2021 ರಲ್ಲಿ ಬಾಕ್ಸಾಫೀಸಿನಲ್ಲಿ ಹಿಟ್ ಆದ ಕನ್ನಡ ಚಲನಚಿತ್ರಗಳು

ನಂದ ಕೀಶೋರ್ ನಿರ್ದೇಶನದಲ್ಲಿ ಮೂಡಿಬಂದ ಪೊಗರು ಚಿತ್ರ ಈ ವರ್ಷದ ಮೊದಲ ಬಾಕ್ಸಾಫೀಸ್  ಹಿಟ್ ಚಿತ್ರ ಎನ್ನಬಹುದು. ಆದರೆ ಚಿತ್ರದಲ್ಲಿ ಸತತವಾಗಿ  ಬರುವ ಅಬ್ಬರದ ಡೈಲಾಗುಗಳು ಚಿತ್ರದ ಸ್ವಾದವನ್ನು ಕಡಿಮೆ ಮಾಡಿದವು.ಧ್ರುವ ಸರ್ಜಾರ ವಿಭಿನ್ನ ಗೆಟಪ್ ಮತ್ತು ಅಭಿನಯ ಪ್ರೇಕ್ಷಕರನ್ನು ಚಿತ್ರಮಂದಿರಗಳ ಕಡೆ ಸೆಳೆಯಿತು. ಡಾಲಿ ಧನಂಜಯ್, ರಶ್ಮಿಕಾ ಮಂದಣ್ಣ, ಮಯೂರಿ ಸೇರಿದಂತೆ ಖ್ಯಾತ ತಾರಾಗಣವನ್ನು ಈ ಚಿತ್ರ ಹೊಂದಿತ್ತು.

ಇದು ಚಾಲೆಂಜಿಂಗ್ ಸ್ಟಾರ್ ದರ್ಶನ್ ರವರ 53 ನೇ ಚಿತ್ರವಾಗಿದ್ದು ಚೌಕ ಖ್ಯಾತಿಯ ನಿರ್ದೇಶಕ ತರುಣ ಸುಧೀರ್ ನಿರ್ದೇಶಿಸಿದ್ದರು. ಅರ್ಜುನ ಜನ್ಯ ಚಿತ್ರಕ್ಕೆ ಸಂಗೀತ ನೀಡಿದ್ದರೆ  , ನಾಯಕಿಯಾಗಿ ಮಾಡೆಲ್ ಕಮ್ ನಟಿ ಆಶಾ ಭಟ್ ನಟಿಸಿದ್ದರು. ಎರಡು ವಿಭಿನ್ನ ಶೇಡ್ ಗಳಲ್ಲಿ ನಟಿಸಿದ್ದ ದರ್ಶನ್ ಅಭಿನಯ ಪ್ರೇಕ್ಷಕರ ಗಮನ ಸೆಳೆಯಿತು. ವಿನೋದ್ ಪ್ರಭಾಕರ್ ಅಭಿನಯ ಕೂಡ ಗಮನ ಸೆಳೆಯಿತು.

ರಾಜಕುಮಾರ ಚಿತ್ರದ ನಂತರ ಮತ್ತೊಮ್ಮೆ ಹಿಟ್ ಕಾಂಬಿನೇಶನ್ ಪುನೀತ್ ರಾಜಕುಮಾರ್, ಸಂತೋಷ್ ಆನಂದರಾಮ್ ಮತ್ತು ವಿಜಯ ಕಿರಗಂದೂರು ಒಂದುಗೂಡಿದ್ದರು. `ಅಭಿ' ಚಿತ್ರದ ನಂತರ ಪುನೀತ್ ಈ ಚಿತ್ರದಲ್ಲಿ ಕಾಲೇಜು ಯುವಕನಾಗಿ ಕಾಣಿಸಿಕೊಂಡಿದ್ದರು.  ಚಿತ್ರ ಬಿಡುಗಡೆಯಾಗಿ ಅದ್ಭುತ ಪ್ರದರ್ಶನ ಕಾಣುತ್ತಿರುವಾಗಲೇ ಲಾಕ್ ಡೌನ್ ಕಾರಣ ಓಟಿಟಿಯಲ್ಲಿ ಬಿಡುಗಡೆಯಾಗಿ ಅಲ್ಲಿಯೂ ಒಳ್ಳೆಯ ಪ್ರತಿಕ್ರಿಯೆ ಪಡೆಯಿತು. 

`ಸಲಗ' ಚಿತ್ರದಲ್ಲಿ   ದುನಿಯಾ ವಿಜಯ್ ನಾಯಕ ನಟನಾಗಿ ಅಭಿನಯಿಸುವುದರ ಜೊತೆಗೆ ಮೊದಲ ಬಾರಿಗೆ ನಿರ್ದೇಶಕನ ಕ್ಯಾಪ್ ತೊಟ್ಟರು. ಭೂಗತ ಲೋಕದ ಸಾಹಸಪ್ರಧಾನ ಕಥೆಯುಳ್ಳ ಈ ಚಿತ್ರದ ಕಥೆಯನ್ನು ದುನಿಯಾ ವಿಜಯ್ ಅವರೇ ಬರೆದಿದ್ದಾರೆ. ಚಿತ್ರಕ್ಕೆ ಟಗರು ನಿರ್ಮಾಪಕ ಕೆ.ಪಿ.ಶ್ರೀಕಾಂತ್ ಬಂಡವಾಳ ಹೂಡಿದ್ದಾರೆ. ತಮ್ಮ ಮೊದಲ ಪ್ರಯತ್ನದಲ್ಲಿಯೇ ದುನಿಯಾ ವಿಜಯ್ ಯಶಸ್ಸು ಪಡೆದರು. 

ಶಿವಣ್ಣ ಮತ್ತು ಹರ್ಷ ಕಾಂಬಿನೇಶನ್ ನಲ್ಲಿ ಮೂಡಿಬಂದ ಈ ಚಿತ್ರ ಅದ್ಭುತ ಗ್ರಾಫಿಕ್ಸ್ ಹೊಂದಿತ್ತು. ತೆರೆಕಂಡ ಮೊದಲ ದಿನ ಉತ್ತಮ ಪ್ರತಿಕ್ರಿಯೆ ಪಡೆಯುತ್ತಿದ್ದ ಈ ಚಿತ್ರ ಪುನೀತ್ ರ ಅಕಾಲಿಕ ನಿಧನದಿಂದ ಸ್ವಲ್ಪ ಹಿನ್ನಡೆ ಅನುಭವಿಸಿ ನಂತರ ಮತ್ತೆ ಅದ್ಭುತ ಪ್ರದರ್ಶನ ಕಂಡಿತು. 

ರಿಷಭ್ ಶೆಟ್ಟಿ ಮತ್ತು ರಾಜ್ ಬಿ ಶೆಟ್ಟಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರ ಹರಿ ಮತ್ತು ಹರರ ಗುಣ ಲಕ್ಷಣದ ಸಂಕೇತವಾಗಿ ತೆರೆಕಂಡಿತು. ರಾಜ್ ಶೆಟ್ಟಿ ಶಿವನ ಕ್ರೋಧದ ಸಂಕೇತದಂತೆ ಕಂಡು ಬಂದರೆ, ರಿಷಭ್ ಶೆಟ್ಟಿ ವಿಷ್ಣುವಿನ ಸಂಯಮ ಶಕ್ತಿಯಂತೆ ನಟಿಸಿದರು. ಚಿತ್ರಕ್ಕೆ ಸಾಕಷ್ಟು ಮೆಚ್ಚುಗೆ ಸಿಕ್ಕಿತು.

ಪ್ರಜ್ವಲ್ ದೇವರಾಜ್ ಮತ್ತು ಭಾವನಾ ಮುಖ್ಯ ಪಾತ್ರಗಳಲ್ಲಿ ನಟಿಸಿರುವ `ಇನ್ಸ್‌ಪೆಕ್ಟರ್ ವಿಕ್ರಂ' ಚಿತ್ರವನ್ನು ಶ್ರೀ ನರಸಿಂಹ ನಿರ್ದೇಶನ ಮಾಡಿದ್ದಾರೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ನಟಿಸಿದ್ದರು.