'ಬಿಗ್ ಬಾಸ್ ಕನ್ನಡ-5': ಮನೆಯಿಂದ ಹೊರಬಂದ 'ಡೆವಿಲ್' ಮೇಘ

ಕಮ್ಮಿ ವೋಟ್ ಬಿದ್ದಿದ್ರಿಂದ...

ಇತರೆ ಸ್ಪರ್ಧಿಗಳಿಗೆ ಹೋಲಿಸಿದರೆ, ಕೊಡಗಿನ ಶನಿವಾರಸಂತೆಯ ಹುಡುಗಿ ಮೇಘಗೆ ಕಮ್ಮಿ ವೋಟುಗಳು ಬಿದ್ದಿದ್ರಿಂದ ಆಕೆ 'ಬಿಗ್ ಬಾಸ್ ಕನ್ನಡ-5' ಕಾರ್ಯಕ್ರಮದಿಂದ ಎಲಿಮಿನೇಟ್ ಆಗಿದ್ದಾರೆ.

ಎಂಟು ಮಂದಿ ನಾಮಿನೇಟ್ ಆಗಿದ್ದರು.!

ದಿವಾಕರ್, ಸಮೀರಾಚಾರ್ಯ, ಕೃಷಿ ತಾಪಂಡ, ರಿಯಾಝ್, ಆಶಿತಾ, ಜಗನ್ನಾಥ್, ದಯಾಳ್ ಪದ್ಮನಾಭನ್ ಹಾಗೂ ಮೇಘ ಕಳೆದ ವಾರ ನಾಮಿನೇಟ್ ಆಗಿದ್ದರು. ಎಂಟು ಮಂದಿ ಪೈಕಿ ಮೇಘಗೆ ಮನೆಯಿಂದ ಹೊರಹೋಗಲು ಗೇಟ್ ಪಾಸ್ ಸಿಕ್ಕಿದೆ.

ಯಾರೆಲ್ಲ ಮೇಘ ಹೆಸರು ತೆಗೆದುಕೊಂಡಿದ್ದರು.?

ಜಗನ್ನಾಥ್, ದಯಾಳ್, ಕೃಷಿ, ಸಿಹಿ ಕಹಿ ಚಂದ್ರು ಹಾಗೂ ತೇಜಸ್ವಿನಿ... ಮೇಘ ರನ್ನ ನಾಮಿನೇಟ್ ಮಾಡಿದ್ದರು.

ಮತ್ತೆ ಕಾಮನ್ ಮ್ಯಾನ್.!

'ಬಿಗ್ ಬಾಸ್ ಕನ್ನಡ-5' ಕಾರ್ಯಕ್ರಮದ ಮೊದಲ ವಾರ 'ಜನಸಾಮಾನ್ಯ'ರಾದ ಸುಮಾ ರಾಜ್ ಕುಮಾರ್ ಔಟ್ ಆಗಿದ್ದರು. ಎರಡನೇ ವಾರ ಕೂಡ ಸೆಲೆಬ್ರಿಟಿ ಅಲ್ಲದ ಮೇಘ ಹೊರಗೆ ಬಂದಿದ್ದಾರೆ. ''ನಮ್ಮ ಮತ ಜನಸಾಮಾನ್ಯರಿಗೆ'' ಅಂತ ವೀಕ್ಷಕರು ಸಾರಿ ಸಾರಿ ಹೇಳಿದರೂ, 'ಬಿಗ್ ಬಾಸ್' ಮನೆಯಿಂದ 'ಕಾಮನ್ ಮ್ಯಾನ್' ಹೊರಗೆ ಬರುತ್ತಿರುವುದು ಮಾತ್ರ ಬೇಸರದ ಸಂಗತಿ.