಿದ್ದರು. ಅವರೀಗ ಜಾಮೀನಿನ ಮೇಲೆ ಹೊರಗಿದ್ದಾರೆ.

ಹಲವು ಸಾಮಾಜಿಕ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದಾರೆ

ಕೊರೊನಾ ಸಂಕಷ್ಟದ ಸಮಯದಲ್ಲಿ ರಾಗಿಣಿ ಅವರು ಸಾಕಷ್ಟು ಉತ್ತಮ ಕೆಲಸಗಳನ್ನು ಮಾಡುತ್ತಿದ್ದು, ಉಚಿತ ಮಾಸ್ಕ್, ಗ್ಲೌಸ್ ವಿತರಣೆ, ಉಚಿತ ಊಟ ವಿತರಣೆ, ದಿನಸಿ ವಿತರಣೆ, ನಾಯಿಗಳಿಗೆ ಆಹಾರ ಹೀಗೆ ಹಲವು ಕಾರ್ಯಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ.