ಸಹನಟಿಯ ಸೌಂದರ್ಯವನ್ನು ಮನಸಾರೆ ಹೊಗಳಿದ ಸಮಂತಾ

ತೆಲುಗು-ತಮಿಳಿನಲ್ಲಿ ಮಿಂಚುತ್ತಿರುವ ನಟಿ

ರಾಕುಲ್ ಪ್ರೀತ್ ಸಿಂಗ್ ಇತ್ತೀಚೆಗೆ ತೆಲುಗು-ತಮಿಳಿನಲ್ಲಿ ಮಿಂಚುತ್ತಿರುವ ನಟಿ. ಸಮಂತಾ ಮತ್ತು ರಾಕುಲ್ ಪ್ರೀತ್ ಸಿಂಗ್ ಬಹುತೇಕ ಒಂದೇ ಸಮಯದಲ್ಲಿ ತೆಲುಗು ಚಿತ್ರರಂಗ ಪ್ರವೇಶ ಮಾಡಿದರು. ಆಗಿನಿಂದಲೂ ಇಬ್ಬರೂ ಒಳ್ಳೆಯ ಗೆಳೆಯರು.

ಸಮಂತಾ ಕಮೆಂಟ್ ಏನು?

ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿರುವ ರಾಕುಲ್ ಪ್ರೀತ್‌ ಸಿಂಗ್. ತಮ್ಮ ಸುಂದರ ಚಿತ್ರವೊಂದನ್ನು ಇನ್‌ಸ್ಟಾಗ್ರಾಂ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಸಮಂತಾ, 'ಎಂಥಹಾ ಸೌಂದರ್ಯ' ಎಂದು ಹೊಗಳಿದ್ದಾರೆ.

ಕಾಜಲ್ ಅಗರ್ವಾಲ್ ಸಹ ಹೊಗಳಿದ್ದಾರೆ

ಸಮಂತಾ ಹೊಗಳಿಕೆಯಿಂದ ಖುಷಿಯಾದ ರಾಕುಲ್ ಪ್ರೀತ್ ಸಿಂಗ್, 'ನೀನು ಸೌಂದರ್ಯವತಿ' ಎಂದು ಪ್ರತಿಕ್ರಿಯಿಸಿದ್ದಾರೆ. ಸಮಂತಾ ಮಾತ್ರವಲ್ಲದೆ, ಕಾಜಲ್ ಅಗರ್ವಾಲ್ ಸಹ ರಾಕುಲ್ ಸೌಂದರ್ಯಕ್ಕೆ ಮಾರುಹೋಗಿದ್ದು, 'ಅದ್ಭುತವಾಗಿ ಕಾಣುತ್ತಿದ್ದಿ' ಎಂಬರ್ಥ ಬರುವಂತೆ ಕಮೆಂಟ್ ಮಾಡಿದ್ದಾರೆ.

ಹಲವು ಸಿನಿಮಾಗಳಲ್ಲಿ ರಾಕುಲ್ ಬ್ಯುಸಿ

ತಮಿಳು, ತೆಲುಗು ಚಿತ್ರರಂಗದಲ್ಲಿ ಬ್ಯುಸಿಯಾಗಿರುವ ರಾಕುಲ್ ಪ್ರೀತ್ ನ ಮೊದಲ ಸಿನಿಮಾ ಕನ್ನಡ. ಕಮಲ್ ಹಾಸನ್ ನಟನೆಯ ಇಂಡಿಯನ್ 2, ಹಿಂದಿಯ ಅಟ್ಯಾಕ್, ಚಲೇ ಚಲೋ, ಥ್ಯಾಂಕ್ ಗಾಡ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ.