ಮುಖಪುಟ

ಟಿವಿ

ಕನ್ನಡ ಕಿರುತೆರೆ ಕ್ಷೇತ್ರದಲ್ಲಿ ಮೊದಲ ಸ್ಥಾನದಲ್ಲಿ ಇರುವ ಉದಯ ಟಿವಿಯಲ್ಲಿ ಹೊಚ್ಚ ಹೊಸ ಸ್ವಮೇಕ್ ಧಾರಾವಾಹಿ 'ಮೀನಾಕ್ಷಿ ಮದುವೆ' ಆರಂಭವಾಗಿದೆ.

ಪ್ರೀತಮ್ ಶೆಟ್ಟಿ ಅವರ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಧಾರಾವಾಹಿಯಲ್ಲಿ ಅಪೂರ್ವ ಹಾಗೂ ಹರ್ಷ ಎಂಬ ಎರಡು ಹೊಸ ಮುಖಗಳನ್ನು ಪರಿಚಯ ಮಾಡಲಾಗಿದೆ. [ನಿಮ್ಮ 'ಉದಯ ಟಿವಿ'ಯಲ್ಲಿ ಎರಡು ಹೊಚ್ಚ ಹೊಸ ಧಾರಾವಾಹಿಗಳು!]

ಇನ್ನೂ ಕಳೆದ ಮೂರು ದಶಕಗಳಿಂದ ಚಿತ್ರರಂಗದಲ್ಲಿ ತೊಡಗಿಕೊಂಡಿರುವ ರಾಕ್ ಲೈನ್ ಸುಧಾಕರ್ ಈ ಧಾರಾವಾಹಿಯ ಮೂಲಕ ಕಿರುತೆರೆ ಕ್ಷೇತ್ರಕ್ಕೆ ಅಡಿಯಿಟ್ಟಿದ್ದಾರೆ. ರೈಫಲ್ ರುದ್ರೇಗೌಡ ಆಗಿ ನಾಯಕಿಯ ತಂದೆ ಪಾತ್ರವನ್ನು ಅವರು ನಿರ್ವಹಿಸಿದ್ದಾರೆ.

ಸಂಗೀತ ಹಿನ್ನೆಲೆಯ ದಂಪತಿಗಳಾದ ಶಶಿಧರ ಕೋಟೆ ಹಾಗೂ ಸೀತಾ ಕೋಟೆ ದಂಪತಿಗಳು ನಾಯಕನ ತಂದೆ-ತಾಯಿಯಾಗಿ ಅಭಿನಯಿಸಿದ್ದಾರೆ.

ಅಂಜು ಹೆಗಡೆ ಕಥೆ-ಚಿತ್ರಕಥೆ ರಚಿಸಿದ್ರೆ, ಕಾರ್ತಿಕ್ ಸಂಭಾಷಣೆ ಬರೆದಿದ್ದಾರೆ. ಇದೇ ಮೊದಲ ಬಾರಿಗೆ ಹಿಮಾಲಯದ ತಪ್ಪಲಿನಲ್ಲಿ 'ಮೀನಾಕ್ಷಿ ಮದುವೆ' ಧಾರಾವಾಹಿಯ ಚಿತ್ರೀಕರಣ ನಡೆದಿದೆ.

ಸೋಮವಾರದಿಂದ ಶುಕ್ರವಾರದವರೆಗೆ ಸಂಜೆ 6.30ಕ್ಕೆ 'ಮೀನಾಕ್ಷಿ ಮದುವೆ' ಉದಯ ಟಿವಿ ಯಲ್ಲಿ ಪ್ರಸಾರವಾಗಲಿದೆ.