Vedha Twitter Review : ಬೆಳ್ಳಂಬೆಳಿಗ್ಗೆ 'ವೇದ' ನೋಡಿ ಪ್ರೇಕ್ಷಕ ಏನಂದ?

'ಸಿನಿಮಾದ ಮೊದಲಾರ್ಧವಂತೂ ಅತ್ಯದ್ಭುತ'

''ವೇದ' ಸಿನಿಮಾದ ಮೊದಲಾರ್ಧವಂತೂ ಅತ್ಯದ್ಭುತ. ಭರ್ಜರಿ ಆಕ್ಷನ್ ಹಾಗೂ ಮಾಸ್ ಎಲಿಮೆಂಟ್ ತುಂಬಿದ ಮೊದಲಾರ್ಧ 'ವೇದ' ಸಿನಿಮಾದ್ದು. ಶಿವಣ್ಣ ಹಾಗೂ ಅದಿತಿ ಸಾಗರ್ ಅಭಿನಯ ವಾರೆವಾಹ್ ಎನ್ನುವಂತಿದೆ. ಹಿನ್ನೆಲೆ ಸಂಗೀತ, ಕ್ಯಾಮೆರಾ ಕೆಲಸ ಹಾಗೂ ಆಕ್ಷನ್ ಅತ್ಯುತ್ತಮ. ಸಿನಿಮಾದಲ್ಲಿ ಕೆಲವು ದೃಶ್ಯಗಳಂತೂ ರೋಮಾಂಚನಕಾರಿ'' ಎಂದಿದ್ದಾರೆ ಯಶವಂತ್ ರಾವ್.

ಅಪ್ಪುಗೆ ವಿಶೇಷ ಗೌರವ

'ವೇದ' ಸಿನಿಮಾದ ಆರಂಭದಲ್ಲಿ ಪುನೀತ್ ರಾಜ್‌ಕುಮಾರ್ ಅವರಿಗೆ ವಿಶೇಷ ಗೌರವವನ್ನು ಸಲ್ಲಿಸಲಾಗಿದೆ. ಅಪ್ಪು ಅವರ ಹಲವು ದೃಶ್ಯಗಳ ತುಣುಕುಗಳನ್ನು ತೋರಿಸಿರುವ ಜೊತೆಗೆ, 'ಸಲಗ' ಸಿನಿಮಾದ ಕಾರ್ಯಕ್ರಮದಲ್ಲಿ ಶಿವಣ್ಣ ಹಾಗೂ ಅಪ್ಪು ಪರಸ್ಪರರ ಬಗ್ಗೆ ಮಾತನಾಡಿರುವ ತುಣುಕನ್ನು ಪ್ರಸಾರ ಮಾಡಲಾಗಿದೆ. ಈ ದೃಶ್ಯವನ್ನು ಹಲವರು ತಮ್ಮ ಟ್ವಿಟ್ಟರ್‌ ಖಾತೆಗಳಲ್ಲಿ ಹಾಕಿಕೊಂಡಿದ್ದಾರೆ. ಅಪ್ಪುಗೆ ಬಹಳ ಒಳ್ಳೆಯ ಗೌರವನ್ನು ಚಿತ್ರತಂಡ ನೀಡಿದ್ದಾರೆ ಎಂದು ಹಲವರು ಹೇಳಿದ್ದಾರೆ.

ಮೊದಲಾರ್ಧ ಸೂಪರ್

ಫರ್ಸ್‌ ಹಾಫ್ ಅದ್ಭುತವಾಗಿದೆ. ಇಂಟರ್ವೆಲ್ ಟ್ವಿಸ್ಟ್‌ ಸಹ ಚಿಂದಿಯಾಗಿದೆ. ಶಿವಣ್ಣನ ಎಂಟ್ರಿ ಸೀನ್, ಜುಂಜಪ್ಪ ಹಾಡು, ಆಕ್ಷನ್ ದೃಶ್ಯಗಳು, ಕಾಮಿಡಿ ದೃಶ್ಯಗಳು 'ವೇದ' ಸಿನಿಮಾದ ಮೊದಲಾರ್ಧದ ಹೈಲೈಟ್‌ಗಳು ಎಂದು ಮತ್ತೊಂದು ಸಿನಿಮಾ ಪ್ರೇಮಿ ಪೋಸ್ಟ್ ಮಾಡಿದ್ದಾರೆ.

ಹಬ್ಬ ಮಾಡಿರುವ ಅಭಿಮಾನಿಗಳು

ಹಲವಾರು ಕಡೆಗಳಲ್ಲಿ ಬೆಳ್ಳಂಬೆಳಿಗ್ಗೆ 4 ಗಂಟೆ, 5 ಗಂಟೆ ಶೋಗಳನ್ನು ಹಾಕಲಾಗಿದೆ. ಹಲವು ಕಡೆಗಳಲ್ಲಿ ಚಿತ್ರಮಂದಿರಗಳ ಮುಂದೆ ಶಿವಣ್ಣನ ಅಭಿಮಾನಿಗಳು ಕುಣಿಯುತ್ತಾ, ಅಬ್ಬರ ಮಾಡುತ್ತಾ ಶಿವಣ್ಣನ ಸಿನಿಮಾವನ್ನು ಸ್ವಾಗತಿಸಿದ್ದಾರೆ. ಹಲವು ಚಿತ್ರಮಂದಿರಗಳ ಮುಂದೆ ಡೊಳ್ಳು ಕುಣಿತ, ಪೂಜಾ ಕುಣಿತಗಳನ್ನು ಆಯೋಜಿಸಲಾಗಿದೆ. ಥಿಯೇಟರ್ ಒಳಗೂ ಸಹ ಶಿವಣ್ಣನ ಎಂಟ್ರಿ ಸೀನ್‌ಗೆ, ಆಕ್ಷನ್‌ ಸೀನ್‌ಗೆ ಅಭಿಮಾನಿಗಳು ಹೂವುಗಳನ್ನು ಎರಚಿ ಹಬ್ಬವನ್ನೇ ಮಾಡಿದ್ದಾರೆ.

'ಮಹಿಳೆಯರಿಗೆ ಅದ್ಭುತ ಸಂದೇಶ'

''ಮಹಿಳೆಯರಿಗೆ ಅದ್ಭುತ ಸಂದೇಶವನ್ನು 'ವೇದ' ಸಿನಿಮಾ ಮೂಲಕ ನೀಡಿದ್ದಾರೆ. ನೋಡಲೇ ಬೇಕಾದ ಸಿನಿಮಾ 'ವೇದ'. ಶಿವರಾಜ್ ಕುಮಾರ್, ಅದಿತಿ ಸಾಗರ್ ಹಾಗೂ ಗಾನವಿ ನಟನೆ ಅತ್ಯದ್ಭುತವಾಗಿದೆ. ಆಕ್ಷನ್ ದೃಶ್ಯಗಳನ್ನು ಅತ್ಯದ್ಭುತವಾಗಿ ಚಿತ್ರೀಕರಿಸಲಾಗಿದೆ. ಹಿನ್ನೆಲೆ ಸಂಗೀತ ಹಾಗೂ ಕ್ಯಾಮೆರಾ ಕೆಲಸವೂ ಸೂಪರ್ ಆಗಿದೆ'' ಎಂದು ಶಿವಸೈನ್ಯ ಟ್ವೀಟ್ ಮಾಡಿದೆ.