'ವೀಕೆಂಡ್ ವಿತ್ ರಮೇಶ್'ನಲ್ಲಿ ಹಾಸ್ಯ ನಟ ಚಿಕ್ಕಣ್ಣ

ಅಧ್ಯಕ್ಷರ ನಂತರ ಉಪಾಧ್ಯಕ್ಷ

ಕಳೆದ ವಾರ ನಟ ಶರಣ್ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮಕ್ಕೆ ಬಂದಿದ್ದರು. ಹಾಸ್ಯ ನಟ ನಿಂದ ನಾಯಕ ನಟನಾದ ಶರಣ್ ಕಥೆ ರೋಚಕವಾಗಿತ್ತು. ವಿಶೇಷ ಅಂದರೆ, 'ಅಧ್ಯಕ್ಷ' ಚಿತ್ರದಲ್ಲಿ ಶರಣ್ ಜೊತೆಗೆ ಉಪಾಧ್ಯಕ್ಷನಾಗಿದ್ದ ಚಿಕ್ಕಣ್ಣ ಕಾಣಿಸಿಕೊಂಡಿದ್ದು, ಈ ವಾರದ ಅತಿಥಿ ಅವರೇ ಆಗಿದ್ದಾರೆ. ಅಧ್ಯಕ್ಷರ ಬಳಿಕ ಉಪಾಧ್ಯಕ್ಷರ ದರ್ಬಾರ್ ಶುರುವಾಗಿದೆ.

'ಕಿರಾತಕ' ಚಿತ್ರದಿಂದ ಇಲ್ಲಿಯವರೆಗೆ

ಚಿಕ್ಕಣ್ಣ 'ಕಾಮಿಡಿ ಕಿಲಾಡಿ' ಸೇರಿದಂತೆ ಕೆಲವು ಟಿವಿ ಶೋ ಗಳನ್ನು ಮಾಡಿಕೊಂಡು ಇದ್ದರು. ಒಂದು ಕಾರ್ಯಕ್ರಮದಲ್ಲಿ ಅವರ ನಟನೆಯನ್ನು ನೋಡಿ ನಟ ಯಶ್ 'ಕಿರಾತಕ' ಸಿನಿಮಾಗೆ ಅವಕಾಶ ನೀಡಿದರು. ಅಲ್ಲಿಂದ ಶುರುವಾದ ಚಿಕ್ಕಣ್ಣ ಕೆರಿಯರ್ ನಾನ್ ಸ್ಪಾಪ್ ಆಗಿ ಇಂದಿನವರೆಗೆ ಮುಂದುವರೆಯುತ್ತಲೇ ಇದೆ.

63ಕ್ಕೂ ಚಿತ್ರಗಳಲ್ಲಿ ನಟನೆ

'ಕಿರಾತಕ' ಸಿನಿಮಾದಿಂದ ಶುರುವಾಗಿ 'ಅಮರ್' ಸಿನಿಮಾದ ವರೆಗೆ ಚಿಕ್ಕಣ್ಣ ಜನರನ್ನು ನಗಿಸುತ್ತಿದ್ದಾರೆ. ಈವರೆಗೆ 63ಕ್ಕೂ ಚಿತ್ರಗಳಲ್ಲಿ ನಟನೆ ಮಾಡಿದ್ದಾರೆ. ಈ ಪೈಕಿ 'ಅಧ್ಯಕ್ಷ' 'ರಾಜಾಹುಲಿ', 'ಮಾಸ್ಟರ್ ಪೀಸ್', 'ರಾಜಕುಮಾರ', 'ಚೌಕ' 'ರಾಂಬೋ 2' ಅವರಿಗೆ ದೊಡ್ಡ ಹೆಸರು ತಂದು ಕೊಟ್ಟಿದೆ. ಕನ್ನಡದ ಬಹುತೇಕ ಸ್ಟಾರ್ ಗಳ ಜೊತೆಗೆ ಅವರು ತೆರೆ ಹಂಚಿಕೊಂಡಿದ್ದಾರೆ.

ನಿಮ್ಮ ಅಭಿಪ್ರಾಯ ಏನು?

ಹಾಸ್ಯ ನಟ ಚಿಕ್ಕಣ್ಣ ಈ ವಾರದ 'ವೀಕೆಂಡ್ ವಿತ್ ರಮೇಶ್' ಅತಿಥಿಯಾಗಿದ್ದಾರೆ. ಸಾಧರ ಸೀಟ್ ಮೇಲೆ ಚಿಕ್ಕಣ್ಣ ಕುಳಿತಿದ್ದು, ಇದರ ಬಗ್ಗೆ ನಿಮ್ಮ ಅಭಿಪ್ರಾಯ ಏನು ಎಂಬುದನ್ನು ಕೆಳಗಿನ ಕಾಮೆಂಟ್ಸ್ ಬಾಕ್ಸ್ ಮೂಲಕ ನಮಗೆ ತಿಳಿಸಿ.