'ಹಿಟ್ಲರ್ ಕಲ್ಯಾಣ' ಧಾರಾವಾಹಿಯಲ್ಲಿ ಎಜೆ- ಅಂತರ ಲವ್ ಸ್ಟೋರಿ

ಲೀಲಾಳನ್ನು ಕೊಂದೇ ಬಿಟ್ನಾ ಎಜೆ..?

ಲೀಲಾ ತಕ್ಷಣವೇ ಆ ಅಂಬಾರಿಯನ್ನು ತೆಗೆದುಕೊಂಡು ಮನೆಯಿಂದ ಆಚೆ ಓಡಿ ಬರುತ್ತಾಳೆ. ಗೇಟ್‌ನಿಂದ ಹೊರಗೆ ಅಂಬಾರಿಯನ್ನು ಬಿಸಾಡುತ್ತಾಳೆ. ಇದನ್ನು ನೋಡುವ ಎಜೆ ಗಾಬರಿಯಾಗಿ ಓಡಿ ಬರುತ್ತಾನೆ. ಅಂಬಾರಿ ಬಳಿ ಹೋಗಿ ಅಂತರಾ ಎಂದು ಅಳುತ್ತಾನೆ. ಬಳಿಕ ಲೀಲಾ ಕುತ್ತಿಗೆಗೆ ಕೈ ಹಾಕಿ ಸಾಯಿಸಲು ಮುಂದಾಗುತ್ತಾನೆ. ಯಾರೂ ನನ್ನನ್ನು ತಡೆಯಬೇಡಿ. ನೀನು ನನ್ನ ಅಂತರಾಳನ್ನು ಸಾಯಿಸಿಬಿಟ್ಟೆಯಾ.? ಯಾಕೆ ನನ್ನ ಅಂತರಾನ ಸಾಯಿಸಿದೆ ಎಂದು ಹೇಳುತ್ತಾನೆ. ಇನ್ನೇನು ಲೀಲಾ ಸತ್ತೇ ಹೋದಳು ಎಂದುಕೊಳ್ಳುವಷ್ಟರಲ್ಲಿ ವಿಕ್ರಮ್ ತಡೆಯುತ್ತಾನೆ.

ಸ್ವಲ್ಪದರಲ್ಲೇ ಲೀಲಾ ಬಚಾವ್

ಆದರೂ ಎಜೆ ಕೇಳುವುದಿಲ್ಲ. ನನ್ನ ಅಂತರಾಳನ್ನು ಸಾಯಿಸಿದ್ದಾಳೆ. ನಾನು ಇವಳನ್ನು ಬಿಡೋದಿಲ್ಲ ಎಂದು ಸಾಯಿಸಲು ಮುಂದಾಗುತ್ತಾನೆ. ಆಗ ವಿಕ್ರಮ್ ನಿನ್ನ ಅಂತರಾ ಸತ್ತಿಲ್ಲ ಬದುಕೇ ಇದ್ದಾಳೆ. ಇದು ಬೇರೆ ಅಂಬಾರಿ. ನಿಜವಾದ ಅಂಬಾರಿ ನಿನ್ನ ರೂಮಿನಲ್ಲಿದೆ ಎಂದು ಹೇಳುತ್ತಾನೆ. ಎಜೆ ಹೌದಾ ಎಂದು ಕೇಳಿ, ಲೀಲಾಳನ್ನು ಬಿಟ್ಟು ಸೀದಾ ರೂಮಿಗೆ ಓಡಿ ಹೋಗುತ್ತಾನೆ. ಎಜೆ ರೂಮಿನ ಕಬೋರ್ಡ್ ನಲ್ಲಿ ಅಂಬಾರಿ ಇರುತ್ತದೆ. ಅದನ್ನು ಎಜೆ ಎತ್ತಿಕೊಂಡು ಅಂತರಾ ಎಂದು ತಬ್ಬಿಕೊಳ್ಳುತ್ತಾನೆ.

ಎಜೆ ಲವ್ ಸ್ಟೋರಿ ಕೇಳಿದ ಲೀಲಾ

ತಕ್ಷಣವೇ ಲೀಲಾ ಅಜ್ಜಿಗೆ ಕರೆ ಮಾಡಿದ್ದಾಳೆ. ಅಜ್ಜಿ ಅಂತರಾ ಎಂದರೆ ಎಜೆಗೆ ಯಾಕಷ್ಟು ಇಷ್ಟ. ಅಂತರಾ ಹಾಗೂ ಎಜೆ ಅಷ್ಟೊಂದು ಪ್ರೀತಿಸುತ್ತಿದ್ದರಾ..? ಆ ಅಂಬಾರಿಯಲ್ಲಿ ಏನಿದೆ ಎಂದು ಕೇಳುತ್ತಾಳೆ. ಆಗ ಅಜ್ಜಿ ಅಂತರಾ ಮತ್ತು ಎಜೆಯ ಲವ್ ಸ್ಟೋರಿಯನ್ನು ಹೇಳುವುದಕ್ಕೆ ಮುಂದಾಗುತ್ತಾರೆ. ಅಂತರಾ ಕಾಲೇಜಿನಲ್ಲಿ ಓದುವಾಗ ನಡೆಯುವ ಘಟನೆಯ ಬಗ್ಗೆ ಈಗ ಧಾರಾವಾಹಿಯ ಕಥೆ ಶುರುವಾಗಿದೆ. ಕಾಲೇಜಿನಲ್ಲಿ ಎಲ್ಲರಿಂದ ಒಳ್ಳೆಯ ಹೆಸರು ಪಡೆದಿರುವ ಅಂತರಾಗೆ ಹುಡುಗನೊಬ್ಬ ಹಿಂಸೆ ಕೊಡುತ್ತಿರುತ್ತಾನೆ. ಈಗ ಎಜೆ ಯಂಗ್ ಲುಕ್ ನಲ್ಲಿ ಕಾಲೇಜಿಗೆ ಎಂಟ್ರಿಕೊಟ್ಟಿದ್ದಾನೆ.

ಎಜೆ ಯಂಗ್ ಲುಕ್‌ಗೆ ಪ್ರೇಕ್ಷಕರು ಫಿದಾ

ಈಗ 'ಹಿಟ್ಲರ್ ಕಲ್ಯಾಣ' ಧಾರಾವಾಹಿಯಲ್ಲಿ ಎಜೆ ಹಾಗೂ ಅಂತರಾ ಪ್ರೇಮ ಕಥೆಯನ್ನು ಅಜ್ಜಿ ಹೇಳುತ್ತಿದ್ದು, ಎಜೆಯ ಯಂಗ್ ಲುಕ್‌ಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಧಾರಾವಾಹಿಯ ಪ್ರೋಮೋದಲ್ಲಿ ಎಜೆ ಸಕತ್ ಆಗಿ ಕಾಣುತ್ತಿದ್ದಾರೆ. ಅಭಿರಾಮ್ ಕಾಲೇಜು ದಿನದ ಕಥೆಯನ್ನು ಕಲರ್ ಫುಲ್ ಆಗಿ ಚಿತ್ರೀಕರಿಸಲಾಗಿದೆ. ಅಭಿ ಹಾಗೂ ಅಂತರಾ ಅವರ ಪ್ರೇಮ ಕಥೆಯನ್ನು ನೋಡಲು ಪ್ರೇಕ್ಷಕರು ಕೂಡ ಕಾತುರರಾಗಿದ್ದಾರೆ.