ನರೇಂದ್ರ ಮೋದಿ ದೇಶದ ಅರ್ಹ ಬ್ರಹ್ಮಚಾರಿ!

ನಮ್ಮ ದೇಶದ ಯೋಗ್ಯ ಅವಿವಾಹಿತ ಯಾರೆಂದು? ಕೇಳಿದ ಪ್ರಶ್ನೆಗೆ ಮಲ್ಲಿಕಾ ನೀಡಿದ ಉತ್ತರ ನರೇಂದ್ರ ಮೋದಿ. ಮೋದಿ ಕುರಿತಾಗಿ ತಾವು ನೀಡಿರುವ ಹೇಳಿಕೆಯನ್ನು ಶೆರಾವತ್ ಸಮರ್ಥಿಸಿಕೊಂಡಿದ್ದಾರೆ.

ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿ, ಚತುರ, ಪ್ರಗತಿಪರ ವ್ಯಕ್ತಿ ಎಂದೂ ಮಲ್ಲಿಕಾ ಬಣ್ಣಿಸಿದ್ದಾರೆ. ನಾನೂ ಅವಿವಾಹಿತೆ. ಮೋದಿ ಕೂಡ ಅವಿವಾಹಿತರು. ನನ್ನಂತೆಯೇ ಮೋದಿ ಬಗ್ಗೆಯೂ ಸಾಕಷ್ಟು ಅಪಪ್ರಚಾರ ನಡೆಯುತ್ತಿವೆ ಎಂದು ಮಲ್ಲಿಕಾ ತಿಳಿಸಿದ್ದಾರೆ.

The Bachelorette India - Mere Khayalon Ki Mallika ಟಿವಿ ರಿಯಾಲಿಟಿ ಶೋ ಮೂಲಕ ತಮ್ಮ ಸಂಗಾತಿಯನ್ನು ಹುಡುಕುತ್ತಿರುವ ಮಲ್ಲಿಕಾ, ಈ ಶೋ ಟ್ರೇಲರ್ ನಲ್ಲಿ ಮೋದಿ ಬಗ್ಗೆ ತಮ್ಮ ಅಭಿಪ್ರಾಯ ಹೊರಹಾಕಿದ್ದಾರೆ.

ಈ ರಿಯಾಲಿಟಿ ಶೋ ಅಂತರಾಷ್ಟ್ರೀಯ ಮಟ್ಟದ ಶೋನಂತೆ ನಡೆಯಲಿದೆ. 30 ಸ್ಪರ್ಧಿಸಳು ಇದರಲ್ಲಿ ಭಾಗವಹಿಸುತ್ತಿದ್ದು, ಅವರಲ್ಲಿ ಮಲ್ಲಿಕಾ ತನ್ನ ಸಂಗಾತಿಯನ್ನು ಹುಡುಕಿಕೊಳ್ಳಲಿದ್ದಾರೆ. ನಟ ರೋಹಿತ್ ರಾಯ್ ಈ ಶೋ ನಡೆಸಿಕೊಡಲಿದ್ದು, ಅಕ್ಟೋಬರ್ 7ರಿಂದ ಲೈಫ್ ಓಕೆ ವಾಹಿನಿಯಲ್ಲಿ ಶೋ ಪ್ರಸಾರವಾಗಲಿದೆ.