ಬೊಂಡಾ ತಿಂದು ಹೊಟ್ಟೆ ತುಂಬಿಸಿಕೊಳ್ಳುತ್ತಿದ್ದ ದಿನಗಳ ನೆನೆಸಿದ ಸಂಚಾರಿ ವಿಜಯ್

ಕಲಾವಿದರು-ತಂತ್ರಜ್ಞರಿಗೆ ಕೊಡಲು ಹಣವಿರಲಿಲ್ಲ

ಹರಿವು ಸಿನಿಮಾ ತೆಗೆಯಬೇಕಾದರೆ, ದಿನದ ಶೂಟಿಂಗ್ ಮುಗಿದರೆ ಭಯವಾಗುತ್ತಿತ್ತಂತೆ, ಕಾರಣ ಎಲ್ಲರಿಗೂ ಪೇಮೆಂಟ್ ಮಾಡಬೇಕಲ್ಲ. ಮಂಸೋರೆ, ಸಂಚಾರಿ ವಿಜಯ್ ಹಾಗೂ ಗೆಳೆಯರ ಬಳಿ ಹಣವೇ ಇರುತ್ತಿರಲಿಲ್ಲವಂತೆ. ಹೇಗಾದರೂ ಮಾಡಿ ದಿನ ನೂಕಿ, ನಾಳೆ ಎಲ್ಲಿಂದಾದರೂ ಹಣ ಹುಟ್ಟಬಹುದೇನೋ ಎಂಬ ನಿರೀಕ್ಷೆಯಲ್ಲಿ ಕಾಯುತ್ತಿದ್ದರಂತೆ.

ಎಗ್‌ಬೋಂಡಾ ತಿಂದು ಹಸಿವು ನೀಗಿಸಿಕೊಳ್ಳುತ್ತಿದ್ದರು

ಹಣವಿಲ್ಲದೆ ಸಿನಿಮಾ ನಿಂತುಹೋದಾಗ, ರಾಮಸ್ವಾಮಿ ಮತ್ತು ನವೀನ್ ಪಾಟೀಲ ಹಾಗೂ ಗೆಳೆಯರ ಒತ್ತಾಸೆಯಿಂದ ಸಿನಿಮಾ ಮತ್ತೆ ಶುರುವಾಗಿ ಹಾಗೋ-ಹೀಗೋ ಹಣ ಹೊಂದಿಸಿ ಚಿತ್ರೀಕರಣ ಮುಗಿಸಿದ್ದರು ಮಂಸೋರೆ, ಸಂಚಾರಿ ವಿಜಯ್ ಹಾಗೂ ತಂಡ. ಪ್ಯಾಕ್‌ಅಪ್ ಆದ ನಂತರ ಎರಡೆರಡು ಎಗ್‌ಬೋಂಡಾ ತಿಂದು ಹಸಿವು ನೀಗಿಸಿಕೊಳ್ಳುತ್ತಿದ್ದರಂತೆ ವಿಜಯ್, ಮಂಸೋರೆ.

ಯೂಟ್ಯೂಬ್‌ನಲ್ಲಿ ಸಾಕಷ್ಟು ಜನ ನೋಡಿದ್ದಾರೆ

ಸಿನಿಮಾವನ್ನು ಚಿತ್ರಮಂದಿರದಲ್ಲಿ ಬಿಡುಗಡೆ ಮಾಡಲು ವಿತರಕರು ಒಪ್ಪದೇ ಇದ್ದಾಗ ಫಿಲ್ಮ್‌ಫೆಸ್ಟ್‌ಗಳಲ್ಲಿ ಬಿಡುಗಡೆ ಮಾಡಿ ಖುಷಿ ಪಟ್ಟ ತಂಡ ನಂತರ ಅದನ್ನು ಯೂಟ್ಯೂಬ್‌ಗೆ ಹಾಕಿ ಸುಮ್ಮನಾಗಿದೆ. ಯೂಟ್ಯೂಬ್‌ನಲ್ಲಿ ಇಷ್ಟು ವರ್ಷವಾದರೂ ಸಿನಿಮಾವನ್ನು ಜನ ನೋಡುತ್ತಲೇ ಇದ್ದಾರೆ. 'ಚಿತ್ರಮಂದಿರದಲ್ಲಿ ಬಿಡುಗಡೆ ಮಾಡಿದ್ದರೆ ಒಂದು ವರ್ಷ ಓಡಿರುತ್ತಿತ್ತು' ಎಂದು ಮಾತನಾಡಿಕೊಳ್ಳುತ್ತಾರಂತೆ ವಿಜಯ್ ಹಾಗೂ ಗೆಳೆಯರು.

Recommended Video

6 ತಿಂಗಳು ಲಾಕ್ ಡೌನ್ ನಲ್ಲಿ ಶಿವಣ್ಣ ಏನ್ ಮಾಡಿದ್ರು ಗೊತ್ತಾ? | Shivanna | Filmibeat Kannada

ನೂರಾರು ಚಿತ್ರಮಂದಿರಗಳಲ್ಲಿ ಬಿಡುಗಡೆ

ಹರವು ಸಿನಿಮಾ ಬಿಡುಗಡೆ ಮಾಡಲು ಒಂದೂ ಚಿತ್ರಮಂದಿರ ಸಿಕ್ಕಿರಲಿಲ್ಲ, ಆದರೆ ಈಗ ಅದೇ ಮಂಸೋರೆಯ ಆಕ್ಟ್-1978 ಸಿನಿಮಾ ನೂರಾರು ಚಿತ್ರಮಂದಿರಗಳಲ್ಲಿ ಏಕಕಾಲಕ್ಕೆ ಬಿಡುಗಡೆ ಆಗಿದೆ. ಹರಿವು ಸಿನಿಮಾದಿಂದಲೂ ಅದೇ ಶ್ರಮ, ಕಮಿಟ್‌ಮೆಂಟ್‌ ಅನ್ನು ಮುಂದುವರೆಸಿಕೊಂಡು ಬರುತ್ತಿರುವ ಮಂಸೋರೆಗೆ ಶಹಭಾಸ್ ಅಂದಿದ್ದಾರೆ ಸಂಚಾರಿ ವಿಜಯ್.